2 WAKORINTO 1:4 - Bibilia Kui Mdedie fo Kimochi

⁴ O ai moluwihiṟya moo shiwirenyi shadu shose luidime ikuwutya-ho iwihiṟya moo walya wai warohie kui kiwihiṟia kilya luikarisho nakyo nyi Ruwa.

2 WAKORINTO 1:4 ပူးပေါင်းရင်းမြစ်များ

SHIIMBO SHA DAWIDI 32:5

Njilekuwia wunyamaṟi woko, Ma njileṟika deko lyakopfo. Njilehamba njechitocha wunyamaṟi woko ko Mndumii. Na iyo konjihoṟia wunyamari woko wose.

SHIIMBO SHA DAWIDI 32:7

Nyi iyo ui monjiṟihika, na inringa na matuuro, Nyiochinjiṟingichia shiimbo sha okiṟo.

SHIIMBO SHA DAWIDI 66:16

Nchonyi, adanyienyi, nyo muowoye Ruwa, inyi njechihamba kilya alewutya mrima foko.

SHIIMBO SHA DAWIDI 86:17

Unjiwutie ofano lo wucha, sa wanjisuo waluwone na iṟeenze; kyamba iyo, Mndumii, kulenjitarama na injiwihiṟia moo.

YESAYA 12:1

Kiidi kya mkonufo nochihamba, “Hoi Mndumii njechikuana iyo; Manya chandu ulenjisuuya, Nyashi yapfo ilehalukia haleshe, Na iyo omenjiwihiṟia moo.

YESAYA 40:1

Wihiṟienyi wandu moo, wihiṟienyi wandu moo, wandu wako, Ruwa onu ahamba.

YESAYA 49:10

Wechiwado nyi njaa ma nyodapfo; wechiwona ngumia ma mbaṟipfo kipfa ichu mowasaṟia nechiwateteṟa.

YESAYA 51:12

“Inyi, ee, inyi njekewihiṟia moo; iyo nyiu itane oowuo mndu echipfa, na mndu echiwa cha maṟa?

YESAYA 51:3

Kipfa Mndumii nawihiṟia mṟi fo Sioni moo; nahaluo nuka ya msanga ikawa cha mdemi fo Edeni, na pata cha dema licha lya Mndumii; seko na sia shechiwono kiidi kyake, iana na ṟu lyeimba.

YESAYA 52:9

Irienyi maṟu ha sia, imbenyi kimu, Nyo Yerusalemu handu hawei wukiwa; Kipfa Mndumii nawihiṟia moo wandu wake, Naashuo Yerusalemu naladao wusingenyi.

YOHANE 14:16

Na inyi njechiterewa Wande nao echimwenenga Mtarami ungi nawe mokaa nanyo itane mlungana.

YOHANE 14:18

“Inyi ma njechimda-ho wangoendapfo, nyi njiicha-se na konu.

YOHANE 14:26

Indi Mkarishi chu nio Mumuyo Mwele, ichu Wande echimuduma kiwe kui rina lyako, o echimpfunda shindo shose na imtamuṟya kya shose njilemuwia inyi.”

2 WAKORINTO 7:13

Nakyo nyikyo kyamnenga lomhennda iwihiṟyo moo. Na ipfo kundo so lumhenda iwihiṟyo moo kulemshika yengeṟyo-ho kiluchihiṟa lya wueṟa nyi ili Tito ai mchihiṟe adi kipfa dima lyake lii idamiṟe n nyo mose tsee.

2 WAKORINTO 7:4

Njimukerye na wulalutsu wung'anyi, njikuṟumisha mnu kipfa kyanu; njiihutsu kiwihiṟya moo, njiichuo msiha fuidye mawawiṟo hadu hose.

WAFILIPI 1:14

Na wanawawama wafoi-ho wakuwanzie na Mndumii wakaitika ikarya wechionguo dedo lya Ruwa kipfa kya ipfungo lyako walai na wuowu.

1WATESALONYIKYE 4:18

Wihiṟianenyi moo nyo muwenyi na wenyi mochiongoyana oloho lu.

1WATESALONYIKYE 5:11

Mukarishane na ikyo muwe mochikuheluana mndu na odoya chando muweiwuta.

WAEBRANIA 12:12

Nkyo kimwenenge muhende ikarisha mawoko halya hai-masotse owaa na ndi tsilya mulakae marehe.