2 WAKORINTO 1:18 - Bibilia Kui Mdedie fo Kimochi

¹⁸ Kya indi Ruwa nyio o lohi kanega idedo li luwelimwendie lilaweṟukeweṟuke liwe ee na ote.

2 WAKORINTO 1:18 ပူးပေါင်းရင်းမြစ်များ

YOHANE 7:28

Lyo likaenenga Yesu ipfo hekalunyi kundo ailosha kaira ṟu kahamba, “Ee-da na muwenjiichi na kundo njiwukye na muweichi da. Na inyi njicheye kui chila yako njimonyipfo. Kwipfo mokilohi alenjiduma, nao ma mulamwichi nyo.

YOHANE 8:26

Njiwode shifoi shededa kyanu na idumbwo kyanu. Kya indi ichu alenjiduma akeri menyi-wukilohi, na inyi shilya njileicho shiwuka koke nsho njiiwia wa wuyana.”

1 WAKORINTO 1:9

Ruwa ai mhendeli, nao nyio amemlahya kilunganyonyi kyelungana na Manoke Yesu Kristo Mndumii odu.

2 WAKORINTO 1:23

Kya indi Ruwa nyi mongochi oko naichi mrima foko. Njichase na konupfo, kipfa kya iwasaṟia na iwawikya nyo kitanyo.

2 WAKORINTO 11:31

Ruwa chu moṟumisha mlungana ai Nde o Mndumii odu Yesu Kristo nyi aichi ke njilahamba wongo.

2 WAKORINTO 2:17

Kyamba so lulai cha wengi wafoi wekehaluo dedo lya Ruwa kindo kyekapa mbucha, kya indi luideda kui wulalutsu shiwukye ko Ruwa lukeri Kristo hu odatsinyi lo Ruwa.

2 WAKORINTO 6:8

Lokuidya hando lowikyo kiṟumi na hando lohenda isutso, kundo luiselio mnyeri na kudu lohenda iichiko, lotano walembi na luende kilya kii lohi.

1YOHANE 5:20

Luichi ke Mana-chu o Ruwa amecha kaluinenga wuṟango kundu lochimanya ichu ai menyi-kii-lohi. Naso lui-wasanze na ichu menyi-kii-lohi lui-wasanze na Manoke Yesu Kristo. Nyio Ruwa menyi kii-lohi na moo fo mlungana.

OTAMBAHALUO LO YOHANE 3:14

“Na msu ulya o siṟi lya Laodikia ochimṟehya, ‘Aii ndumi iwukie ko ichu amhambe ai Amenyi, o nyi mṟingishi mhendeli mokilohi ai mawokioonyi ha shose Ruwa ashiwikye.

OTAMBAHALUO LO YOHANE 3:7

“Na msu ulya o siṟi lya Filadelfia ochimṟehya;” Aii ndumi ichu ai Mwele Mokiilohi awode opfunguo lo Dawidi. Hando o apfunguo kwipfo sa echiidima ipfunga-pfo. Na hando o apfunga kwipfo sa echiidima ipfunguo-pfo.