2TIMOTEO 2:10 - Bibilia Kui Mdedie fo Kimochi

¹⁰ Nkyo kitewe ngakutirisia njekaa shi ya shose kimaduma kya wasambuṟe walya wa Ruwa, kundu nawo wakuwonye okiio lo Kristo-hu Yesu hamu na wuitoṟi wo mlungana.

2TIMOTEO 2:10 ပူးပေါင်းရင်းမြစ်များ

MFANANO 8:35

Kipfa ulya monjiwona inyi nyi awona moo, Nao nyi echiidikyo nyi Mndumii.

MATAYO 24:22

Na mafiri halya nokoe halawechiwihiṟowihiṟo numa hanyienyie, ma orio kindo kii na mbihu kyose kiwechiwona-se handu kechikiṟyopfo. Kyaindi nyi kipfa kya iwo wai wasambuṟe nyi kyondo mafiri halya hechiwihiṟyo-wihiṟiyo numa.”

MATAYO 24:24

Nyi kipfa kochikurepfo Wakristo wa wongo na waikimbi wa wongo. Waweloṟa-ho na mawuto manene ha kiṟingishyo na ha kiṟiha. Nyi kundu watewe na iwo wai wasambuṟe nokoe nyi kiwechiwa.

MATAYO 24:31

Nao naweduma wasu wake wa ruwehu wahende na ṟu ling'anyi lya membe na iwo wake akusambuṟye wawewasanya kundu kumu, wawawute kundu ko njotanu tso tsi tsiina wawoke ora lu lo ruwehu kundu lutsitsye washike lulya lungi kundu lutsitsye.”

LUKA 18:7

Aka Ruwa awechidumbuo mondu fo iwo awasambuṟie, iwo wekemfuhia mfiri na kio? A ngesa nyi echiwawetesa?

LUKA 22:57

Kakana kahamba, “Wai, njimanya, njimwichipfo mae!”

YOHANE 11:52

Ma chi kyekiṟa mkambo fu fo wandu tupupfo kya indi kundu na wana wo wa Ruwa wanyanyaṟikye wo nawasanze wawe wamu.

YOHANE 17:24

‘Hoi Wande! Kya walya ulenjinenga, ngakunda ke wakae handu hamu na inyi ipfo kundo njikeri kundu wawone wuitoṟi wulya kulenjiinenga kui ikunda lyapfo uwenjikundi wokia wuyana wulawemeumbo.

YOHANE 17:9

“Nawo nyiwo njiwaterewya. Chi wuyana wu ngawuterewyapfo, kya indi nyi iwo ulenjinenga kipfa ili wakeri wapfo.

WAROMA 2:7

Iwo watsinda wewuta kilya kii kicha wepfula moo fo mlungana echiwaenenga wuitoṟi na kiṟumi na moo fulechisia.

WAROMA 9:23

Nyi kundu nawemanyishya-ho mfoe fo wuitoṟi woke alya shihie-hu shirio nyi wutonga woke isho alesonguo ishiteseheṟya wuitoṟi wulya.

1 WAKORINTO 1:21

Cha kipfa ipfo kundo wuyana wu wulawemanya Ruwa kui wuṟango wowo nyi kuwewode wuṟango wo Ruwa kikachihiana na Ruwa ikiṟa waidiki kui mwongoye fusolongi.

1 WAKORINTO 9:22

Walya wefafaa njilewawiia mfafa nao inyi kundu njikuwonye iwo wafafa. Nyiwo wandu wose njiwe mawiia mkao yawo yose kundu njiwute-ho ikiṟa wandu kui njia tsose.

2 WAKORINTO 1:6

Kya indi ma ili luirohyo ludi nyi kundu limwendye kiwihiṟya moo na okiṟo; ma ili luiwihiṟyo moo so nyi kundu limwendye kiwihiṟa moo kikuhambye kui ikuitirisia marohyo hamu na halya halurohye so.

2 WAKORINTO 12:15

Na inyi njiangi tupu njikufole njimonyi na ikufolyo kipfa kya mrima yanu. Kikawa njimukundi njido kya ngoseṟa nao inyi njianguṟyo ihenda kundo ko?

2 WAKORINTO 4:15

Kyamba ishi shose nyi shitanyika kipfa kyanu, kundu wutonga wu wufeṟikye wafoi wadi wuwe wofeṟa mwaano fohamba mng'ano fo Ruwa.

2 WAKORINTO 4:17

Kyamba iṟiyo lyo lyangu lya wukiwa wodu lyekaa oweṟe lo kidempfu, lyo lyalutanya wuitoṟi wo mlungana wuwode onu luiwonyo mwengeṟia na mwengeṟia.

WAEFESO 3:13

Ikyo nyikyo ngaterewa mulahende iwichuyo kipfa kya shiwira shako ngalisyo kipfa kyanu, nasho shikeri imwendye kiṟumi.

WAKOLOSE 1:24

Wulalu ngachihio ipfo mawawiṟonyi halya njiiwawyo kipfa kyanu ngawemarisa shiwira sha Kristo ipfo mbihuhu foko ishi shiwekundi yengeṟyo-ho sha mbihu fu foke, mfo siṟi.

WAKOLOSE 1:27

Nyiwo-ng'u Ruwa alekunda iwamanyishya wandu wake wusuṟi-wu wo kyama kyo kiele kikoome chando kisuṟie. Nakyo nkyo Kristo kiidi kyanu mosuṟa mowedyo.

1WATESALONYIKYE 5:9

Kipfa Ruwa aleluteseheṟya nyashipfo kya indi kundu lukuwade na okiio kui Mndumii odu Yesu Kristo.

2WATESALONYIKYE 2:14

Nakyo nyi kyo Ruwa lemulahya kui Ndumi yadu ya Sia ya okiio, kundu muhendeduo wuitoṟi wo Mndumii odu yesu Kristo.

2TIMOTEO 1:1

Inyi Paulo, njii msu o Kristo Yesu kui wuitiki wo Ruwa wusumhanye kyasa kiteṟye kya moo fui na Kristo Yesu.

2TIMOTEO 2:1

Na wudo iyo, manoko, ukuwangie wutongenyi iwu wui Kristo-hu Yesu.

2TIMOTEO 2:3

Kusanze na inyi ikukarishya mawawyonyi cha mbahanyi mcha o Kristo Yesu.

TITO 1:1

Inyi Paulo njii singa lya Ruwa na msu o Yesu Kristo moṟundya mwidikye fo wasambuṟe wa Ruwa na mmanyishie fo wu-kilohi wusumhanye wuindi.

1PETRO 2:10

Ili kacha muwei wandu walai mkambo fo Ruwa, indi wulalu mui mkambo fo Ruwa. Ili kacha mulawesaṟyo nyi Ruwa, indi wulalu momemaa isaṟyo.

1PETRO 5:10

Indi o Ruwa menyi wutonga wose ichu alemlahya wuitoṟi woke wulunganyi kui Kristo nyio echimlumbisha nyo muiwawyo kiheri kyangu echiwa moṟihika na ikahaṟa.