2 WAKORINTO 1:20 - Bibilia Kui Mdedie fo Kimochi

²⁰ Kyamba ipfo koke shasa sha Ruwa chando shifoi shi “Ee.” Nyi wudo nao awikye Amenyi iya, Ruwa nawute-ho iichiko nyiso.

2 WAKORINTO 1:20 ပူးပေါင်းရင်းမြစ်များ

MAWOOKIONYI 22:18

na kiidi kya oshari lopfo mkambo ya wandu yose wechicha iwikio ona; kipfa kya ili ohendelia ṟu lyako.’”

MAWOOKIONYI 3:15

Njechiwika-ho kituwa kyanu na mka na kya oshari lopfo na lo mka. Nalo lochikuṟinjawia mdofo na iyo noluṟinjawie kitsinano-kyo.

MAWOOKIONYI 49:10

Ndichi ya wumangi yechilekana ipfo ko Yudapfo. Manya mowika mawawaso madendenyi hakepfo. Na kuwede nache Ichu, menyi uikolonyi. Ichu mkambo ya wandu wechimwindia.

SHIIMBO SHA DAWIDI 102:16

Ilyi Mndumii echikoya amemaa iwika Sioni, ilyi echikuloṟa kiidi kya kiṟumi kyake,

SHIIMBO SHA DAWIDI 72:17

Rina lyake likae mlungana, mandi mnengeṟi fowaa, rina lyake liwade kishari; wandu wose wahende ikuwikia ona; na imlaha nanga.

YESAYA 65:16

Nakyo kechiwa ichu mokuwikia amonyi ona wuyanenyi, nyi echikuwikia amonyi ona ko Ruwa o lohi; na ichu molya nyamu wuyanenyi, nyi alya nyamu ya lohi; ko Ruwa o lohi. Kipfa mawukiwa ha kuwoka hahadimika na kipfa haimaṟike mesonyi hako.

YESAYA 7:14

Ko ikyo Mndumii amonyi nyi echimuinenga kichano. Ambuya mana mkeha nechikapika, nechifee mana o womi, nao nechimlaha Imanueli.

MATAYO 6:13

Ma ulaluduo kitewionyi indi ulukiṟe shindo shiwicho!

LUKA 2:14

“Kiṟumi nyi kya Ruwa kulya huye, na orukenyi nyi ofoṟo, ipfo ko wandu wakundikie!”

YOHANE 1:17

Cha kipfa Ruwa naleende wuwawaso wulya kui Mose, indi wutonga na wukilohi, wo nyi wuleendo nyi Yesu Kristo.

YOHANE 14:6

Adi Yesu kahamba, “Inyi nyiyo njia, lohi na moo. Ma kwipfo msa echishika ko Wande alashitso nyi inyipfo.

YOHANE 3:5

Yesu kahalwo, “Kya lohi na lohi ngakuwia, Mndu kada alafeo nyi mṟinga na Mumuyo echiidima ihenda ipfo wumanginyi wo Ruwa manyale-pfo.

WAROMA 11:36

Kipfa nyio ai kimaenyi kya shindo shose, nao ai moshiwanzya mkaenyi, na koke shechikaa shiinukie shose. Wuitoṟi nyi woke wokaa mlungana. Amenyi.

WAROMA 6:23

Kyamba wueri wosingya wunyamaṟi nyi opfu, indi kilya Ruwa aisumba nakyo mndu oke nyi moo fo mlungana fukukerye Kristo-hu Yesu Mndumii odu.

1 WAKORINTO 14:16

Cha kipfa kokoya iyo oterewa kui mumuyo ochiana na ichu adamya kidembo-hu kya mndu alaichi nyi echiidikya kindo uihamba?

2 WAKORINTO 4:15

Kyamba ishi shose nyi shitanyika kipfa kyanu, kundu wutonga wu wufeṟikye wafoi wadi wuwe wofeṟa mwaano fohamba mng'ano fo Ruwa.

2 WAKORINTO 4:6

Kipfa nyio Ruwa ahambye kuwe sa iwae iwuka meemenyi nao alewaa ipfo ngoonyi tsadu kuwukye-ho ngeela yemanyisha wuitoṟi wo Ruwa wukeri oshangunyi lo Kristo.

WAGALATIA 3:22

Indi bibilia ikaweshingya wose wunyamaṟinyi kundu kilya kii kiteṟye kishike isumbo, kiwe kisumbo kiidikyanyi na wuidiki wokusirya na Kristo kyesumhanya walya wakuwode nao.

WAEFESO 1:6

Kundu wutonga wo wusuṟi, woke iwo alelusumba kui mkunde oke wuhende iwikyo kiṟumi.

WAEFESO 2:7

Nyi wudo aleloṟa wandu wa maheri halya haitikiria mfeṟa welu fo wutonga woke kui wucha iwu ailuwutya so lui walungye Kristo Yesu.

WAKOLOSE 1:27

Nyiwo-ng'u Ruwa alekunda iwamanyishya wandu wake wusuṟi-wu wo kyama kyo kiele kikoome chando kisuṟie. Nakyo nkyo Kristo kiidi kyanu mosuṟa mowedyo.

2WATESALONYIKYE 1:10

Mkonu echicha nakuwutie-ho ewikio kiṟumi kiwukie ko wandu wake, nawe echiichiko nyi kya walya wake wamwidikye wose. Nanyo na wudo kipfa muleidikia wungochi wodu. Sho shechiwa mkonu fulya fulya.

WAEBRANIA 11:13

Iwa wose walemhenda wekaa na wuidiki ma walawekudaya shiteṟyo shilya, indi waleshiwona shikeri kundo ko isonguo wakashiindya wekuhambya na pata ke wakeri wahenu, wandu wekuidya-ho tupu ipfo teri-hu-ii.

WAEBRANIA 13:8

Yesu kristo awei adi wukowu ai adi na inu echikaa adi mlungana.

WAEBRANIA 7:6

Kya indi ichu alawa isendo na kiriterite kya waku ipfo kowo, o aleambya kilya kishitsye ikumi kya shilya sha Abrahamu kawikya ichu awembikye shiteṟyo shilya ona.

1PETRO 1:12

Wakashika iwonesyo ke shindo shi weshikuwinya wo wa wenyipfo indi kitewe n nyo. Nashonyisho muleshiongoyo wulalu nyi walya walemwendie nyo Ndumi ya Sia ya okiio kui Mumuyo Mwele aa-mdume awuka ruwehu, sho sheamtsya na wasu wa ruwehu macha hemehya-ho.

1YOHANE 5:11

Na kiṟingishyo kilya kikeri kii-le, ke Ruwa ameluenenga moo fulunganyi, nafo nyifo moo fukukerye ipfo ko Manoke.

OTAMBAHALUO LO YOHANE 3:14

“Na msu ulya o siṟi lya Laodikia ochimṟehya, ‘Aii ndumi iwukie ko ichu amhambe ai Amenyi, o nyi mṟingishi mhendeli mokilohi ai mawokioonyi ha shose Ruwa ashiwikye.

OTAMBAHALUO LO YOHANE 7:12

Wechihamba, “Amenyi, Kiichiko na wuitoṟi na wuṟango na wualanyi na wuindi na wuikolonyi na wuṟamtsu wui wo Ruwa odu wochikaa nao maheri hose halunganyi. Amenyi.”