2TIMOTEO 3:5 - Bibilia Kui Mdedie fo Kimochi

⁵ Kya ora lo nja cha wandu wawode wuindi wakufananyishie wuindi woindya Ruwa indi pfinya ya iwikaho wuindi lohi iipfopfo. Iwo wai wado uwadiche.

2TIMOTEO 3:5 ပူးပေါင်းရင်းမြစ်များ

YESAYA 29:13

Mndumii kahamba, “Kipfa wanduwa wekecha injiindia na madumbu hawo kyaindi mrima yawo ilekanyi na Inyi, na wuindi na wucha wowo nyi mloshie ya kiwandu.

MATAYO 7:15

“Kekuṟisenyi na waikimbi wa wongo weecha na konu waṟee makata ha machondi indi ipfo kidi nyi wai mashite ha ngeṟenyi malang'a.

WAEFESO 4:14

Kundu lulakikae-se cha wakoku luwechiweṟutsoweṟutso na ipongitsopongitso nyi orio otanu lo ilosha lya wandu walembi kundu wadetse wengi kui mtaambo.

2WATESALONYIKYE 3:14

Indi kokoya kwipfo mndu alaicho idedo lyadu lya paruo ii, mumbikie kichano, mulakulonge nao kundu nawado nyi sonu.

2WATESALONYIKYE 3:6

Natso lombawasya nyo wanawawama, kui rina lya Mndumii Yesu Kristo; ke mlekane na orio manowama awuka kambenyi alaichumia kehendelya opfundo lulya lulemdambikya.

1TIMOTEO 4:7

Indi sumu tsilya tsa msaṟakambo tsii tsa kiwukeku tso utsilehe. Kya indi ukutsane kumonyi uwe menyi-wuindi.

1TIMOTEO 4:8

Kya ikutsana lya mbaṟi ya kii-nyama mbucha iwukie-ho nyi sa ntutu. Indi wuindi wulya woengeṟia shose mwengeṟya fo wucha ili fumbikie kyasa kicha kya moo fo wulalu na kya fulya fungi fochicha.

1TIMOTEO 5:8

Indi kokoya mndu alalisiṟie mbaṟi yake, mnu wa kanyi koke, nyio alekaana wuidiki awichuo kota mndu alaidikye.

1TIMOTEO 6:5

na masingano ha kitsitsi ha wandu wai wafurunjie mhie waiwasoke wukilohi, nyiwo wehamba ke wuindi wulya wowa woikapa nawo mbucha.

2TIMOTEO 2:16

Indi mawesano ha kiwuyana na madedo ha ho uhadiche; kipfa hekeengeṟa iletsana wandu na Ruwa melemele lyo, kipfa tso tsechilandaṟisha wumbafu kya ngoseṟa.

2TIMOTEO 2:23

Indi mawesoweso halya ha wutondo halawode wuṟango ulekane naho kipfa uichi ke ho hekeende shiloyo.

TITO 1:16

Wekehamba ke waichi Ruwa wai, indi nyi imkana wakeri kui mawuto halya. Wada owicho, wandu walehi walawa iṟunda kindo ki kicha ma kimu.

TITO 3:10

Mndu mtindili, komaa imdedya limu na lya kawi, wuta-ho mdo.