2WAMANGI 7:1 - Bibilia Kui Mdedie fo Kimochi

¹ Elisha kahamba, “Adanyienyi idedo lya Mndumii, Mndumii nahamba adi, ‘Ngama kiheri cha iki, kiheo kya mso mcha kechikumbo ko shekeli, na shiheo shiwi sha shayiri ko shekeli, mongonyi fo Samaria.’”

2WAMANGI 7:1 ပူးပေါင်းရင်းမြစ်များ

1WAMANGI 22:19

Mikaya kahamba, “Ichong'u idedo lya Mndumii, ndewona Mndumii adamie loṟikehu loke lo wuitoṟi na mamiingi fo ruwehu wahoṟoki ora loke lo kulyo na kumoso.

2WAMANGI 20:16

Naalyo Yesaya kawia Hezekia, “Adanyia idedo lya Mndumii-Ruwa.

2WAMANGI 4:42

Ngoseṟa kukacha mndu umu awuka Baal-shalisha, kaendie mndu o Ruwa kelya kya kuwoka, mkate makumi hawi ya “Shayiri” na mahaa ha Ngano njiwishi ikunyia pacha, Elisha kawawasa, “Inenga wandu walye.”

2WAMANGI 6:25

Njaa ing'anyi ikahoya Samaria, nawo wakatengetia mṟi, itane mdo fo nzoi fukakumbo shipeṟengu makumi nyanya (80) sha fesa, na kitela kya sari ya mbeta ko rupia tsitanu tsa fesa.

2WAMANGI 6:33

Kededa adi ulya aledumo kamchea, nao kahamba, “Ambuya mawicho ha hose hawukie ko Mndumii; nyi ki kitewe inyi njiwedie Mndumii se?”

2WAMANGI 7:16

Wandu wakacha wakawada shilya shiledeo nyi Washamu; mahema hawo. Kikawa kiheo kya mso mcha kikakumbo ko shekeli, shiheo shiwi sha shayiri ko shekeli, kirianyi na idedo lilya lya Mndumii.

SHIIMBO SHA DAWIDI 46:5

Ruwa nyiai makidi hawi hake hechidedemapfo; Ruwa nyiechikutarama ngamenyi kilawo.

IWUKA 14:13

Mose kawia wandu, “Mulaowuo, hoṟokenyi tupu muwone okiṟo lo Mndumii-Ruwa echimuwutia inu; cha kipfa Wamisri wa muwawonyi inu mochiwawonase mlunganapfo.

IWUKA 16:12

“Njileicho mnunuwo fo wana wa Waisraeli; dedang'u nawo, nowawie, ‘Kiheri kya kyukanyi mochilya nyama, na kiheri kya ngamenyi mochiihuda mkate; nanyo mochimanya ke Inyi njii Mndumii-Ruwa onu.’”

IWUKA 8:23

Na inyi njechiwikaho mṟasa kiidi kya wandu wako na wandu wapfo; na ṟiho i yechiendo ngama.’”

YESAYA 1:10

Adanyienyi idedo lya Mndumii nyo wachili wa Sodoma; dehenyi madu muicho Oloho lo Ruwa odu nyo wandu wawicho cha wandu wa Gomora.

EZEKIELI 37:4

Nalyo kanjihaluo kahamba, “Wuta wuikimbi ko mafuoha hawie kudi, nyo mafuo maumu adanyienyi idedo lya Mndumii-Ruwa.

YOHANE 6:9

“Kunu nyi kuwode manake awode mkate ya ngano itanu na makunga hawi. Kyechiwiko cha iki wandu wamfo wado?”

YOSHUA 3:5

Nalyo Yoshua kawia wandu, “Kekuheṟemtsenyi, kyamba ngama Mndumii-Ruwa nahenda iwuta ṟiho kiidi kyanu.”

OTAMBAHALUO LO YOHANE 6:6

Na ngaicho ṟu lyededa ipfo kiidi kya maṟimu halya haana likahamba; Kitela kimu kya mso fo ngano kiwe kya shilingi imu, na shitela shiṟaṟu sha ngano ya ipusa na sha shilingi imu. Indi mafuda ulahanyamaṟe manya mpfinyo.

1SAMWELI 11:9

Wakawia wadume walya walewuka Yabeshi, “Wienyi wandu wa Yabeshi-gileadi: ngama kiheri mnengeṟi fui mbawo mochikoya momeletso.” Wandu wa Yabesh-gilead wekiicho mbonyitso wakachihio mnu nakamu.

1SAMWELI 15:1

Samweli kawia Sauli, “Mndumii-Ruwa nalenjiduma njikushie mafuda nowe mangi ya wandu wake Waisraeli. Wulalu adanyia madedo ha Mndumii-Ruwa.