2TIMOTEO 4:11 - Bibilia Kui Mdedie fo Kimochi

¹¹ Ichu ai na inyi nyi Luka amonyi. Ira Mariko muche nao kipfa echiidima injitarama mnu iṟunda-li lyako.

2TIMOTEO 4:11 ပူးပေါင်းရင်းမြစ်များ

HOSEA 14:4

Kyamba Ashuru yeidima ilukiṟapfo, lochiidima ikusiriase frasi tsa shida se pfo. Ambuya manya lochilahase shindo sho lushisungusie luwenyi ke nyi Ruwase pfo. Ipfo kopfo hoi Mndumii ngoeda tsekesaṟio.”

MATAYO 19:30

Kya indi kiwe wafoi wa wasongoru nyi wehaluka wafurumi na iwo wafurumi wawewa wasongoru.”

MATAYO 20:16

Nyi wudong'u iwo wafurumya wechiwa wasongoru na iwo wesonguo wawe wafurumi.”

LUKA 13:30

Ambuyenyi, nyi kuipfo wefurumia wechiwa wawooki; na wawooki wawe wefurumia.”

MAWUTO HA WASU 12:12

Nao kechikusaṟa adi kahenda kulya kundo mba ya Maria ii, ulya akerimae o Yohane ichu ewio rina lyake lya kawi Marko, napfo nyi kusanzye-pfo wandu wafoi wechiterewa.

MAWUTO HA WASU 12:25

Na Barnaba na Saulo wekiidima iinutsya kihachi kilya wakawuka Yerusalemu wakawuya warie-pfo kimu nawo Yohane ulya elaho nyi Marko.

MAWUTO HA WASU 15:37

Kyasia Barnaba kakunda iheda arianyi na Yohane ulya echilaho nyi Mariko nahende kimu nawo.

MAWUTO HA WASU 15:39

Kukakaa-ho kiloyano wakatana walekana Barnaba kaduo Mariko kaida ngalawenyi kahenda Kipro.

MAWUTO HA WASU 16:10

Kikasia kekimaaa iwona kiwonesyo kilya oweṟe nalo lukakunda ikure luhende Makedonyia lutawukye imanya ke nyi Ruwa alulahye napfo kundu luhende iwaongoya ndumi ya sia ya okiio.

WAKOLOSE 4:10

Aristariko lui nao kipfungyonyi nyi amwiṟikiṟa wai, na Mariko manamae o Barnaba. (Kyake momemwambya na shiwawaso, mandi echicha na konu mumwambye.)

WAKOLOSE 4:14

Luka amwiṟikiṟa mhanga ichu odu mkunde, na Demasi.

2TIMOTEO 1:15

Na uichi ke walya waiiya Asia walenjidicha wose waata wawo nyi Figelo na Herimogene.

2TIMOTEO 2:21

Wulalu-le kokoya mndu akuhaṟamisha amonyi kalekana na shindo sho shose shiteṟefutsie mrima o echiwa kichoṟe kya ichopa kii kiilishe kyeṟundya orio iṟunda icha lyose.

FILEMONYI 1:24

Na woko Marko, na Aristariko, na Demasi na Luka, wakyando wako wakuiṟikiṟa.

1PETRO 5:13

Siṟi ya iya Babilon ii-nsambuṟe nyi Ruwa kimu na yanu yo yamdikya shiiṟikiṟo, na Mariko manoko na wudo.