2TIMOTEO 2:25 - Bibilia Kui Mdedie fo Kimochi

²⁵ Echidedya kiomboho walya walehanyi nao kulako Ruwa echiwailachia mhie nawaenenge idumbuya na imanya kii-wulohi wawuye isanjika mdo.

2TIMOTEO 2:25 ပူးပေါင်းရင်းမြစ်များ

YEREMIA 31:33

“Nduma ya mafiri ho njechiwika mkundana fo mbaṟi i na Waisraeli; Njechiwika wuwawaso woko kiidi kyawo na ifuṟehia kiidi kya mrima yawo. Inyi njechiwa Ruwa owo nawo wechiwa wandu wako. Nyi inyi Mndumii-Ruwa ngahamba.

EZEKIELI 11:19

Na inyi njewainenga ngoo na mrima mhya kiidi kyawo, njihende iwutapfo ngoo njiumu cha iho na iwainenga ngoo iwode wuindi.

EZEKIELI 12:3

Kyasia Iyo mndu kupfunge nuwekudika iṟio cha mndu akeriidicha oruka loke, uwekure ili kulameila. Wuta kudi oshangunyi lo wandu wakuwone chando ukeri idicha uwuka iya uhende handu hengi. Kofia wechiwutaho imanya chandu wai mba njilemeri.

EZEKIELI 36:26

Kyamba nyi njihenda imwinenga ngoo njihya, njiwewika mumuyo mhya kiidi kyanu. Kyamba njihenda iwuta mrima muumu cha iho kiidi kyanu, njiwemuomoya mrima fo wuindi.

EZEKIELI 36:31

na ilimandi mochikumbuo mchumie yanu mmbicho na mawuto hanu mawicho, nyi mochihenda ikusuo nyo muwenyi kipfa kya mawicho ho hanu muwewutie.

ZEKARIA 12:10

Inyi Mndumii, njechipusuya Mumuyo foko wandu wa mba ya Dawidi na wekaa Yerusalemu wose mumuyo fo osaṟio na iterewa; nawo wechiambuya ulya walemtocha, wo wechihoyo nyi wukiwa na ilia cha ilyi mndu aililia mana oke kimumu nawo wechiicho mawawio kipfa kyake cha mawawio ha mana mmbee ilyi ahoyo nyi wukiwa wuliwe.

MATAYO 11:29

Kekudikenyi ngada njioke nyi inyi muche kuloshyo nyi inyi! Kyamba inyi nyi mhoo njikeri na mokunyinyiṟa kui mrima. Naho mochiwona koonyonya ko mrima yanu.

MATAYO 21:32

Nyi kipfa Yohane alecha na konu kui njia ya wusumuhanyi nanyo ma mlamidikye, wesana okamba nyiwo welemidikya ili numa na waka wameluki. Nanyo mkakiwona ma mladumbuye lyandi mulelemidikya.’”

MARIKO 1:15

Kahamba, “Ke kiheri kyamcha, na wumangi wo Ruwa womeafukya kufui. Kedumbuyenyi mbeidikya Mbonyi tso Njicha.”

YOHANE 5:34

Na inyi ma njekewada kiṟingishyo ki-kiwike nyi wandupfo kya indi nyi ngahamba ikyo kundu muhende ikiṟo.

MAWUTO HA WASU 11:18

Wekiicho madedo halya wakatsia wakaṟumisha Ruwa wehamba, “Kyasia Ruwa ameinenga wandu wa mbaṟi njihenu mdumbuye fochiende moo.”

MAWUTO HA WASU 2:38

Petro kawawia, “Dumbuyenyi, na orio umu nahende ipatisyo rina lyo lya Yesu Kristo lyembonya mhoṟye fo njonyamaṟo tsanu mushike yambya kimasyo kya Mumuyo Mwele.

MAWUTO HA WASU 20:21

Njechiṟingishya Wayuda na Wagriki kya mdumbuye wakucheye nafo Ruwa na kya mwidikye wakuihetse na Mndumii odu Yesu.

MAWUTO HA WASU 5:21

Nawo wekiicho iki wakahenda kilawo kulya hekalunyi wakawoka ilosha. Mkohanyi ang'anyi kacha arianyi na walya wake wakalaha chila iya ing'anyi sanza-pfo na wameku wasambuṟe waana wa Israeli wose wakaduma wandu kulya kipfungyonyi wawaendepfo.

MAWUTO HA WASU 5:31

Nao nyio ichu Ruwa alemira na owoko loke lo kulyo kamtana mwitoṟi mokiṟa wandu nainenge Waisraeli mdumbuye na mhoṟye fo njonyamaṟo.

MAWUTO HA WASU 8:22

Kyasia wikang'u matumatu kya owicho lu lopfo noterewe Mndumii-Ruwa, kundu kokoya kechiwa noloheṟo kya makusaṟo ha ha ngoo yapfo.

WAGALATIA 6:1

Wanawawama, kokoya kwipfo sa arendemka kaho, kembihiṟyenyi kambenyi kui mumuyo mwoloṟu nyo mui wenyi Mumuyo. Kekuṟise-wo kulawone ochitewo kumonyi.

1TIMOTEO 2:4

Ichu akundi ke wandu washikekiṟo wose, kii lohi kilya kiwewatambahalukya.

1TIMOTEO 6:11

Indi iyo ili ui mndu o Ruwa, dicha ishi, ke wingya-wo wuhoṟotsu na wuindi na wuidiki na mkundie na mutirisie na wuoloṟu.

2TIMOTEO 3:7

Mawaka haikupfunda-pfunda halaidime ikoya imanya wurango wo lohi ma indi.

TITO 1:1

Inyi Paulo njii singa lya Ruwa na msu o Yesu Kristo moṟundya mwidikye fo wasambuṟe wa Ruwa na mmanyishie fo wu-kilohi wusumhanye wuindi.

TITO 3:2

Walarumane na mndu, wakae walawode mondu, wawiṟie mndu owinyi, wawonesye wandu wose wuhoo wuwenyi.

YAKOBO 1:17

Orio kisumbo kyose kii kicha, orio kinego kyose kii kya sungusihu kichee huye, kisokie kyechiwuka ko Wande mowika sa tsose. Na ipfo koke kuwode ma mhaluye mliwe manya mṟishe mangu fo masehyanopfo.

1PETRO 3:15

Indi Mndumii Kristo nyio mumtane mwele ipfo ngonyi tsanu. Mukae mochikuṟeheṟya itambahaluya orio mndu mowesana nanyo kya owedi ilu lumbode.

1YOHANE 5:16

Ili mndu awona manomae echinyamaṟa wunyamaṟi wulaende-opfu namterewie ko Ruwa. Kuwode wunyamaṟi wuende opfu, kyawo ngahamba naterewepfo.