2 WAKORINTO 1:12 - Bibilia Kui Mdedie fo Kimochi

¹² Kyamba kiṟumi kyadu kii-kiṟingishye nyi ngo tsa mrima tsadu tsihoṟoki nyi kikeri kii-le, ke nyi luwehendekye iya wuyana kui wutambachu na wuharami wuwukye ko Ruwa, chi luweṟanguo mbari nyi kiwandufo kya indi luwewodo nyi wutonga wo Ruwa, na wandu lulewakaya ludi kya wueṟa nyiwo nyo.

2 WAKORINTO 1:12 ပူးပေါင်းရင်းမြစ်များ

2SAMWELI 22:22

Kipfa njiweichumia chandu Ruwa awekundi, ma njilekuletsa na Ruwa oko, kipfa kya unyamaṟi pfo.

YOBU 13:15

Ruwa nanjiwaahe kakunda, njiwode kedetsa pfo, manya kudo njechihamba kirianyi na ohendo loko oshangunyi loke.

YESAYA 38:3

kahamba, “Hoi Mndumii kumbuo wo ishi ngakuterewa, njilechumia njienyi tsisumhanyi, ngawewa mhendeli na mrima fukusirie kopfo njechiwuta mecha oshangunyi lopfo.” Hezekia kafihiṟa mnu mnu.

MAWUTO HA WASU 23:1

Paulo kaambuya chila iya kahamba, “Lanye womi mui wanawawama! Shika mkonu fo inu nyi ngamhendelya Ruwa wuhendeli wohendelya mkambo foke ngo tsa mrima foko tsihoṟoki necha kulawode ipuo.”

MAWUTO HA WASU 24:16

Nakyo nyikyo kyannenga njikuitike inyi njimonyi njikae na ngo tsa mrimenyi tsii njihoṟotsu sumuhana na Ruwa na wandu kya orio shindo shose.”

WAROMA 9:1

Njiideda kya lohi njii Kristo-hu, njihamba wongopfo, na ngo tsa mrimenyi foko tsii-njiwanze nyi Mumuyo Mwele tso tsanjiikanya ihoṟotsa kiṟingishyo ki.

1 WAKORINTO 1:17

Kyamba Kristo alanjitanye msu nyi kundu njipatise, kya indi nyi kundu njiongwo ndumi ya sia yo okiio. Nalyo lilawe kui madedo ha wuṟango kundu msalaba fo Kristo fulahendewiro.

1 WAKORINTO 12:8

Kyamba ichu umu amnengo nyi Mumuyo ideda wuṟango, na ichu ungi ideda wulaanyi kui mweke fo Mumuyo ulya ulya.

1 WAKORINTO 15:10

Kya indi kui wutonga wo Ruwa nji chasa nji, na wutonga wu woke wunjikerye chi wulewa wo wulyapfo kya indi ngamewinya kya wueṟa kota wo wose, ma chi inyipfo shile nyi wutonga wu wo Ruwa wukeri na inyi.

1 WAKORINTO 2:13

Nasho nyisho luideda kyasho chi kui madedo ha-masungusie na wuṟango wo kiwandu, kya indi ha-mawike nyi Mumuyo, lochiṟinganyisha shilya sha Mumuyo na mweke fo Mumuyo.

1 WAKORINTO 4:4

Kyamba njilaichi kitewe. Kya indi ki kyansumhantsakyo, modumbuo kyako nyi Mndumii.

1 WAKORINTO 5:8

Nakyo kyaenenga luachikie mkonu mnene iya yadu, chi kui kitarang'asha kilya kiku manya kui kitarang'asha kya wuporu na wuwicho kya indi kui shilaishitarang'ashe sha wusalari na wulohi.

2 WAKORINTO 1:17

Alewo ili mbekusaṟie njido nyi njilaweichi kindo njiwuta? Ang'u isho njikuteseheṟye nyi njikuteseheṟye kui kiwandu, ke njihamba, “Ee” na Ote handu hamu?

