2WAMANGI 13:4 - Bibilia Kui Mdedie fo Kimochi

⁴ Na Yehoahazi katerewa Mndumii, Mndumii kamwadanyia, kipfa nalewona matuuro ha Israeli, chandu mangi o Shami awewatuura.

2WAMANGI 13:4 ပူးပေါင်းရင်းမြစ်များ

MAWOOKIONYI 21:17

Ruwa kaicho ṟu lya mleu ulya. Malaika o Ruwa kalaha Hajiri kuwuka ruwehu, kambia, “Nki ki kikuwode, Hajiri? Manya kulaowuo, cha kipfa Ruwa ameicho ṟu lya mleu ulya ipfo kundu ai.

MAWOOKIONYI 31:42

Kokoya Ruwa chu o wande, Ruwa o Abrahamu, na Menyikiṟumi o Isaki, alawei hamu na inyi, kya lohi wulalu nowechinjifuna na mawoko ha wulya. Maturo hako na maṟunda ha mawoko hako Ruwa naleshiwona, kakupomia kio kya inu.”

2WAMANGI 13:22

Hazaeli mangi o Shamu kawonyia Israeli mkonu yose ya Yehoahazi.

2WAMANGI 13:23

Mndumii-Ruwa, kawasaṟia kawaichio wukiwa, kawaambuya, kipfa kya mkundano foke na Abrahamu na Isaka, na Yakobo, ma nalakunde iwarumatsa, ma nalawakumbe kuleshe na kyamu kyake.

2WAMANGI 14:26

Kipfa Mndumii-Ruwa nalewona wukiwa wung'anyi walelya Waisraeli kipfa kulawewode mndu oose mowatarama.

2MBONYI TSA MAHERI 33:19

Na kiterewo kyake, na chandu Ruwa alemuambilia, wunyamaṟi woke wose na ituṟo lyake lya wuhendeli, handu alesungusia heindia, na chandu alesungusia sanamu tsa Ashera kiheri alawemetoche wunyamaṟi, isho shishiṟehie kiidi kya Ngumbuo tsa Walodi.

EZRA 8:23

Ko kipfa kyaikyo lukakuotoya na iterewa Ruwa naluringe, nao kaluadanyia.

YOBU 22:27

Nochimterewa nao nechikuicho, na iyo-uute shaasa shapfo.

SHIIMBO SHA DAWIDI 50:15

Unjilahe mkonu ya kiwi; Njechikukiṟa na iyo nochinjiṟumisha.

SHIIMBO SHA DAWIDI 78:34

Lyilya alewawaha nylondi waweimshiha; wakawuya wakashiha Ruwa na pfinya.

IWUKA 3:7

Mndumii-Ruwa kahamba, “Nkya lohi ngamewona matuuro ha wandu wako wai Misri na inyi ngameicho kieṟeṟo kyawo kipfa kya walya weke wahoṟokia,

IWUKA 3:9

Kyasia, ambuya, kieṟeṟo kya wana wa Waisraeli kyamenjishikia; na ngamewonase matuuro ho hawo sa Wamisri waiwatuura.

YESAYA 26:16

Mndumii, kiidi kya wukiwa wowo walehenda kopfo; waleterewa shiterewo shifoi mnu kiheri kilya ulewahoṟwo.

YESAYA 63:9

Kiidi kya mawukiwa hawo hose aleduma ma malaika mowakiṟapfo; Nyio amonyi alewakiṟa; kawakiṟa kawaira kawaduo tete mafiri hose wokia kacha.

YEREMIA 2:27

Wekewia ituṟuma lya ikidi, “Iyo nyi ndeako,” na iwia iho iyo nyi ulenjifee; kipfa nyi walenjikumba mhongo manya walakunde iambuyana na inyi; kyaindi maheri hakiwi wechihamba, “Horoka ulukiṟe!”

YEREMIA 33:3

“Njilaha na inyi njechiidikia na ikuwia mbonyi tsing'anyi tsa kiṟikenyi ulalemetsiwone.

MAITALA 21:7

Kyasia wandu wakahendia Mose, wakambia, “Lomewuta wunyamaṟi lukanunuwia Mndumii-Ruwa na iyo daa. Terewa Mndumii-Ruwa naluwute njokatsi.” Nahong'u Mose katerewia wanduwo.

WACHILI 10:10

Kyasia wakafihiṟia Mndumii-Ruwa wechihamba, “Lulekunyamaṟia kipfa lulekuda iyo Ruwa odu lukasingia Maabali.”