2TIMOTEO 2:2 - Bibilia Kui Mdedie fo Kimochi

² Ambia kiloshio kilya uleicho koko oshangunyi lo wangochi wafoi sho ualie wandu waidikye iwa wasumuhanyi sa wechiidima ilosha wengi.

2TIMOTEO 2:2 ပူးပေါင်းရင်းမြစ်များ

EZRA 7:10

Ezra nawekundi kui mrima foke ikulosha mawawaso ha Ruwa, na ihaindia na ilosha Waisraeli mawawaso ha na wuhendeli woho.

EZRA 7:25

Na iyo Ezra, kyamba uwode wuṟango wo Ruwa mawokonyi hapfo, sambuṟa wachili na wedumbuo mondu wesongoya wandu wose wakeri ora lo kyukanyi lo meda fo Eufrate, walya wekeosha mawawaso ha Ruwa chu opfo, na walya walaichi mawawaso ho, muwaloshe.

NEHEMIA 7:2

nalyo ngasambuṟa mana o wama oko Hanani nahoṟokie Yerusalemu kechitaramo nyi Hanania awei mnene otiṟiwa lo Yerusalemu kyamba nyi awei mndu o wusumhanyi, aweowoye Mndumii-Ruwa kota wandu wengi,

SHIIMBO SHA DAWIDI 101:6

Meso hako hechiembeṟukia wahendeli orukenyi, iwo wakae na inyi. Ichu mochumia njienyi njiharami, nyio sa echinjiṟundia.

MFANANO 13:17

Mdume mbicho nekeoloka madekonyi Indi mdume mhendelyi nyi oru.

YEREMIA 23:28

Mwikimbi awode ndodo nahambe ndodo yake; na ulya awode idedo lyako nahambe idedo lyako kui wuhendeli. Muulu nyi kiki kota Ngano?” Mndumii ahamba.

WALEWI 14:42

numa waende maho hengi, wahawike handu halya wawutapfo; nao nechiende chokaa ingi nashie mbayo.

MALAKI 2:7

Kiwaṟi dumbu lya mkohanyi liwade wuṟango, wandu washihe wuwawaso dumbunyi lyake kipfa o nyi mngochi o Ruwa.

MAITALA 12:7

Kyaindi kya mṟundichu oko Mose nyi kii kiwungi nakamu. O nawode iṟunda lyeringa wandu wako wose.

MATAYO 13:52

Nao kawawia, “Kyasiang'u orio mlosha o mawawaso ose ichu a mloshe kya wumangi wo ruwehu nyi afananyi na mndu menyi kanyi awode kisa kyake aṟikye kawa moende-ho shindo shihya na sha kacha.”

MATAYO 24:25

Ambuyenyi nyi ngawoka imtutuma.

LUKA 12:42

Mndumii kahamba, “A nyiu ichu mokalia kanyi awei mwidiki mṟango, mndumii oke awemhaluye mnene o waṟundi wake, nawe mowahawia kando ili kiheri kyashika?

1 WAKORINTO 4:2

Kikawa kido kitsuhae kyeringa waheki nyi nashike iwono ai mteechi.

2 WAKORINTO 2:14

Indi Ruwa nakae echiwikyo mwaano ili ailuenenga iwinza lyi lya kui Kristo kitsitsi echipfamiṟa orio kundu kose mtambahalukye foke ai naso.

2 WAKORINTO 3:5

Chi lui watechi wokusaṟa kindo cha ili kiwewukye kodufo, kya indi wutechi wodu wuparikye ko Ruwa.

WAKOLOSE 1:7

Nyi wudo mulelosho osaṟio lu lo Ruwa nyi Epafra mokyando chu odu mkunde ai mṟundi o Kristo momhendelya nyo.

1TIMOTEO 1:12

Ngaana Mndumii odu Yesu Kristo mbanzi oko ili alenjikusaṟa mhendeli kanjiwika kipfuṟukanyonyi.

1TIMOTEO 1:18

Manoko Timoteo, iwawaso ili ngakuwawasya lirianyi na shisuku shilya shilemsendo huyapfo likeri lile, ke ukupfunge nasho ochiira shia iya njicha.

1TIMOTEO 4:14

Ma ulaseheṟe kitonga kilya ki na iyo uleinengo kui wuikimbi wuele mandi olehekyo mawoko nyi wameku.

1TIMOTEO 4:6

Komanyishya wanawawama ishi nyi ochiwa mṟundi o Kristo Yesu sa mcha uimlisiṟe na madedo halya ha wuidiki na ha kiloshyo kilya kicha ukioshye.

1TIMOTEO 5:22

Ulahekye mndu mawoko owin; ulawekaṟana na manyamaṟo ha wengi; kuringe kumonyi ukae ulawado nyi mti.

1TIMOTEO 6:12

Kapana ngapano iya njicha ya wuidiki, ke-wada moo fo mlungana, ifu omelahyo ndaho yafo kowefuṟingisha mṟingishie sa mcha oshangunyi lo wangochi wafoi.

2TIMOTEO 3:10

Kya indi iyo omeosha kiloshio kyako, uwerianyi na wupfundi woko na wuteteṟi na wuitiki wo ikuhoṟotsya haa-hateṟye na wuidiki woko, na wuleeli woko; wuhoṟotsu na wukundi woko, na wutirisi woko.

2TIMOTEO 3:14

Indi iyo utsinde na shilya sha lohi ulekulosha na ishiidikia nakamu komeshidambikyo; uichi ke nyi waki walekulosha.

WAEBRANIA 2:17

Kipfa kya iki kiwembaṟi ifanana na wanawawama kui shindo shose kundu nawe mowaichio wukiwa nawewiia na Ruwa mkohanyi ang'anyi sa mhendeli mowonya manyamaṟo ha mkambo mhoṟie.

1SAMWELI 2:35

Numa njechiamtsa mkohanyi ungi mhendeli sa echiwuta shilya shii mrimenyi na wuṟangonyi woko. Njechimmbiia kishari kitumhari; nao nechiṟunda kiheri kyose oshangunyi lo mangi yako.’