2TIMOTEO 2:20 - Bibilia Kui Mdedie fo Kimochi

²⁰ Indi kiidi mba ing'anyi kuwode nzohoṟa tsa orio mbari. Tsingi nyi tsa sahabu na pesa tupu tsingi tsa mbau ang'u tsa teri. Na kyatso kwipfo tsiwode iṟunda lya kyaanya na tsingi iṟunda lyingi.

2TIMOTEO 2:20 ပူးပေါင်းရင်းမြစ်များ

EZRA 1:6

Walya wawei mṟasenyi nawo wakawaengeṟia pfinya ko shinengo shawo cha fesa, sahabu, masaa hengi, shuma, na shindo sha wuhuru wung'anyi na shidaso shemaya modonyi sha kulya hekalunyi.

EZRA 6:5

Shindo shilya shose sha sahabu na fesa shilya mangi Nebukadneza aweshiwutie kulya mba ya Ruwa ya Yerusalemu kashiende na kunu Babeli shihende iwihiṟio kulya hekalunyi lya Yerusalemu na orio kindo kiwihiṟio alyando kiwekekaa.

IWUKA 27:3

Nosungusie na shihia shake sheira mafu hake; na makumbi hake, na mboṟiko tsake, na uma tsake, na mariko hake; shihia sho shose nochishisungusia sha aṟeṟa.

SHILIO 4:2

Wana wadu wa Sioni chandu wawewode kiṟumi kodu cha sahabu. Indi wulalu nyi wakeri iwumbo wumbo cha teri ya mosungusia shinungu.

DANIELI 5:2

Belshaza kiheri aweisaha mvinyo fulya, kaduma masinga hake hahendeende shombo shilya sha sahabu ndeeoke Nebukadneza aleshiende awuta hekalunyi lya Yerusalemu (shiwekeri ofano lo bilauri tsa mvinyo) kundu o na wachili wake, na waka wake, na shitonga washinyoye.

YOHANE 8:49

Yesu kahalwo, “Inyi njiwodo nyi oṟuṟe manyalepfo. Inyi njiwikya Wande oko kiṟumi kya indi nyo muidetsa kilya kii kyako.

WAROMA 9:20

Hoo iyo ui mndu o wandu; nyi ukeri o ku koanduyana na Ruwa? Aka kindo kiwumbe kitane kyawia mokiwumba, “Nyi kiili untanye kudi?”

1 WAKORINTO 3:9

Kyamba so luiṟunda kimu na Ruwa, nyo mui ndonga ya Ruwa, mui wiko lya Ruwa.

2 WAKORINTO 4:7

Indi lurie kisa ki shihienyi shii-shiwumbe na wumba kundu pfinya ii iingiki idi imanyike ke nyi ikeri ya Ruwa, ilahambo ke nyi kodu so iwukie.

WAEFESO 2:22

Kui ikulunga nao, nanyo da mochiengeṟyo-ho napfo ipfo mbikenyi muwe kanyi ko Ruwa kui Mumuyo.

1TIMOTEO 3:15

Indi kokoya ngakeleo nomanye njia isumuhanyi yekuidya mbenyi ya Ruwa. Nayo nyi siṟi ya Ruwa ichu menyi-mooo, ii ngo iya yekanza kiwulohi.

1PETRO 2:5

Na wudo nanyo mui maho hai na moo muhende iwiko mba ikeri Mumuyo ya wukohanyi wuele wodambikya-ho shidaso sha kimumuyo shichihiṟie Ruwa kui Yesu Kristo.