2TIMOTEO 3:6 - Bibilia Kui Mdedie fo Kimochi

⁶ Na kyawo maata waikuṟoṟowya na mba tsa wandu wakaduo mawaka mafafa mapfungo hawo. Naho nyiho hai malamye nyi manyamaṟo hai maṟahisheṟahishe nyi lango tsa orio mbari.

2TIMOTEO 3:6 ပူးပေါင်းရင်းမြစ်များ

SHIIMBO SHA DAWIDI 38:4

Kipfa njonyamaṟo tsako tsinjishikie mdohu koko. Cha mhanda tsinjilemeri mnu.

YESAYA 1:4

Ochia lowo, mkambo fuwode wunyamaṟi, wandu wekeduo mhanda fo wukika, oshari lo wewuta mawicho, wana wekenyamaṟa; waleda Mndumii, wamina ichu ai Mwele o Israeli, walekanyi nao na iwuya numa.

MATAYO 11:28

Kekucheenyi na koko nyo, mukeri iwina muwei walemye nyi maṟio malemeri; na inyi njimuwihiṟye moo.

MATAYO 23:13

“Ochia lonu nyo walosha wa mawawaso na Wafarisayo mui makulembetseṟe. Nyi ilindi mokepfunga mongo fo wumangi wo ruwehu sumhana na oshangunyi lo wandu. Nanyo ma mlechiida napfo ma wandu wawechiida napfo mlawalekye waide napfo. [

MATAYO 23:14

Ochia na lonu nyo walosha wa mawawaso na Wafarisayo mui makulembetseṟe. Nyii ilindi mokelya mba tsa waka wakusu mkamaa naho mukalembetseṟa-ho na madedo hafoi heterewa. Kyamekaa kido nanyo mukae muwone owingo luumu-umu.]

MATAYO 4:24

Na kiṟumi kyake kikahenda dung'ana kulya Siria kose. Wakamwendie wandu waluo wose, walya wai warohie nyi ndaaṟe tsa orio mbaṟi kawachiṟa wose.

MARIKO 4:19

Kukaida-ho mawina ha kunu orukenyi na wulembi wolembo nyi masaa na lango tsa shindo shingi shikapfumba idedo lyo lilakumbye ndunda.

1 WAKORINTO 12:2

Muichi lyandi muwekeri wahenu nyi mowekedao ko mfanano ilawode mdedye cha ili mokuruo-pfo.

1TIMOTEO 5:6

Indi ichu mseke ai mpfu, ma ili mbihu foke fuwode moo.

1TIMOTEO 6:9

Kya indi iwa walanga ifeṟa masaa wekeoloka kitewyonyi na mshihodinyi na langonyi tsifoi tsa mteecho tsiwichuṟye mndu, natso tsekeolotsa wandu odetsonyi na orumatsonyi.

TITO 1:11

Kyawo na kikaki wahende ifunjo olimi. Nyiwo wandu wekepihisa nja tsa wandu tsii nsanze ili wailosha shindo shilasumhanyi wai watewe nyi ngula tsawo.

TITO 3:3

Kyamba naso ili kacha luwei watahi, wandu wataicho wadetse, luweisingia wulang'a na lango tsa mbaṟi nliwe na nliwe luwehendekie lui na wumbafu na wunyenyi luwesukie lochisuana luwenyi na wenyi.

2PETRO 2:18

Kyamba wo wekyekushela na madedo ha maai; wechituusa na lango njiwicho tsa nyamenyi kui mamelukameluka wandu, walya wamelekana msanzie fo wechumia kipfuṟi.

2PETRO 3:17

Nahong'u, nyo mui wakunde wako, ili mulesonguo na samanya Mukuṟise kundu mulawone mochieko nyi odeko lulya lo watahachi wo muwechitaṟasha hando mokuilikishya-ho.

YUDA 1:16

Wandu wa wekyenunuwa kiheri kyose, na ipiṟa wandu wengi. Wechichumia waidikyanyi na lango tsawo njiwicho. Na dumbu lyawo lyekededa sha mtengelele wechikulopa mnu na wandu wengi kui oshangu kipfa kya mbucha, tsawo.

YUDA 1:18

Ili walembia. “Maheri hefuṟumya kochiwoneka wandu wechimupiṟa nyo; wechikuhendya wai-waitike nyi lango tsawo njiwicho tupu.”

YUDA 1:4

Kyamba kuipfo wandu walaichi Ruwa walekuṟoṟokuya kunu siṟinyi, nawo nyiwo ko kiira kya mkao yawo njiwicho walemsonguo iṟehyo mdumbuye yawo kacha nyiyo iile, ke nyi walemeshi wekepfuluo-pfuluo wutonga-wu wo Ruwa odu kui wulala wowo, wakeri ileha ichu ai mnene odu amonyi nyio Mndumii odu Yesu Kristo.