2WAMANGI 2:3 - Bibilia Kui Mdedie fo Kimochi

³ Kyasia, wana wa waikimbi wawei Betheli, wakahenda iwonana na Elisha, wakambia, “Ngesa na uichi, ke Mndumii naduo msoṟo opfo inu, nalawe ang'anyi kopfo?” Kahamba “Ee, njiichi, tsienyi sau.”

2WAMANGI 2:3 ပူးပေါင်းရင်းမြစ်များ

1WAMANGI 18:4

Kikawa kiheri, Yezebeli aweiwaha waikimbi wa Mndumii, Obadia naleduo waikimbi ihana 100 kawaṟika makumi hatanu opangenyi, kawalela na kando na mṟinga).

1WAMANGI 20:35

Kyasia, mndu umu o wana wa waikimbi kawia odoe kui idedo lya Mndumii, “Njikapa, ngakuterewa.” Nalakunde imkapa.

2WAMANGI 2:15

Na wana walya wa waikimbi wawei Yeriko maambasana, wekimbona walehamba, “Mumuyo fo Elia fui huya Elisha.” Wakacha iwonana nao, wakahongoma mbele yake.

2WAMANGI 2:5

Kyasia wana wa waikimbi, wawei Yeriko, wakatikiria afui na Elisha wakambia, “Ngesa na uichi ke Mndumii naduo msoṟo opfo inu, nalawe ang'anyi kopfo?” Kyaindi Elisha kahamba, “Ee njiichi, tsienyi sau.”

2WAMANGI 2:7

Kyasia wandu makumi hatanu na wana walya wa waikimbi wakahenda ihoṟoka, maambatsana ko kuleshe, na iwo wawi wakahoṟoka kufui na Yordani.

2WAMANGI 4:1

Kyasia mndu mka umu kiidi kya waka wa wana wa Waikimbi kacha ifihiṟia Elisha kahamba, “Mṟundi opfo mii oko nalepfa, na iyo noweichi ke mṟundi opfo naweindie Mndumii, mosile oke nacha naduo wana wako wawi masinga kipfa ndawode ketaa sile iya.”

2WAMANGI 4:38

Elisha kashikase Gilgali, kuwewode njaa orukenyi, na wanawo wa waikimbi wawekekaa mbele yake. Kawia mṟundi oke, “Demekia safuria ing'anyi ukoṟie wana wa Waikimbi kelya.”

2WAMANGI 5:22

Kahamba, “Nyi ofoṟo, ‘Mndumii oko anjiduma, kechihamba, ambuya wandu wacha wawuka mafumvuhu ha Efraimu wanake wawi wa wana wa waikimbi, uwainenge ngaterewa talanta ya fesa, na maṟao hawi.’”

2WAMANGI 6:1

Kyasia wana wa Waikimbi wakawia Elisha, “Ambuya wulalu handu ha lokekaa halushikiepfo, hahatutu mnu kodu.

2WAMANGI 9:1

Elisha kalaha umu o wana wa Waikimbi kambia, “Kuṟeheṟe noduo chupa i ya mafuda owokonyi lopfo nohende Ramoth - Gileadi.

YESAYA 8:18

Ambuyenyi, inyi na wana wa njileinengo nyi Mndumii nyi lui kichano na ṟiho kiidi kya Israeli, shiwukie ko Mndumii menyi Matorito, o ekekaa fumvu lya Sioni.

AMOSI 7:14

Nalyo Amosi kahaluo kawia Amazia, “Inyi njilemewe mwikimbipfo, manya mbei mana o mwikimbipfo; mbei mlisi o shuuma na moambuya mkuyu.

MAWUTO HA WASU 22:3

“Inyi nyi mndu o Kiyuda, njilefeo Tarso mṟi fo Kilikia, indi itoṟisho ngatoṟishyo kunu mṟinyi ifu njiwedamye madendenyi ha Gamalieli ngalosho wuwawaso wo waku sungusihu na ikapanya Ruwa mbaṟi ii mui nayo nyo inu tichi.

NGUMBUO YA MAWAWASO 33:3

Mndumii-Ruwa nawekundi wandu wake; na nekeringa waele wake wose. Ko ikyo wamalaika wake wekeosha njayo tsake, na iambia wuikimbi kuwuka koke.

1SAMWELI 10:5

Numa, ili ochishika ipfo Gibeath-elohimu (Fumvu lya Ruwa) handu kuiho kiṟaṟo kya waskari wa Wafilisti, o kiheri ochishika kufui na mṟi, nochikoyana na waikimbi wafoi. Waikimbiwo wechiwuka handu ha huye wechikapa shinubi, mataṟi, mtoṟiṟo na zeze, wechihamba shisuku.

1SAMWELI 19:20

Nlyondi Sauli aleduma wandu wakembada. Kyaindi wekikoya mamwingi fo waikimbi wechihamba shisuku na Samweli kechilisongoya, mumuyo fo Ruwa fukasokia waṟundi walya wa Sauli, nawo wakawooka ihamba shisuku.