2TIMOTEO 3:10 - Bibilia Kui Mdedie fo Kimochi

¹⁰ Kya indi iyo omeosha kiloshio kyako, uwerianyi na wupfundi woko na wuteteṟi na wuitiki wo ikuhoṟotsya haa-hateṟye na wuidiki woko, na wuleeli woko; wuhoṟotsu na wukundi woko, na wutirisi woko.

2TIMOTEO 3:10 ပူးပေါင်းရင်းမြစ်များ

DANIELI 1:8

Indi Danieli kadumbuo mrimenyi foke ke echikuwasha na kelya ang'u mvinyo fo mangipfo kundu nalakufanyitse ngafu. Katerewa mnene ulya mnzenge nakumnengie momu.

LUKA 1:3

Na inyi kilenjichihia, ngatumatuma mnu tsose kimatsa kimaenyi kyatso; njikukuṟehie wokikisa iyo Teofilo oko umichimbiṟe mnu.

MAWUTO HA WASU 11:23

Nawo kekishika-pfo na iwona wutonga wo Ruwa wuiho kachihio kawatutuma wose ke wakunde ikuwada na Mndumii kui ngoo njiwanzi.

MAWUTO HA WASU 2:42

Nawo wakawa wekuwada ipfo kiloshyonyi kya wasu na ipfo kipfunganyonyi ipfo kifunjonyi kya mkate na ipfo shiterewyonyi.

MAWUTO HA WASU 20:18

Wekicha yafukya koke kawawia, “Nawo muichi wokia mkonu fulya ndewoka ipfuṟukanya Asia njiwei msanze nanyo kiheri kyo kyose.

MAWUTO HA WASU 26:4

Kyasia Wayuda wose nyi waichi ohendo lo moo foko wokia wukoho woko chando fuhendekye ipfo mkambonyi foko na ipfo Yerusalemu.

WAROMA 16:17

Lanye wanawawama, ngamtutuma muringe mnu weitsaho mpaṟakano weitsa shipaṟatsana na shilahutsa shilya shikapanyi na opfundo lulya mui-wapfunde, mukushowe mnu kyawo.

2 WAKORINTO 1:17

Alewo ili mbekusaṟie njido nyi njilaweichi kindo njiwuta? Ang'u isho njikuteseheṟye nyi njikuteseheṟye kui kiwandu, ke njihamba, “Ee” na Ote handu hamu?

WAEFESO 4:14

Kundu lulakikae-se cha wakoku luwechiweṟutsoweṟutso na ipongitsopongitso nyi orio otanu lo ilosha lya wandu walembi kundu wadetse wengi kui mtaambo.

WAFILIPI 2:20

Kyamba njilawode ai kyandonyi kimu na inyi echihendelya itonga kyanu chaopfo.

WAFILIPI 2:22

Indi ichu mumwichi wutechi woke ili awei na inyi cha mana na ndee echipfuṟukanya ndumi ya sia ya okiio.

1WATESALONYIKYE 1:5

Ili ndumi yo yadu ya sia ya okiio ilawembiia nyo kui dedo liyenyi indi na kui pfinya na kui Mumuyo Mwele na kui wutichi wose. Nanyo mwichi chando lulekukaya konu kipfa kyanu.

1TIMOTEO 1:3

Lilyandi njiwekure njehenda Makedonyia njilekututuma ke ukae ipfo Efeso, kundu uikimbe wamang'nanya waliwe walawone welosha kiwungi.

1TIMOTEO 4:6

Komanyishya wanawawama ishi nyi ochiwa mṟundi o Kristo Yesu sa mcha uimlisiṟe na madedo halya ha wuidiki na ha kiloshyo kilya kicha ukioshye.

1TIMOTEO 6:11

Indi iyo ili ui mndu o Ruwa, dicha ishi, ke wingya-wo wuhoṟotsu na wuindi na wuidiki na mkundie na mutirisie na wuoloṟu.

2TIMOTEO 2:22

Dicha malang'a halya ha ki-wanake, indi uwingye wuhoṟotsu na wuidiki na makundano na ofoṟo urianyi na wandu walya waiterewa Mndumii wawode ngoo tsiharami.

2TIMOTEO 4:2

Onguo idedo-lyo, kuilikye-ho (kui-ho mwaanya mcha ang'u kulai-ho) Dedya, ikimba, isima wandu kui wuleeli wuhoṟotsu na wuloshi wucha wose.

2TIMOTEO 4:3

Kyamba kochicha kiheri welechiidimana na kiloshyo kya lohi kyechiṟa mrima, kya indi wechikufeṟya wawenyi walosha waidikyanyi na lango tsawo tsiinjenyi, chando madu hawo hakundi.

2TIMOTEO 4:7

Ngammaa ikapana ngapano iya ncha, ngamaa iinutsya ohendo lulya, ngameringa wuidiki wulya.

TITO 2:7

Henda ikuwika-ho kumonyi kichano kya mawuto mecha ui na wusalari wo ipfo wupfundinyi, na mkuachie,

WAEBRANIA 13:9

Mulahende patsyo nyi mapfundo maliwe hai ha kihenu. Kyamba kilya kii kicha kyechiwanza ngoo nyi wutonga chi chonga; tso tsiweendie walya wawekekurohya natso mbuchapfo.

2PETRO 3:11

Na wudo ili shose shakunda isalaṟo apa mkoṟomu fuimkoromuo nyo mukae mochihendeka mhendekye mwele fuwode wuindi woindia Ruwa wose.