2WAMANGI 16:3 - Bibilia Kui Mdedie fo Kimochi

³ Naleosha ohendo lo wamangi wa Israeli. Lya wueṟa naleitsa mana oke modonyi nawe kidaso, kechiosha mbuka mbicho tsa wahenu walewingio nyi Mndumii-Ruwa kiheri Waisraeli waweida orukenyi lo kyasa.

2WAMANGI 16:3 ပူးပေါင်းရင်းမြစ်များ

1WAMANGI 14:24

Kuwewode wasoṟo wameluki wawei matsenge kiidi kya oruka, wakawuta shiteṟefutsie cha wandu wa mkambo walya Mndumii alewafuna oshangunyi lo wana wa Israeli.

2WAMANGI 17:16

Walaindie mawawaso hose ha Mndumii-Ruwa, Ruwa owo, wakasungusia sanamu tsa maruwa ha mahache hawi hesalaṟa, wakawesungusia sanamu tsa ruwa o kika Ashera wakaindia shindo shose sha nginehu na iṟundia Baali.

2WAMANGI 17:17

Waledasa wana wawo wa kisoṟo na wa kika ko maruwa ha wongo, wakadumbuo iosha wehamba shisuku na wasawi wakakuwika pfinya yewuta mawicho oshangunyi lo Mndumii-Ruwa, wakamsuiṟa mnu nakamu.

2WAMANGI 17:19

Kyaindi ma kudo wandu wa Yuda waleindia mawawaso ha Mndumii-Ruwa, Ruwa owo pfo, indi waleosha mbuka tsilya tsileendo na wandu wa Israeli.

2WAMANGI 17:8

na iosha mawuto na njia tsa wandu wa mkambo iwo Ruwa alewafuna oshangunyi lowo, wakawewuta mawuto ha wamangi wa Israeli walehaende orukenyi lowo.

2WAMANGI 21:11

“Kyamba mangi Manase o Yuda awuta mbonyi tsiterefutsie na iwichuṟa, mbonyi njiwicho kota tsilya tsilewuto nyi Waamori wawemsongoye, katewa wandu wa Yuda nawo wawute wunyamaṟi wechiṟunda na sanamu tsake.

2WAMANGI 21:2

Nalewuta shiwicho oshangunyi lo Mndumii-Ruwa kechiosha njotende njiwicho tsa wandu wa mkambo iya Mndumii-Ruwa aleifuna oshangunyi loke, kiheri Waisraeli waweida kiidi kya oruka lo kyasa.

2WAMANGI 21:6

Kawewuta mana oke nawe kidaso kemaya modonyi. Nalelasha, kawewesa mbonyi, kawadana na wahanga wa waṟumu na wasawi. Nalewewuta mawicho hafoi mnu oshangunyi lo Mndumii-Ruwa kamsuiṟa.

2WAMANGI 21:9

Kyaindi wandu wa Yuda waleichopfo, Manase kawainenga iwuta wunyamaṟi ngoseṟa kota tsilya tsilewuto nyi mkambo iya ya wandu walenyamaṟo nyi Mndumii-Ruwa oshangunyi lo Waisraeli.

2WAMANGI 23:10

Mangi Yosia kawefanyitsa ngafu handu heindia maruwa ha wongo hawehalahe Tofethi pichinyi lya wana wa Hinomu, kundu mndu oose alawone kechikoṟa mana oke o kisoṟo ang'u o kika kechimaya modonyi cha kiano kyake ko Moleki.

2WAMANGI 8:18

Kaosha njia tsa wamangi wa Israeli chandu Ahabu alewuta na mba yake, kipfa nawealikie mana o Ahabu, kawuta shiwichuṟie Mndumii.

2MBONYI TSA MAHERI 22:3

Nao nalechumia njia ya wunyamaṟi chandu wandu wa mba ya Ahabu walewuta, kipfa mae, o Athalia nyio mbooki o mawuto ho mawicho.

