2TIMOTEO 3:12 - Bibilia Kui Mdedie fo Kimochi

¹² Na wudo na iwa waitambahanye moo kui wuindi woindia Ruwa wo Kristo-hu Yesu wechiterengyo wose.

2TIMOTEO 3:12 ပူးပေါင်းရင်းမြစ်များ

MATAYO 16:24

Nalyo Yesu kawia walya wa kiloshionyi kyake, “Ichu echikunda icha na inyi iya num-ko naa nakukane amonyi nakudike na msalaba foke nache oshana na inyi.

MATAYO 23:34

Kyasia kyamba nyi wudo kii na inyi njiwe moduma konu waikimbi na wandu walaanyi na walosha wa mawawaso. Nanyo iwo maata muwawahe na iwawambia msalabenyi, na walya wengi muwakape na ngowa tsii njitochie msha ipfo kya mba kundo mokumbuhananya na iterengya mbewaterengya wawuke kunu mṟinyi ifu wadichye fulya fungi.

MARIKO 10:30

Kiheri ki kya wulalu elekaa nawihiṟyo ka ihana ngoseṟa mba na wana wa mae, na washiki, na mae, na mdemi, na wana, handu hamu na matuuro, na mfiri yechicha nawewona moo fo mlungana.

YOHANE 16:2

Wandu nyi wechimbuta siṟinyi yawo ipfo masinagoginyi hawo. Ee da, kushikye kiheri na orio mndu amuwaha nahambe ke nyi awuta ado kindo kichihianyi na Ruwa.

YOHANE 16:33

Ngamuwia isho kundu mukae muwode ofoṟo mukulungye na inyi. Ili mukeri kunu wuyana i muwodo nyi waale. Kya indi kukarishyenyi inyi ngambinza wuyana wu.”

YOHANE 17:14

Inyi njiwalimye idedo lyo lyapfo na wuyana wu wukawasuo kipfa walakeri na wa kipaṟika kya wuyana wu chando nao inyi njilakeri o kipaṟika kya wuyana wu.

MAWUTO HA WASU 14:22

Wechiwanza mrima ya wa kiloshyonyi na iwatutuma ke wakae necha mwidikyenyi na ke nyi kiluwaṟi ikuidya shiwirenyi shiingi mtano na lushike wumanginyi wo Ruwa.

1 WAKORINTO 15:19

Komkoya lukusihye na Kristo kya moo fu lufurie wulalu tupu nyi luwewa wandu welilia kota wengi wose.

2 WAKORINTO 1:12

Kyamba kiṟumi kyadu kii-kiṟingishye nyi ngo tsa mrima tsadu tsihoṟoki nyi kikeri kii-le, ke nyi luwehendekye iya wuyana kui wutambachu na wuharami wuwukye ko Ruwa, chi luweṟanguo mbari nyi kiwandufo kya indi luwewodo nyi wutonga wo Ruwa, na wandu lulewakaya ludi kya wueṟa nyiwo nyo.

2 WAKORINTO 4:9

Loterengyo kya indi luladeo luwenyi; lukumbo wanda kya indi luladumbuka.

1TIMOTEO 2:2

Muweterewia wamangi na wanene wose kundu moo fodu fudamie necha fui na olele wyoo fo wutechi na wusalari.

1TIMOTEO 3:16

Kutambalukye necha kyama kiṟike kya wuindi chando king'anyi. Nakyo kikeri kile: Ichu alekuloṟa kui nyama Kamanyisho mbinzi kui mumuyo Kawonekia wasu Kaweongoyo mkambonyi ya wandu Kaweidikyo wuyana Kairyo wuitoṟinyi.

1TIMOTEO 6:3

Kokoya kwipfo ailosha kiwungi alakuwada na madedo ha oru ha Mndumii odu Yesu Kristo na kiloshyo kilya kiende wuindi wusumhanyi.

TITO 1:1

Inyi Paulo njii singa lya Ruwa na msu o Yesu Kristo moṟundya mwidikye fo wasambuṟe wa Ruwa na mmanyishie fo wu-kilohi wusumhanye wuindi.

TITO 2:12

Wolutoṟisha so, kundu lulehane na mbaṟi ii ya imina Ruwa na lango tsilya tsa ki-wuyana, lupfudie lui na moo fo chile na wuhoṟotsu na wuindi mandi ha kiwulalu.

YOSHUA 17:14

Kyasia wana wa oshari lo Yosefu wakahendia Yoshua, wakambia, “Nkili mandi oluhawia oruka lumu tupu na Mndumii-Ruwa nyi aleluwikia mboṟa lukawa wandu wafoi?”

1PETRO 3:14

Kya indi kokoya mohenda iwawiṟo kipfa mowuta kya wusumhanyi, nanga nyo. Ma mulaowuo mndu oose, ma iwuko m madima.

2PETRO 3:11

Na wudo ili shose shakunda isalaṟo apa mkoṟomu fuimkoromuo nyo mukae mochihendeka mhendekye mwele fuwode wuindi woindia Ruwa wose.

OTAMBAHALUO LO YOHANE 12:4

Na mhasi fofo fukaangatsa kienga kya kaṟaṟu kya nyenyeri tsa ngine-hu katsikumba wuyanenyi. Na molimo fu fukahoṟoka oshangunyi lo mka chu awei iinengo mana, kundu oweṟe amfee nameṟe kimana kyake.

OTAMBAHALUO LO YOHANE 7:14

Na inyi ngambia, “Iyo, Mndumii oko, ukiichi.” Nao kanjiwia, “Iwa nyi wachee waalenyi wulya wung'anyi wakawesanja maṟao hawo ipfo samunyi ya kidahina ki wakahailisha-ho hakaila pang'a.