2WAMANGI 11:9 - Bibilia Kui Mdedie fo Kimochi

⁹ Wanene wa wandu ihana (100) waleindia mawawaso hose halewuto nyi mkohanyi Yehoyada. Orio mnene umu kaduo wandu wake wose, walya wawememarisa kamba lyawo na walya wawekuteseheṟie iwada kamba mfiri fo Sabato naho wakahenda ko mkohanyi Yehoyada.

2WAMANGI 11:9 ပူးပေါင်းရင်းမြစ်များ

2SAMWELI 8:18

Benaya mana o Yehoyada kahoṟokia Wakerethi na Wapelethi, weringa Dawidi, na wana wa Dawidi wakawa wakohanyi.

2WAMANGI 11:4

Kyaindi kiidi kya maka fo mfungade Yehoyadi kadika ndumi kasanyia wanene wa mahana wa magari na waringi, kawawasa ke wamcheye ipfo mba ya Mndumii-Ruwa, wakaidikiyana na iliana nyamu ipfo mbenyi ya Mndumii-Ruwa. Kiidima kawaloṟa Yoashi mana o Mangi Ahazia.

1MBONYI TSA MAHERI 26:26

Shelemothi na wandu wa mba yake nyiwo walehorokia masaa hose sa hawemandambikie ko Mndumii-Ruwa. Shindo sho nyi shilya shiledambikio ko Mndumii-Ruwa nyi Mangi Dawidi, na wasongoru wa wandu wa kanyi kumu, wanene wa machekeṟo, na Wasongoru wanga'nyi wa walemali.

2MBONYI TSA MAHERI 23:8

Kyasia, Walewi na wandu wa Yuda wakaindia mawawaso halya hose ha mkohanyi Yehoyada. Wandu walya wawewode kamba lyeṟunda hekalunyi mfiri fo sabato; wawemeinengo momu fohenda kanyi kiheri walemarisha kamba lyawo lyeṟunda pfo, koikyo, wasongoru walya wakaduo wandu wawo wose, wakasanza walya wawemarisie iṟunda, na walya waweicha iwada kamba lyawo.