2MBONYI TSA MAHERI 33:2

Nalewuta wunyamaṟi oshangunyi lo Mndumii-Ruwa, ko ichumia mchumie njiwicho cha iya ya wandu wa mkambo sa Mndumii-Ruwa alewafuna kiheri wandu wake wa Israeli wawekeri ianga orukenyi lo Kaanani.

2MBONYI TSA MAHERI 33:6

Nalewuta wana wake kidaso kemaya modonyi kulya mfonyi fo mana o Hinomu. Nalelasha, na iwesa wahanga, na ichumia na ndumba; na ihendesana na wandu wekeṟunda na waṟumu na wasawi. Nalewuta wunyamaṟi wufoi oshangunyi lo Mndumii-Ruwa, na isukiṟa Ruwa, na idosa Ruwa nyashi.

SHIIMBO SHA DAWIDI 106:35

Indi walekulongolonga na wa mkambo, wakakulosha mawuto hawo.

YESAYA 57:5

nyo mukeri iatsa lango tsanu kiidi kya mashidi, na wanda ya mashidi hawode maṟa mawiri; nyo mokewaha wana mapichinyi na ngaṟahamba tsa maho?

YEREMIA 32:35

Wakawikia Baali ruwa o wongo rasio pichinyi lya mana o Hinomu, kundu wawutie ruwa Moleki wana wa kisoṟo na wa kika wawe shidaso, njilewawia ma ikusaṟa ke wawechiwuta kudo pfo, wakatewa wandu wa Yuda wawute wunyamaṟi.”

EZEKIELI 16:21

Kotana ohenda iwuta wana wako kidaso kemaya modonyi ko sanamutso?

EZEKIELI 16:47

Ambuya ulekunda iosha njotifo tsawopfo, manya iwuta mawuto hawo mawichopfo, kyaindi ko oweṟe sa lututu mnu nulenyamaṟika kota wo ko orio kindo uwekeri iwuta.

EZEKIELI 20:26

ngawewaleka wakufanyitse wawenyi kiidi kya shidaso shawo, kyamba nyi waledasa wana wawo wawe shidaso shemaya modonyi. Iki kikawa ngapo kowo kundu wawuteho imanya ke inyi nyi Mndumii-Ruwa.

EZEKIELI 20:31

Ili mandi muiwuta shidaso shanu, mochikoṟa wana wanu modonyi chi muleengeṟa ikufanyitsa na sanamutso mṟasa inu. Aka ngesa iyo mba ya Israeli nochiidima injiwesase kindo? So Mndumii-Ruwa ai na moo, ochiidima injiwesase kindopfo.

WALEWI 18:21

“Kulalekie mana opfo oose nawe kidaso ko ruwa Moleki, cha kipfa iwuta kudo noisalucha rina lyako Inyi Ruwa opfo. Inyi nyi Ruwa Menyipfinya.

WALEWI 20:2

“Wia Waisraeli kudi: Mndu oose kiidi kya Waisraeli ang'u mhenu ai kiidi kyanu, kalekia mana oke oose nawe kidaso ko ruwa lyelaho Moleki kimbaṟi mnducho nawoho. Wandu wa handuho wechimbaha na maho.

MIKA 6:7

Ngesa, Mndumii-Ruwa nechichihiṟo na maruwa ha machondi kiku, ang'u meda kiku (1,000) na kiku (1,000) ya mafuda ha msinefu. Ngesa, njimneenge mana oko o kuwoka mbee, kipfa kya ideko lyako, ee, mana oko o kuwoka kipfa kya wunyamaṟi woko?

NGUMBUO YA MAWAWASO 12:31

Mulaindie mudo Mndumii-Ruwa, Ruwa onu, cha kipfa orio kindo kipfulutsie Mndumii-Ruwa nyashi waleshihaluo maruwa hawo; tane wakoṟa wana wawo wa kika na wa kisoṟo modonyi, wechidasia maruwa hawo.

NGUMBUO YA MAWAWASO 18:10

Kulakae mndu oose awuta mana oke o kisoṟo ang'u o kika kidaso ke koṟa, ang'u nawe kidaso ke koṟa modonyi manya ilasha, manya motangalatuo, manya ihenda ndashenyi,