2TIMOTEO 3:1 - Bibilia Kui Mdedie fo Kimochi

¹ Kumbuo imanya ke mkonu iya ya mainukyonyi maheri hechiwa herohya.

2TIMOTEO 3:1 ပူးပေါင်းရင်းမြစ်များ

MAWOOKIONYI 49:1

Yakobo kalaha wana wake, kahamba, “Kusanzienyi handu hamu, kundu njimuwie shindo shechimuhoya mkonu yechicha.

YESAYA 2:2

Kechiwa kudi mandi ha mkonu yefurumia, fumvu lya mba ya Mndumii lyechiikaro huya fumvu, nalyo lyechiirio huya shitoṟomoso; Masanga hose hechihenda ho mamiingi kui mamiingi.

YEREMIA 48:47

Kyaindi mkonu yecha, njechioṟisha se Moabu Inyi Mndumii-Ruwa ngahamba. Ifu nyifo mwanduye huya Moabu.”

YEREMIA 49:39

Kyaindi mkonu yefurumia, njechiwihiṟia mṟi fo Elamu sia yake. Nyi inyi Mndumii-Ruwa ngahamba.”

EZEKIELI 38:16

Ambuya nyi okoyana na Waisraeli uwasokie cha ipuchi huye ya oruka. Kyamba njihenda ikuduma ukape oruka lu loko, nhondo wandu wechiwutaho imanya ke nyi njilekuduma iyo kundu njiloṟe wuele woko oshangunyi lowo.

DANIELI 10:14

Wulalu ngacha ikuwia mbonyi tsechikoya wandu wapfo maheri ha ifurumia; kipfa mawonesio ha nyi ha kiheri kileshe daa.”

DANIELI 11:36

“Na mangi nyi echiwuta chandu akundi. Nao nyi echikung'anyisha, na ikuṟumisha huye ya maruwa hose, nao nyi echideda madedo ha mbaṟi heisalucha Ruwa o maruwa. Nao nyi echiengeṟa ihuyo mṟasa nyashi ya Ruwa iawukie; kipfa shilya shishiteṟie shiwaṟi shiwutike.

DANIELI 12:11

Na wokia kiheri kilya shidaso shemaya modonyi ilyi shechiwutoho shilya sha kitsitsi, na kiwi kya orumatso ilyi kechihoṟotso, kechishika mfiri kiku na mahana haṟaṟu na makumi haṟaṟu na itanu (1,335).

DANIELI 12:7

Inyi ngaicho mndu ulya amṟike nguo tsa katanyi, awei huya mṟinga fo meda, kairia owoko loke lo kulyo na owoko loke lo kumoso huye ruwehu; kalya nyamu ya ichu ai na moo mlungana na mlungana, ke kochiwa kiheri na shiheri shiwi, na kyenga kya kiheri; kake wakamemaa ifunja pfinya tsa wandu wo waele, nlyong'u mbonyi tso tsose tsechiinukia.

DANIELI 7:8

Ngatuluya meso membe tsilya, kukadosa ho membe kiidi kya itso indi iwei njitutu, kukaṟuka membe tsiṟaṟu tsisonguo na kiidi kya membe tso kuwewode meso cha meso ha mndu, na dumbu liweideda madedo ha kiṟiha.”

HOSEA 3:5

Kyaindi kiheri kechicha mandi wandu wa Israeli wechihaluka na ishiha Mndumii-Ruwa, Ruwa owo, na ishiha mangi owo, o luwa lya mangi Dawidi. Nyilyondi wechiowuo Mndumii-Ruwa, na imkunda, na iambilia mboṟa tsake kiheri kya ifurumia.

MIKA 4:1

Kochicha kiheri fumvu lya mba ya Mndumii-Ruwa lyeching'ana kota mafumvu hose, ee da, lyechidosio huya shifumvu shose. Wandu wafoi wechihenda pfo,

2TIMOTEO 4:3

Kyamba kochicha kiheri welechiidimana na kiloshyo kya lohi kyechiṟa mrima, kya indi wechikufeṟya wawenyi walosha waidikyanyi na lango tsawo tsiinjenyi, chando madu hawo hakundi.

2PETRO 3:3

Kisongoye shose manyenyi kiheri kyefurumia kochicha wandu wetaluo, mchumie yawo inchilie nyi lango tawo njiwicho. Kochicha-pfo wetaluo wai wapirisi wenyi-wupiṟi wechichumia waiwaṟaishe nyi lango tsawo wawenyi.

1YOHANE 2:18

Wana, saa ifurumi iipfo. Iki muleicho ke iimakristo echicha. Na wulalu komba wafoi wai mai makristo. Nyihondo lokuwutyaho imanya ke saa ifurumi iipfo.

YUDA 1:17

Indi nyo mui-wakunde kumbwonyi madedo halya mulewio nyi halesonguo wasu walya wa Mndumii odu Yesu Kristo.

YUDA 1:18

Ili walembia. “Maheri hefuṟumya kochiwoneka wandu wechimupiṟa nyo; wechikuhendya wai-waitike nyi lango tsawo njiwicho tupu.”