2 WAKORINTO 11:3

Indi ngaowuo ke chando njoka iya ilelemba Ewa kui ngeṟo yayo nyi wudo mhie yanu ishike ifuṟunjo yechida wusunjukukye na wukeha wohalukya Kristo.

2 WAKORINTO 2:17

Kyamba so lulai cha wengi wafoi wekehaluo dedo lya Ruwa kindo kyekapa mbucha, kya indi luideda kui wulalutsu shiwukye ko Ruwa lukeri Kristo hu odatsinyi lo Ruwa.

2 WAKORINTO 4:2

Kya indi lulehye sha kiṟikenyi shepfia sonu; manya lulahendekye lui na ngeṟo, manya lulalongya idedo lya Ruwa kindo kii wongo, kya indi lokekumanyishya luwenyi ngo tsilya tsii mrimenyi tsa wandu lochihamba a pata kilya kii lohi lui oshanguny lo Ruwa.

2 WAKORINTO 8:8

Chi ngadeda njidi njembikya iwawasopfo kya indi mtambahanye fulya fo walya wengi fukanenga lango tsehesha na onu lo mkundye fonu.

WAGALATIA 6:4

Indi orio mndu nakudedye amonyi echiringa kilya o aiwuta. Nkyo kyechimwenenga nakutindilie kya ikuṟumisha lyake amonyi nalarohyane nalyo na mndu ungi.

WAEFESO 6:14

Hoṟokenyi wulalu mukupfungie kiilohi kitsinyi na kilya kii lohi, muṟee wusumhantso kiringa kipeta.

WAFILIPI 1:10

Kundu mushike iletsana shindo shilaidikyanyi, mukae mui-waheshe senyi imu ileewa ihutso itane mkonu fulya fo Kristo.

1WATESALONYIKYE 2:10

Nyo na Ruwa mui wangochi ke mkae iya luwemkaya nyo mui waidiki iwei ya wuhendeli na wuhoṟotsu na wusalari.

1TIMOTEO 1:5

Indi mṟasa fo wuikimbi wulya nyi ikunda liṟukye ngooyi tsiharami na mrimenyi mcha fuu na ngo tsii teṟe na wuindikinyi wulakulembetseṟye.

TITO 2:7

Henda ikuwika-ho kumonyi kichano kya mawuto mecha ui na wusalari wo ipfo wupfundinyi, na mkuachie,

WAEBRANIA 13:18

Ke luterewyenyi-ng'u-wo. Kyamba so lukusirie ke ngo tsadu tsa mrimenyi tsii nhoṟotsu loitika ihendekya wose kui wusumhanyi.

YAKOBO 4:6

Indi aenenga wutonga wo mwengeṟia.” Nkyo kimaduma ihambie, “Ruwa alemana na walya wekutimbisha wawenyi, indi walya wakusotsa, awawonya wutonga.”

YOSHUA 24:14

“Koikyo wulalu, indienyi Mndumii-Ruwa ko mrima mhoṟotsu fuwei na wusumuhanyi, denyi piu iindia maruwa ha wongo halya waku wanu walehaindia kulya molyolya fo meda, na Misri, indienyi Mndumii-Ruwa.

1PETRO 3:16

Indi mumhaluo muwodo nyi wuhoo na wuowu. Ngoo tsa mrima yanu tsii njicha, kundu na ipfo kundo waimsutsa washike ipfia sonu walya waideda owicho kya, ohendo lonu lochia ludi kui Yesu Kristo.

1PETRO 3:21

Fui mfano fo ifu fuimletsa nanyo wulalu fui wupatiso. Wo wulakeri iwuta-ho oko lui nyame-hu, kya indi wukeri iterewa Ruwa owanzo lohoṟotsa necha ngo tsa mrima kui pfinya ya iṟuka lya Yesu Kristo.