2TIMOTEO 3:15 - Bibilia Kui Mdedie fo Kimochi

¹⁵ Uichi na Maṟehyo halya Maele nyi wokia wututu wopfo, naho heidima ikuwonya wuṟango woimanya okiio luwukye wuidikinyi wukuwode na Kristo Yesu.

2TIMOTEO 3:15 ပူးပေါင်းရင်းမြစ်များ

2MBONYI TSA MAHERI 34:3

Kiidi kya maka fo kaana fo wuotoṟi woke, mangi Yosia akeri mana mtutu, nalewoka iadapfuma Ruwa o sahuye o Dawidi. Na kiheri aleshika maka ikumi na iwi, kawoka isanja Yuda na Yerusalemu, kechirumatsa rasio tsose tseindia maruwa hengi, sanamu tsa Ashera, na sanamu tsingi tsose tsetsana na tsilya tsijisungusie ko isalaṟa menya.

SHIIMBO SHA DAWIDI 19:7

Mdumbuye fo Mndumii nyi fo Wusumhanyi, Fokewihiṟia mndu moo. Wuṟingishi wo Mndumii nyi lohi, Wokepfunda isembo wuṟango.

SHIIMBO SHA DAWIDI 71:17

Hoi Ruwa, ulenjilosha woka mbei mkoho; njiwekeambuya maṟiho hapfo shika inu.

MFANANO 22:6

Toṟisha mana kiidi kya kilya ki mbaṟi, Nao echikihadimapfo manya kakuo

MFANANO 8:17

Njikundi walya wanjikundi, Na walya wechinjishiha mnu na mrima wechinjiwona

KOHELETI 12:1

Kumbuo ichu mokuumba maheri ha uwanake wopfo, Ilyi mandi kulamecha mkonu ii njiwicho kulameafukia maaka ochihamba, Inyi njiwode sia kiidi kyayo pfo.

DANIELI 10:21

Kyaindi njechikumanyisha shilya shishiṟehie kiidi kya Kitapu kya wulohi. Kuwode mndu echiidima injitarama iwinza wanduwa sile nyi Mikaeli, msu mringi onu-pfo.”

MATAYO 22:29

Yesu kahaluo kawawia, “Nyi modeko kipfa ili mulaichi ma ishi shii shiṟehye ma pfinya ya Ruwa.

LUKA 1:15

Kipfa nyi echikaa nawe mndu mnene ipfo sumuhana na Ruwa, elechinyo mvinyo ma kindo kyenanza, naweka amichuṟe Mumuyo Mwele kiwookia awuka wusunyi wo mae.

LUKA 2:40

Na mana ulya kang'ana-ng'ana, kahenda kewada pfinya, kaweichuṟo wuṟango, na osaṟio lo Ruwa lukamkaika.

LUKA 24:27

Nao kawoka alya ko Mose na waikimbi wose kawatambahaluya shilya shi-shidede sha mbonyi tsake kadung'atsa mṟeho yose.

LUKA 24:32

Wakawiana wa-wawi, “A chi luweihya shimbadu kunu ngoonyi tsadu lilyandi aweideda naso kulya njiehu kelutambahaluya mṟeho iya?”

LUKA 24:45

Nahong'u katambaṟuo wuṟango wulya wowo wakatamuo mṟeho iya mwele.

YOHANE 5:47

Indi kokoya mulaidikie shilya aleṟehya, nyi wuda mochiidikya madedo inyi njideda?”

MAWUTO HA WASU 10:43

Nao ichu waikimbi wamhambye kya iṟingishya lyawo wose ke orio mndu amwidikye nyi echiwonyo mhoṟye fo wunyamaṟi kui rina lyake.”

MAWUTO HA WASU 13:29

Kukashika wekimaa shose chando shiwei shiṟehye kyake wakamsotsa alya kidihu wakamlaṟa ṟungunyi.

