2TIMOTEO 2:21 - Bibilia Kui Mdedie fo Kimochi

²¹ Wulalu-le kokoya mndu akuhaṟamisha amonyi kalekana na shindo sho shose shiteṟefutsie mrima o echiwa kichoṟe kya ichopa kii kiilishe kyeṟundya orio iṟunda icha lyose.

2TIMOTEO 2:21 ပူးပေါင်းရင်းမြစ်များ

SHIIMBO SHA DAWIDI 119:9

Nyi wuda mrika echisanja njia yo yake? Kui wuindi, kyechiosha idedolyo lyapfo.

YESAYA 1:25

na inyi njechikuindutsia owoko loko, njechisalaṟa wukika wonu wose, njechiwuta mbosha tsanu tsose.

YESAYA 52:11

“Hendenyi konu, hendenyi konu, wukenyi ipfo, mulapaaye kindo kifanyi; wukenyi kiidi kyake; muwe waele nyo mukeri iduo shihia sha Mndumii.

YEREMIA 15:19

Mndumii-Ruwa kahaluo: “Kokoya ochiwuya njechikuwihiṟia chando uwei mboko, na iyo unjiṟundie-se. Kokoya odeda madedo hawode wuṟango halai ha wutondo, nochiwa mdedi oko. Wandu wecha ikusanza na iyo ma chi iyo ochihenda iwasahia pfo.

MALAKI 3:3

nao nechidamia cha mosanja fesa, nechihaluo wana wa Lewi waele, nechiwasanja cha sahabu na fesa, wechidasia Mndumii kui wulohi na wusumhanyi.

MAWUTO HA WASU 9:15

Kya indi Mndumii kambia, “Wada njia uhende-pfo, kyamba o ichu nyi anjikerye kisha kyako ndekisambuṟa nahende iduo rina lyako sumuhana na wandu wa masangeny na wamangi na wana wa isiraeli.

1 WAKORINTO 5:7

Kyasia muahye kitarang'asha kilya kiku na nja kundu muwe mbumba mhya chando mui mulaiwawike kitarang'asha. Cha kipfa na pasaka yadu ilemmaa ishinjo, nyio Kristo.

2 WAKORINTO 7:1

Kyasia-ng'u ili lui wateṟye shasa shidi, lanye wakunde, lukuheṟemtse so luwenyi kya ngafu yose iya yefanyitsa mbihu na iya yefanyitsa mumuyo lichiawutsya wuele lui na wuowu wo yowuo Ruwa.

2 WAKORINTO 9:8

Nao Ruwa ai na pfinya yemfeṟya shanu sha mweena kya orio kindo mkonu yose mochihelukya orio ngata njicha yose.

WAEFESO 2:10

Kipfa so lui owiko Ruwa; lulewumbyo Kristo Yesu kundu lochiwuta mawuto mecha iho Ruwa alesonguo ihaṟeheṟa kundu luhende ikupaya naho.

1TIMOTEO 6:11

Indi iyo ili ui mndu o Ruwa, dicha ishi, ke wingya-wo wuhoṟotsu na wuindi na wuidiki na mkundie na mutirisie na wuoloṟu.

2TIMOTEO 2:16

Indi mawesano ha kiwuyana na madedo ha ho uhadiche; kipfa hekeengeṟa iletsana wandu na Ruwa melemele lyo, kipfa tso tsechilandaṟisha wumbafu kya ngoseṟa.

2TIMOTEO 2:20

Indi kiidi mba ing'anyi kuwode nzohoṟa tsa orio mbari. Tsingi nyi tsa sahabu na pesa tupu tsingi tsa mbau ang'u tsa teri. Na kyatso kwipfo tsiwode iṟunda lya kyaanya na tsingi iṟunda lyingi.

2TIMOTEO 3:17

Kundu mndu o Ruwa nawe mtsane aa mteseheṟye kya iwuta orio wuto icha lyose.

2TIMOTEO 4:11

Ichu ai na inyi nyi Luka amonyi. Ira Mariko muche nao kipfa echiidima injitarama mnu iṟunda-li lyako.

TITO 3:1

Uwatamuṟye ke wakae wakuwike shi ya wanene wai wenyi-menge wechiwaidikya. Wakae wakuteseheṟye orio ṟunda icha lyose.

TITO 3:14

Na iwa wai wadu wakupfunde iwika-ho maṟunda mecha hewinya-ho shilya shilechiwa iwuṟo kundu walakae-ho wawake ikidi ilaikumbia.

TITO 3:8

Idedo lyeidikya lyo ilyo. Na njikundi utambahanye iṟingishya kyalyo shose, kundu iwa wai waidikishye Ruwa wawinye iwika-ho mawuto mecha. Ishi shachia wandu shiwaendie ngaya.

1PETRO 1:22

Mukamaa isanjika mrimenyi yanu kui wuhoyi wo ihoya kilya kii lohi kyemwinenga ikundana na wanawawama lilakulembetseṟye muwe mochikundana mnu necha nyo muwenyi na wenyi kui mrima fose.

1PETRO 1:7

Kitewe nyi kundu kihesha mwidikye fonu kiende kiṟumi kicha kota kilya kyehesha sahabu iya yechisia nayo yekyemanyisho modonyi, kishikye iwono kyechiende kiichiko na wuitoṟi na kiṟumi mandi halya Yesu Kristo echiwonekya.

1YOHANE 3:3

Na orio ose akuwode nao kui owedi-lu nyi aikuilisha amonyi naile chando Kristo amwili weṟu.