2WAMANGI 2:5 - Bibilia Kui Mdedie fo Kimochi

⁵ Kyasia wana wa waikimbi, wawei Yeriko, wakatikiria afui na Elisha wakambia, “Ngesa na uichi ke Mndumii naduo msoṟo opfo inu, nalawe ang'anyi kopfo?” Kyaindi Elisha kahamba, “Ee njiichi, tsienyi sau.”

2WAMANGI 2:5 ပူးပေါင်းရင်းမြစ်များ

MAWOOKIONYI 48:19

Ndee kaleha, kahamba, “Njiichi, mana oko, nao daa nechiwa mkambo nao daa nechiwa mnene; kyaindi manawo neching'ana kota o, na wufee woke wochiwa mkambo ifoi.”

1WAMANGI 20:35

Kyasia, mndu umu o wana wa waikimbi kawia odoe kui idedo lya Mndumii, “Njikapa, ngakuterewa.” Nalakunde imkapa.

2WAMANGI 2:3

Kyasia, wana wa waikimbi wawei Betheli, wakahenda iwonana na Elisha, wakambia, “Ngesa na uichi, ke Mndumii naduo msoṟo opfo inu, nalawe ang'anyi kopfo?” Kahamba “Ee, njiichi, tsienyi sau.”

2WAMANGI 4:1

Kyasia mndu mka umu kiidi kya waka wa wana wa Waikimbi kacha ifihiṟia Elisha kahamba, “Mṟundi opfo mii oko nalepfa, na iyo noweichi ke mṟundi opfo naweindie Mndumii, mosile oke nacha naduo wana wako wawi masinga kipfa ndawode ketaa sile iya.”

2WAMANGI 5:22

Kahamba, “Nyi ofoṟo, ‘Mndumii oko anjiduma, kechihamba, ambuya wandu wacha wawuka mafumvuhu ha Efraimu wanake wawi wa wana wa waikimbi, uwainenge ngaterewa talanta ya fesa, na maṟao hawi.’”

2WAMANGI 6:1

Kyasia wana wa Waikimbi wakawia Elisha, “Ambuya wulalu handu ha lokekaa halushikiepfo, hahatutu mnu kodu.

2WAMANGI 9:1

Elisha kalaha umu o wana wa Waikimbi kambia, “Kuṟeheṟe noduo chupa i ya mafuda owokonyi lopfo nohende Ramoth - Gileadi.

KOHELETI 3:7

Kiheri keranduo, na kiheri kepfuma kiheri ketsia, na kiheri kededa

YESAYA 41:1

“Tsienyi sau oshangunyi loko, nyo oruka lui kiidi kya mṟinga, na wandu wa mkambo wawone pfinya njihya; wache na hafui wadede lukumbuhanane kimu kui mwaanduye.

AMOSI 7:14

Nalyo Amosi kahaluo kawia Amazia, “Inyi njilemewe mwikimbipfo, manya mbei mana o mwikimbipfo; mbei mlisi o shuuma na moambuya mkuyu.

HABAKUKI 2:20

Indi Mndumii nai hekalunyi lyake yele; wuyana wose wutsie sau oshangunyi loke.”

LUKA 24:51

Kechiwawikia ona, kalekana nawo, kairio huye ruwehu.

MAWUTO HA WASU 1:11

Wakahamba, “Lanye wasoṟo wa Galilaya, nyikili muhoṟoki mdi iya mochiambuya ruwehu? Yesu chu awuto konu kedao ruwehu na wudo echikaa nache na chando mbembonyi kehenda na ipfo ruwehu.”

MAWUTO HA WASU 1:2

Itane mfiri fulya alewawasya wasu walya wake awasambuṟye kyando kyawo kui Mumuyo Mwele kadao huye.

MAWUTO HA WASU 26:25

Kya indi Paulo kahamba, “Oo Festo oko ung'anyi kudi! Njiwodo nyi wusukopfo, indi njideda madedo ha lohi haa mapfamye faa.

1SAMWELI 10:5

Numa, ili ochishika ipfo Gibeath-elohimu (Fumvu lya Ruwa) handu kuiho kiṟaṟo kya waskari wa Wafilisti, o kiheri ochishika kufui na mṟi, nochikoyana na waikimbi wafoi. Waikimbiwo wechiwuka handu ha huye wechikapa shinubi, mataṟi, mtoṟiṟo na zeze, wechihamba shisuku.