2TIMOTEO 3:13 - Bibilia Kui Mdedie fo Kimochi

¹³ Indi wandu walya wawicho na walembi wo wechiitika ihenda wichuo wechilemba wandu nawo wawenyi wai walembe.

2TIMOTEO 3:13 ပူးပေါင်းရင်းမြစ်များ

YOBU 12:16

O nawode pfinya na wulaanyi; wekelembo na ilemba nyi wake.

YESAYA 44:20

Nekelya ifu; mrima fulelembo fulemdetsa, nalaidime ikiṟa sha mrima foke, na ihamba kiidi kya mrima foke nalaidime ihamba, ‘Sanamu i njiwode kunu mawokonyi hako chi Ruwa pfo.’”

EZEKIELI 8:13

Nalyo kanjiwuyase kenjiwia, nyiochiengeṟa iwona mawicho hengi hang'anyi wakeri ihenda ihawuta.

2 WAKORINTO 6:8

Lokuidya hando lowikyo kiṟumi na hando lohenda isutso, kundo luiselio mnyeri na kudu lohenda iichiko, lotano walembi na luende kilya kii lohi.

1TIMOTEO 4:1

Indi mumuyo ahambie na pata ke shiheri sha numa kochiwoneka wewuka wuidikinyi wechiku-wada na mumuyo idetsa wandu na mhambo ya waṟufu wawicho.

2TIMOTEO 3:8

Chando Yane na Yambire walelemana na Mose na wudo iwa walemanyi na kiwulohi, nyiwo wandu wapfulukio mhie fowo walakia kiheshyonyi kya wuidiki.

TITO 3:3

Kyamba naso ili kacha luwei watahi, wandu wataicho wadetse, luweisingia wulang'a na lango tsa mbaṟi nliwe na nliwe luwehendekie lui na wumbafu na wunyenyi luwesukie lochisuana luwenyi na wenyi.

2PETRO 2:20

Kyamba kokoya iwa waledicha ngafu tsa wuyana kui imanya Mndumii na Mkiṟi odu Yesu Kristo, na numa wakaidikia iwingo na ichilia nyi wechioṟowyo nyitso lingi kyawo kifurumi kyechiwichuo ngoseṟa kota kya kuwoka.

2PETRO 3:3

Kisongoye shose manyenyi kiheri kyefurumia kochicha wandu wetaluo, mchumie yawo inchilie nyi lango tawo njiwicho. Kochicha-pfo wetaluo wai wapirisi wenyi-wupiṟi wechichumia waiwaṟaishe nyi lango tsawo wawenyi.

OTAMBAHALUO LO YOHANE 12:9

Na molyimo fu fung'anyi fukakumbo wanda, nyiyo njoka iya njiku ekelaho nyi Mkumbi na Satana. Nyio mtandawushi motandawusha wuyana wu wose. Kashika ikumbo wuyana. Na wasu wake wakawekumbyo-ho handu hamu nao.

OTAMBAHALUO LO YOHANE 13:14

Na maṟiho aleenengo ihawuta oshangunyi lo indo lilya nyiho lyatandawusha naho walya wai iya wuyana lyechiwawia ke watane mfano fo indo lilya liwode kifaṟe kya oshu likawada-ho ikaa na moo.

OTAMBAHALUO LO YOHANE 18:23

Manya sa ya taa ilakilimkye-se hando ipfo kiidi kyapfo. Manya maṟu ha sia ha moalyika na moalyiko halakiichio iipfo kiidi kyapfo. Kyamba wekapa mbucha wapfo wawekeri wanene wa wuyana wu, cha kipfa nyi uwekeinenga mkambo ya wandu wuṟoi wopfo woinanza, kui wuhanga wopfo wuwicho wakahenda itandawusho wose!”