2WAMANGI 21:9 - Bibilia Kui Mdedie fo Kimochi

⁹ Kyaindi wandu wa Yuda waleichopfo, Manase kawainenga iwuta wunyamaṟi ngoseṟa kota tsilya tsilewuto nyi mkambo iya ya wandu walenyamaṟo nyi Mndumii-Ruwa oshangunyi lo Waisraeli.

2WAMANGI 21:9 ပူးပေါင်းရင်းမြစ်များ

1WAMANGI 14:16

Nao nechilekana na Israeli kipfa kya madeko ha Yeroboamu, aledetsa naho Israeli.

2WAMANGI 16:3

Naleosha ohendo lo wamangi wa Israeli. Lya wueṟa naleitsa mana oke modonyi nawe kidaso, kechiosha mbuka mbicho tsa wahenu walewingio nyi Mndumii-Ruwa kiheri Waisraeli waweida orukenyi lo kyasa.

2WAMANGI 21:10

Naalyo Mndumii-Ruwa kadeda kui dumbu lya waṟundi wake wai waikimbi,

2MBONYI TSA MAHERI 33:9

Kyaindi Manase naledetsa wandu wa Yuda na wandu wawekekaa Yerusalemu, wakawuta wunyamaṟi wung'anyi kota wulya wo wandu wa mkambo sa Mndumii-Ruwa alewarumatsa oshangunyi lo wandu wose wa Israeli.

2MBONYI TSA MAHERI 36:16

Kyaindi wo walekapa mang'ang'o waikimbi walya wa Mndumii-Ruwa, na isalucha madedo hake, na iseka waikimbi wake mṟasa nyashi ya Mndumii-Ruwa ikaaka kihadi na wandu wake, ma kulawadese ma chandu wechidima iashuka.

NEHEMIA 9:26

Kyaindi wandu wa walekuhendelia-pfo, wakakuleha, wakaweleha mawawso hapfo, wakawewaha waikimbi walya walewaikimba ikuhalukia, nawo wakawuta mawicho hang'anyi mnu.

SHIIMBO SHA DAWIDI 12:8

Walai wecha wekehenda njoora tsose, Mbonyi tsa ngafu tsikaṟuṟuma kiidi kya wandu.

SHIIMBO SHA DAWIDI 81:10

Inyi njii Mndumii-Ruwa, Ruwa opfo, njilekudosa kuwuka orukenyi lo Misri. Tambaṟuo mnu dumbu lyapfo na inyi njechiliichuṟa.

MFANANO 29:12

Mochilya kaadanya wongo; Nahong'u wanjama wake wose wechiwa wawicho.

EZEKIELI 11:12

Kipfa kya ikyo mochihenda imanya ke inyi nyi Mndumii-Ruwa ichu mulaleosha njia yake na iumbuya wuwawaso woke mukahenda iindiya mawawaso na mchumie fo wandu wahenu walya wawemuṟingichie.’”

EZEKIELI 16:47

Ambuya ulekunda iosha njotifo tsawopfo, manya iwuta mawuto hawo mawichopfo, kyaindi ko oweṟe sa lututu mnu nulenyamaṟika kota wo ko orio kindo uwekeri iwuta.

EZEKIELI 22:3

Wawie le Inyi Mndumii-Ruwa menyi matorito ngahamba njidi; Iyo nyi mṟi fokewaha wandu wapfo kumonyi, kowekufanyitsase ochisungusia sanamu tsa maruwa hengi, koikyo kiheri kya ngapo yapfo kyaafukia.

EZEKIELI 5:6

Kyaindi mṟifu fuletahacha mawawaso hako, fukawichuo kota mkambo fo wandu wengi, na iwada wuminyi kota wandu wawefuṟingichie. Yerusalemu fuleleha iosha mawawaso hako na ichumia kiidi kyaho.

EZEKIELI 5:7

Koikyo Mndumii opfo nyi ahamba adi, kyamba nulenjimina kota mkambofo fo wandu wawekuṟingichie, koweleha iosha njia ya wusumahanyi kochitahacha mawawaso hako, koweosha mbuka tsa wandu wawekuṟingichie.

DANIELI 9:6

Manya luleadanyia waṟundi walya wapfo-pfo, waikimbi walededa kui rina lyapfo wechiikimba wamangi wadu, na wanene wadu, na wandeadu, na wandu wa oruka lodu.

HOSEA 5:11

Efraimu nyi walelya wukiwa, kawesoko na shilya shiwembaṟi, kyamba nyi alekunda iosha wutondo.

LUKA 13:34

Ee-Yerusalemu, Yerusalemu, okewaaha wadedi wa Ruwa kowekumbia na iwo wawadume kopfo maho, nyi kafoi kada njiwekundi isanyia wana wapfo handu hamu chando nguku yekesanyia malea hayo makungonyi nanyo mulakunde!

YOHANE 15:22

Kima njilawemche na ideda nawo wawehoyo owingo lo wuyamaṟipfo. Indi wulalu wakuwonya mweeke fokuwuta owingo lu lowopfo.

YAKOBO 4:17

Kyasia mndu kamanya kilya kii kicha kyewuta nao ada aleekiwuta, nakyo kyechimbiia wunyamaṟi.

OTAMBAHALUO LO YOHANE 2:20

Indi njikuwodie mondu, kyamba oidikiana na mka ulya Yezebeli ichu akuhamba amonyi ke mwikimbi o Ruwa kalosha echitusa masinga hako wawe waṟuhui wahende ilya na nyama ndasye maruwa ha wongo.

1SAMWELI 8:19

Ma kudo, wandu waleleha iadanyia Samweli wakahamba, “O manyale! So lochiwada mangi moluchilia,