2WAMANGI 15:8 - Bibilia Kui Mdedie fo Kimochi

⁸ Maka fo makumi haṟaṟu na nyanya (38) fo wuitoṟi wo Azariya mangi o Yuda, Zekaria mana o Yeroboamu kawada wumangi Israeli. Naleitoṟia ko meri iṟandaṟu.

2WAMANGI 15:8 ပူးပေါင်းရင်းမြစ်များ

2WAMANGI 10:30

Mndumii-Ruwa kawia Yehu, “Nulewutia oshari lo Ahabu shilya shose njiwekundi uwawutie. Ko ikyo ngakuwikia kyasa ke kishari kyapfo kechiitoṟia Israeli itane wachuku na njukuṟi.”

2WAMANGI 14:21

Kiidima wandu wose wa Yuda wakaduo Azariya awode maka ikumi na iṟandaṟu (60) wakamshimbuo handu ha Amazia ndee.

2WAMANGI 14:29

Yeroboamu kapfa kaṟiko shifunyi sha wamangi na Zekaria, kaitoṟia handu hake.

2WAMANGI 15:1

Maka fo makumi hawi na mfungade (27) fo wuitoṟi wo mangi Yeroboamu o Israeli, Azariya mana o Amazia mangi o Yuda nalewooka wumangi.

2WAMANGI 15:13

Kiidi kya maka fo makumi haṟaṟu na kenda (39) fo wuitoṟi wo Azariya o Yuda, Shalumu mana o Yebeshi kawoka wumangi ipfo Samaria ko meri fumu.

2WAMANGI 15:17

Maka fo makumi haṟaṟu na kenda fo (39) wuitoṟi wo Azariya o Yuda, Menahemu mana o Gadi kawoka iitoṟia Israeli, kaitoṟia ipfo Samaria ko maka ikumi.

2WAMANGI 15:23

Maka fo makumi hatanu ha wuitoṟi wo mangi Azariya o Yuda, Pekahia mana o Menahemu kawooka iitoṟia Israeli; kaitoṟia ipfo Samaria ko maka iwi.

2WAMANGI 15:7

Azariya kapfa kaṟiko shipfunyi sha wamangi mṟinyi fo Dawidi, na mana oke Yothamu kaitoṟia handu hake.

2WAMANGI 15:9

Nao cha walya wawemsongoe kalekana na Mndumii-Ruwa kechiwuta mawicho. Naleosha ofano luwicho lo Mangi Yeroboamu mana o Nebati icho aledekesha wandu wa Israeli wakawuta wunyamaṟi.

MFANANO 28:2

Kipfa kya wunyamaṟi wo oruka wanene wekewa wafoi, Indi ko wandu wawode wuṟango oruka lokekaa lui olele.

HOSEA 1:4

Mndumii-Ruwa kawia Hosea, “Inenga mana cho rina, ‘Yezreeli,’ kipfa kutsuhee-pfo kiheri kitutu tupu, na inyi njechikapa wandu wa mba ya Yehu kipfa kya wuwahi sa alewuta kulya pichinyi lya Yezreeli. Njechiarisia kuleshe wumangi wo Yehu kiidi kya isanga lya Israeli.

AMOSI 7:9

na handu hakuirie ha ko Isaki hechiwa ngafu; na handu haele ha Israeli hechinyamaṟika; na inyi njechikure njilimbane na mba ya Yeroboamu kui oshu.