2WAMANGI 7:8 - Bibilia Kui Mdedie fo Kimochi

⁸ Kyasia wandu walya wa saka wekishika mṟasenyi ora lo kawi, wakaida na ihemenyi limu, wakalya, wakanyo, wakaduo fesa, na sahabu, na maṟao wakahenda ishiṟika wakawuya, wakaida ihemenyi lya kawi, napfo wakaweduo shindo, wakahenda ishiṟika.

2WAMANGI 7:8 ပူးပေါင်းရင်းမြစ်များ

2WAMANGI 5:24

Kekishika handu hawode kifumvu, kaambilia awuta mawokonyi hawo, kashiduo kanyi koke, kasama wandu walya wakakure, wakawuya.”

2WAMANGI 7:9

Kiidima wakawiana, “Mbonyi tsi luiṟunda tsitsichapfo, inu nyi mkonu fo mbonyi njicha, na-so lukatsia mṟasa kuke, lochihoyo nyi shindo shiwicho luhende iongoya wandu wa mba ya mangi.”

YESAYA 33:23

Shiwoho shapfo shiṟengeṟi; walaidime iwanza mnu itsinde lya mlingoti fowo; walaidime ioṟowuo nguwo ya ngalawa; na shilya sha walya walewado shidenyi shilehawio wandu, ma walya wairiteka walewinza shida.

YEREMIA 41:8

Kyaindi kuwewode wandu ikumi wawei kiidi kya kamba lyo likawia Ishmaeli: “Hoi kulakuso ma kulaluwahe kipfa kuwode kisa king'anyi kya ngano, shayiri, mafuda na wuki shishiṟike mademenyi.” Nawo wakawada na moo.

MATAYO 13:44

“Wumangi wo ruwehu nyi wufananyi na kisa kya shindo sha wuitoṟi kiwei kiṟike wanda demenyi Mndu kakiwona kahenda kakiṟika. Nao lyandi awodo nyi sia kahenda kumba shilya awode shose piu, kacha ihuṟa dema lilya.”

MATAYO 25:18

Kyasia ulya aduo iya imu kahenda. Kasumasuma ipfo wanda. Kaṟika fesa iya ya mndumii oke.

YOSHUA 7:21

Kiheri njilewona nguo njicha iwukie Shinani kiidi kya shindo shilya shilewado shidenyi na shekeli mahana (200) hawi ha fesa na mnaṟa fo sahabu fulemeri cha shekeli makumi hatanu (50), nalyo ngashilanga ngashiduo, ambuya nyi njishiṟikie, ngashisumia terinyi ipfo ihemenyi lyako, na fesa yo ngaiṟika wanda ya shindo sho.”