2TIMOTEO 4:5 - Bibilia Kui Mdedie fo Kimochi

⁵ Kakye iyo ukae na osaaṟe kya orio kindo, kukarishie mawinenyi, ṟunda iṟunda icha lya mwongoyi o Ndumi ya Sia ya okiio, ochiawutsia necha wupfuṟukanyi wopfo.

2TIMOTEO 4:5 ပူးပေါင်းရင်းမြစ်များ

YESAYA 62:6

Njiwikie waringi huya njomombo tsapfo iyo Yerusalemu; wechitsia mfiri ma kiopfo; nyo mui wetamṟa Mndumii mulatsie sau;

YEREMIA 6:17

Inyi njilewika waringi huye yanu wechihamba, “Adanyienyi ṟu lya iranda,” indi wo wakahamba, “Lukaundi iicho-pfo.”

EZEKIELI 3:17

“Iyo mndu nyi ngakusambuṟa uwe mringi o wana wa Israeli. Nochiwatutuma chando njechikuduma.

EZEKIELI 33:2

“Iyo mndu! Deda na wana wa mayo nowawie kudi, kokoya ngaende shida orukenyi luliwe, na wandu wa oruka lo wakasambuṟa umu owo nawe mringi owo,

EZEKIELI 33:7

“Ambuya iyo mndu nyi ngakusambuṟa iyo uwe mringi o mba ya Israeli, kiheri kyo ochiicho idedo liwukie koko nyi ochiwawia.

MATAYO 25:16

Ulya aambia talanta tsitanu adi kakambiṟa ihenda owinyi. Kakapakapa natso mbucha. Kawona-ho tsingi tsitanu tsa mbucha.

MARIKO 13:34

Nyi cha ili mndu ahenda kyaṟo kuleshe kada mba yake kadambikya shisinga shake ipfo kanyi orio mndu na iṟunda lyake, kawawasa ulya moikalya mongo ke nalae dembo.

MARIKO 13:37

Kyaindi kindo ngambia nyo, ngawia wose, laenyi dembo!”

LUKA 12:37

Nanga wasoṟo walya mndumii owo echiwakooya walee dembo ili echicha; nkya lohi ngamuwia; nyi echikupfunga na iwadamiṟa shelyenyi, natengete kechiwahidia iwainenga shelya.

MAWUTO HA WASU 21:8

Kukye ngamenyi lukahenda lukawuka-pfo lukashika Kaisaria, lukahenda ko Filipo moongwo ndumi ii ya sia awei umu o walya mfungade lukakaa koke.

WAROMA 15:19

Kikawa kui pfinya ya shichano na maṟiho shiweiwiko nyi Mumuyo Mwele, fo Ruwa. Kui ichumia lyako orio handu, wokia Yerusalemu ngashika Iliriko, ngaonguo Ndumi ya Sia ya Kristo kui Wusalari.

WAEFESO 4:11

Nao nyio aleinenga wandu shisumbo: Iwa wawe wasu, na iwa waikimbi na iwa wedung'anyitsa ndumi ya okiio na iwa walisi na walosha.

WAEFESO 4:12

Keteseheṟa wandu wa Ruwa kya oṟundo lo Kristo shyaando shewika mbihu fo Kristo,

WAKOLOSE 1:25

Na inyi njimbike mṟundi-oyo kui wuiṟichi wu wo Ruwa njilewudambikio wo kiira kyanu, kundu njiawutsie necha imwongoya idedo li lya Ruwa.

WAKOLOSE 4:17

Muwie na Arikipo, ambuya wai kundu uinutsye oṟundo lulya ulewada kui Mndumii.

1WATESALONYIKYE 5:6

Kikamba kido manya lulahombye cha walya wengi, kya indi lulae dembo lochikuotoya.

1TIMOTEO 4:12

Kulalekie wukoho wopfo wuhendemino, indi uwe kichano kya waidiki kui idedo, kui ohendo, kui kikundano, kui wuidiki, kui wukeha.

1TIMOTEO 4:15

Winya ishi, ukaike nasho kundu maengeṟia hapfo hamanyikie wose.

2TIMOTEO 1:8

Iki kikuenenge kulareenze iṟingishia kya Mndumii odu manya ulaṟeenze kipfa kyako inyi, njii mpfunge kimaduma kyake. Kya indi ukulunge-ho ihenda wawyo kimaduma kya Ndumi ya Sia ya okiio kui pfinya uleinengo nyi Ruwa.

2TIMOTEO 2:10

Nkyo kitewe ngakutirisia njekaa shi ya shose kimaduma kya wasambuṟe walya wa Ruwa, kundu nawo wakuwonye okiio lo Kristo-hu Yesu hamu na wuitoṟi wo mlungana.

2TIMOTEO 2:3

Kusanze na inyi ikukarishya mawawyonyi cha mbahanyi mcha o Kristo Yesu.

2TIMOTEO 4:17

Indi Mndumii alenjikaya-ho kanjikapya owanzo. Iki kileenenga ngaidima ionguo mwongoye fuhende imariso necha wamkambo wakafuicho wose, na inyi ngaashuka ianduyo lya opfu.

WAEBRANIA 13:17

Muhendelye wasongoru wanu na iwahoya, kyamba wo walaa chowe wechiwinya mrima yanu wai wandu warie ihenda weso kyayo, kundu wahendehaluo-ho wawodo n sia walawone wechisumukya. Kikamba kido kiwemfurunjikia.

1PETRO 1:13

Nkyo kitewe mukae na mhie yanu msanze cha wandu wakufungye kitsinyi na ilaa dembo. Mukuotoye mochikuwedya na macha wutonga wu mochiendyo ilindi Yesu Kristo echowenekya.

OTAMBAHALUO LO YOHANE 3:2

Pang'uka, wanza na shilya shingi shiecha shitsuhae-ho shirie ihenda ipfa. Kipfa mṟasa wulalu nyilamekoya mawuto hapfo haawukye necha oshangunyi lo Ruwa oko.