MAWUTO HA WASU 16:1

Kyasia Paulo kashika Deribe na Lisitra. Na ipfo koipfo o kiloshyonyi umu ewio rina lyake Timoteo ai mana o mka Myuda mwidiki na ndee nyi wei Mgriki.

MAWUTO HA WASU 17:2

Nao Paulo kawuta chando aichiwie kahenda kowo ipfo mba kechideda nawo Sabato tsiṟaṟu kya shilya shii shiṟehye mṟehonyi fulya.

MAWUTO HA WASU 26:24

Akeri-ho kechikudedya adi Festo kadeda na ṟu ling'anyi kahamba, “Paulo nyi uwodo nyi wusuko! Isomasoma lyapfo lya kafoi n lyo lilepfulwo mdo fopfo.”

WAROMA 1:2

Nyiyo aweiteṟie na mweeke fo waikimbi walya wake ipfo Maṟehyonyi Maele.

WAROMA 16:26

Indi kikahenda imanyisho kiheri kya wulalu na mweeke fo Mṟeho iya ya waikimbi, kui iwawasa lya Ruwa-chu o mlungana lyewawusa yanguya wuidiki madu, iwu wuu-wuṟingishye mkambo mhenu yose.

WAROMA 2:27

Na ichu moawutsya uwawaso alai-mdine nyame-hu nyi echikuwonya owingo iyo owa motahachya wuwawaso na ukukerye na mṟeho fulya na odino ma chandu walai wadine.

1 WAKORINTO 1:21

Cha kipfa ipfo kundo wuyana wu wulawemanya Ruwa kui wuṟango wowo nyi kuwewode wuṟango wo Ruwa kikachihiana na Ruwa ikiṟa waidiki kui mwongoye fusolongi.

WAEFESO 6:4

Nanyo mui wande mulapfulutsye wana wanu nyashi, indi muwaholotse kui wutoṟishi na wuikimbi wo Mndumii Kristo.

NGUMBUO YA MAWAWASO 4:6

Wadenyi na ihaawutsia mawawasoho kyamba mukawuta mudo wandu wa mkambo ingi ili wechimanya mawawasoho wechiwutaho imanya ke nyo muwode wuṟango na osaaṟe, wahambe, ‘Kya lohi wandu wa wa mkambofu wawode wuṟango na osaaṟe!’”

1TIMOTEO 4:13

Itane ngashika icha, tsinda ochisomya siṟi na iikimba na ipfunda.

2TIMOTEO 1:1

Inyi Paulo, njii msu o Kristo Yesu kui wuitiki wo Ruwa wusumhanye kyasa kiteṟye kya moo fui na Kristo Yesu.

2TIMOTEO 1:5

Ngatamuo na mwidikie fopfo fo lohi, nafo kyekuyo Luise nawefuwode na mayo o Eunike. Indi njikusirie naafo ufuwode.

2PETRO 3:16

Isho nyisho aideda baṟuonyi tsake tsose ili ashike ipaaya-ho isho. Ipfo kiidi kyatso kwipfo shindo, maata shi shiumu imanyika owinyi. Nyisho wandu wai matondo, walai wapfunde walai wawanze wekeshipfuluopfuluo chando wekyepfuluo Madedo hengi Maele, na mṟehie ingi wakakuwutya-ho ihenda ikudetsa wawenyi.

OTAMBAHALUO LO YOHANE 19:10

Na inyi ngamwolokya madendenyi hake njikundi imwindia. Kanjiwia, “Leka, kudo ote! Inyi njikeri mṟundi mokyando opfo na o wanawamayo, so lose luwade kilya luwai-waṟingishye nyi Yesu. Nyio Ruwa lochimwindia!” Kyamba kiṟingishyo kya Yesu nyi mumuyo fuiwaya waikimbi.

1SAMWELI 2:18

Kiheri kyo, Samweli kaengeṟa iṟundia Mndumii-Ruwa, kyechiṟaa kizibau kya kitani.