2TIMOTEO 1:8 - Bibilia Kui Mdedie fo Kimochi

⁸ Iki kikuenenge kulareenze iṟingishia kya Mndumii odu manya ulaṟeenze kipfa kyako inyi, njii mpfunge kimaduma kyake. Kya indi ukulunge-ho ihenda wawyo kimaduma kya Ndumi ya Sia ya okiio kui pfinya uleinengo nyi Ruwa.

2TIMOTEO 1:8 ပူးပေါင်းရင်းမြစ်များ

SHIIMBO SHA DAWIDI 119:46

Njechihamba wuṟingishi wopfo oshangunyi lo wamangi, manya njechiwona sonupfo.

SHIIMBO SHA DAWIDI 19:7

Mdumbuye fo Mndumii nyi fo Wusumhanyi, Fokewihiṟia mndu moo. Wuṟingishi wo Mndumii nyi lohi, Wokepfunda isembo wuṟango.

YESAYA 51:7

“Njiadanyienyi nyo wewuta sha wusumhanyi, wandu wawode chila yako mrimenyi yawo, mulaowuo shirumo sha wandu, ma mularihinyike imina lyawo.

YESAYA 8:20

Wahende kui wuwawaso na wuṟingishi, kokoya waladeda kirianyi na idedo li, kulawode kingi kowo kuwode ngamenyi pfo.

MARIKO 8:38

Mndu oose monjiwadia sonu inyi na madedo ha hako kunu kiidi kya mbaṟi ya wanyamaṟi na walasaṟie Ruwa, na Manomndu nyi echimbadia sonu ili echikaa nache na wusuