2 WAKORINTO 10:13 - Bibilia Kui Mdedie fo Kimochi

¹³ Indi so lulakunda ikushela na kiṟumi kilawa ihesho, kya indi liwe lyechisumhanya kihesho kya kilya Ruwa alelupfungya kitane kyamelushitsa na ipfo konu.

2 WAKORINTO 10:13 ပူးပေါင်းရင်းမြစ်များ

SHIIMBO SHA DAWIDI 19:4

Ṟu lyawo limanyikie wuyanenyi kose, Na madedo hawo itane mtsitsionyi fo masanga. Kiidi kya isho kawikia mnengeri ihema,

MFANANO 25:14

Cha mapuchi na otanu kulawode mvuo. Nyi wudo ai mokushela na shisumbo kui wongo.

YESAYA 28:17

Inyi njechianduo ke nyikyo mdumbuye, na wulohi iwa kipiṟinyi kya orusu (kelaho ni timazi ang'u biringi;) na mvuo ya maho yechiduo kuleshe madedo ho ha wongo na mṟinga fochinyamaṟa handu heowa.

MATAYO 25:15

Ichu kamnengia talanta tsitanu na icho ungi tsiwi na icho ungi imu. Orio mndu ose kamnengia chando kisumuhanyi na pfinya yake. Naho kahenda kyaṟo.

WAROMA 10:18

Ang'u njiwesenyi njihambe, Ngesa nyi waleleicho ndumi-yo? Ee-ko. Waleicho Kuwukye mangelele hawo hakadung'ana wanda ii kose, na madedo hawo hakatana hashika kulyando mtsitsio fo wuyana.

WAROMA 12:3

Kisumbo njii-msumbe nakyo kyanjienenga njiwie orio mndu ose akeri ipfo konu, ke nalahie kyake kyekung'anyisha kyeng'anya kilya kimsuhananye, kya indi nahie-ho kyeidikya kidembo kyake chando Ruwa ahawye orio mndu kiheo kya mwidikye.

WAROMA 12:6

Na shisumbo so lui-wasumbe shirianyi na wutonga wulya, sho shii shingi na shingi. Msa amsumbe wuikimbi naikimbe kisumhanye wuidiki.

WAROMA 15:20

Indi ngakunyasha njidi ke njechiongoya Ndumi ii ya Sia kundo kulandesendyo rina lya Kristo, njilawone njechihenda iwika mba ipfo kundo ungi awehye-ho otende.

1 WAKORINTO 12:11

Indi isho shose nyi Mumuyo ichu umu ose ashitanye echihawya orio umu kikoke chando akunda.

WAEFESO 4:7

Indi orio mndu onu ose amsumbe wutonga kui kihesho kya kisumbo kilya aleinengo nyi Kristo.

1PETRO 4:10

Muwe mochipfuṟukanyana muwenyi na wenyi orio mndu ose kui kisumbo kya wutonga ameinengo nyi Ruwa, mui waiṟichi wecha weiṟichya-ho wutonga wo Ruwa wui-wuhawie-ho wo mbaṟi ii na ii.