2WAMANGI 7:5 - Bibilia Kui Mdedie fo Kimochi

⁵ Kyasia wakakure kilawo kuwode kimbulyimbulyi, kundu washike handu ha mawokioonyi ha Washami wekekaa, ate kuwode pfo mndu ma umu pfo.

2WAMANGI 7:5 ပူးပေါင်းရင်းမြစ်များ

2WAMANGI 7:4

Lukaahamba, luide na mṟinyi, mṟinyi kuwode njaa naso lochipfiiaho lukakaa iya, lochipfa da. Kyasia luhende isahiya wandu wa mbahanyi wa Washami, wakalusaṟia lukie moo, wakaluwaha lochipfa tupu.”

2WAMANGI 7:6

Kipfa Mndumii alewatewa wakaicho mtiṟi cha fo magari, na mtiṟi fo frasi cha mtiṟi fo mamiingi fo wandu wa mbahanyi wa shida; wakawiana, “Ambuya mangi o Israeli neletaa wamangi wa Wahiti na wamangi wa Misri wache wakapane naso.”

EZEKIELI 12:12

Nao mangi chu ai kiidi kyawo nechikudika ṟio lyake makosohu hake ili kio, nawehenda iida ṟochehu lilitoche omombonyi lo mba yake naweshikia kyamu kyake nakuhendie elechiwona orukalu.

WALEWI 27:26

“Kuwode momu foshimbuo mshao ya kuwoka ya shumapfo; kui kido nyi ha Mndumii-Ruwa kiwe nyi mmbe angu nyi machondi.

WALEWI 27:8

Kokoya mnducho mowika kyasakyo nyi mkiwa aleidima itaa wuhuruwo, kyasiang'u mndu nechidao ko mkohanyi. Mkohanyi nechimnenga wuhuru woke wuhianyi na wuidimi wo icho mowika kiteṟio.

NGUMBUO YA MAWAWASO 28:7

“Wakituwa wanu wakamuiria shida, Mndumii nechimuinenga wuwinzi. Wakacha na njia imu wechiwuya na njia mfungade wechidicha.

NGUMBUO YA MAWAWASO 32:25

Shida tsechiende njopfu tsifoi nja na mba na wuowu wochiwachilia warika wa kisoṟo na wa kika wechiwooho, na walya waionga na wameku wa mhasa, manya umu echitsuhaapfo.

NGUMBUO YA MAWAWASO 32:30

Mndu umu nechiidima ada iwinga wandu kiku angu wandu wawi wechiidima wada iwinga wandu shiku ikumi, shile na kokoya Mndumii-Ruwa owo awakumba. Mndumii-Ruwa owo alekana nawo?

1SAMWELI 30:17

Dawidi nalewooka wokia ngamenyi tane ili lya ngama kyukanyi. Kuwode mndumsoṟo alekiapfo shile nyi wanake mahana haana sa waledooya ngamia wakadicha