2TIMOTEO 2:24 - Bibilia Kui Mdedie fo Kimochi

²⁴ Indi mṟundi o Mndumii nalawe moloya. Kya indi kimbaṟi naololye wandu wose nawe mlosha mcha akutirisie shiwicho shilya aiwutio.

2TIMOTEO 2:24 ပူးပေါင်းရင်းမြစ်များ

2MBONYI TSA MAHERI 24:6

Kyasia, mangi kalaha mnene owo o Yehoyada, kambesa, “Nkili ulamewawase Walewi isanyia kuwuka ko wandu wa Yuda na Yerusalemu, okamba sa Mose mṟundi o Mndumii-Ruwa, alewawasa wandu watae kipfa keirundia Hema Liele lya Mndumii-Ruwa?”

YESAYA 40:11

Nechilisa po lyake cha mlisi, Nawesanyia machondi hake mawokonyi hake; Nawaduo kipetehu kyake. Na iwo waionza nechiwaduo kyomboho.”

DANIELI 6:20

Ai kufui nashike; kafihiṟa na isokio mfowa kya Danieli Mangi kawia Danieli, “Oo Danieli mṟundi o Ruwa menyi moo, a ngesa Ruwa chu opfo okemṟundia mfiri yose akukiṟa na miiso yo?”

MATAYO 12:19

Echiloya ma ifahyafo. Ma kochikaapfo mndu echiicho ṟu lyake kulya njienyi tsekyama mṟinyipfo.

YOHANE 6:52

Lyo likatewa Wayuda wakaloyana wawenyi na wenyi wakahamba, “A nyi wuda ichu echiidima iluhavya nyama tsake lukulie ngesa?”

MAWUTO HA WASU 15:2

Nakyo kikaamtsa Paulo na Barnaba wakaloyana nawo na irekyana nawo kyumu. Lyefurumia wakawawasa ke Paulo na Barnaba wahende ido na kulya Yerusalemu kimu na wengi-ho wa ipfo kiidi kyawo waduo-pfo mbony tsa Ngano ii ko wasu na wameku waipfo.

MAWUTO HA WASU 23:9

Kukakaa-ho kifihiṟo sa kinene. Walanyi wa ora lo Wafarisayo wakahoṟoka wakadeda mnu wehamba, “Luwonyi-ho kiwicho kya mndu chu manyalepfo. Kulako nyi mumuyo ang'u nyi malaika adedye nao.”

MAWUTO HA WASU 7:26

Ili lya ngama kawache-se kakoya wawi wechiloyana kakunda iwasansa na iwika-ho ofoṟo kewawia, ‘Lanye womi mui wana wa mka, nyi kiili muiwutiana kilasumhanyi?’

2 WAKORINTO 10:1

Nao inyi Paulo ili njiimhambe wai ke ipfo oshangunyi njimkerye mmamiri indi ngamuwia ngolohoda ngamshika aleshe, nyi njikuwode na wuhoo na wuwongoya wo Kristo njemtutuma.

2 WAKORINTO 10:4

Kyamba shisha sha ngapano yadu shilakeri sha kiwandu, kya indi shii-shiwikye pfinya nyi Ruwa yewunduo mṟi mikare lochiwunduo mloshye ya kiwandu.

2 WAKORINTO 6:4

Kya indi kya orio kindo kyose lukuloṟa wapfuṟukanyi wa Ruwa ili lokutirisia sa kafo, kiwe lui shiwirenyi kiwe lui mawinenyi kiwe lui wakoṟome mkoṟomu.

WAGALATIA 5:22

Indi iki Mumuyo awikye nyi kikeri kiile, nyi mkundie, msiha, ofoṟo, wuhoo wung'anyi, wulalutsu wo kyamu, wucha wo mrima, wusalari, woloru, ikusanza lya mrima.

WAEFESO 4:2

Mchumie fu fuwade ikunyiṟa lyose na woloṟu wose na mununyie fose mochidaṟana muwenyi na wenyi kui kikunda.

NGUMBUO YA MAWAWASO 34:5

Kyasia, Mose mṟundi o Mndumii-Ruwa kapfia kulya orukenyi lo Moabu chando idedo lya Mndumii-Ruwa alelihamba.

WAFILIPI 2:14

Kewewutenyi shindo shose mulechinunuwa ma ipfio nyi mdo.

WAFILIPI 2:3

Ma mulawone moamtsa shida ya nda mulakunyashe nekushela, kya indi orio onu natane odoe msongoru muwe mokunyiiṟa mudi mose.

WAKOLOSE 3:13

Muhoyane muwenyi na wenyi mochihoṟyana kokoya kwipfo awode kyededya ungi. Chando nao Mndumii alemuhorya nyo nanyo kimuwaṟi muwute mudo-ng'u.

1WATESALONYIKYE 2:7

Luwerie pfinya yekaa-ho na mkoromu cha wasu wa kristo indi lulemba wahoneri ipfo kiidi kyanu cha ili mka mwongo aikunjia shikoku shake ndenyi.

1TIMOTEO 6:11

Indi iyo ili ui mndu o Ruwa, dicha ishi, ke wingya-wo wuhoṟotsu na wuindi na wuidiki na mkundie na mutirisie na wuoloṟu.

TITO 1:1

Inyi Paulo njii singa lya Ruwa na msu o Yesu Kristo moṟundya mwidikye fo wasambuṟe wa Ruwa na mmanyishie fo wu-kilohi wusumhanye wuindi.

TITO 1:7

Kyamba moambuya siṟi kimbari nawe mndu mteechi akerye Ruwa cha mwiṟichi alawode tumbe, alai mlang'a ma makinango ma manzina ma mongula.

TITO 1:9

Nawe mokuwada na idedo liidikyanyi necha na kiloshyo kilya, kundu naidime iikimba na mweke fo wupfundi wochiṟa mrima na iwinga walya wekefurunja mbonyi.

TITO 3:2

Walarumane na mndu, wakae walawode mondu, wawiṟie mndu owinyi, wawonesye wandu wose wuhoo wuwenyi.

YAKOBO 1:1

Inyi Yakobo njii isinga lya Ruwa na lya Mndumii Yesu Kristo ngaiṟikiṟa njoshari tsilya ikumi na tsiwi tsilee wahenunyi.

YAKOBO 3:17

Indi wuṟango wu wowuka ipfo huye, wo wosonguo imanyika wui wukeha wukaengeṟa imanyisha ikunda ofoṟo na isehyana wanawawama wochikaa na wuindi wuwelukie welu masaṟia na mawiko mecha wulahenda iira mndu ma wulakulembetseṟye.

YAKOBO 4:2

Mukeri ilalakia, indi moshika iwadapfo. Muiwahana na ilang'aa indi moidima ikoyapfo. Moira ngapano na ikumba-pfo moo. Indi mowona kindopfo kipfa muleketerewa.

YOSHUA 1:1

Kyasia Mose mṟundi o Ruwa ampfa, Mndumii-Ruwa kacha ideda na mṟundi ulya o Mose Yoshua mana o Nuni,

1PETRO 3:8

Lya inutsya ngahamba, mukae mochihia kimu mose, muwe mochiichio wengi wukiwa mukundane, muwe mosaṟya, mukunyiṟe muwenyi.

YUDA 1:3

Wanawawama ilindi njiwewode m macha hemṟehya kya okiio-lu luwode kimu, nanyo, wuitiki wukanhoya njimṟehye njiechimwikimba ke muwe mochikapanya wuidiki-wu Ruwa alewudambikia wake wose ili lyimu.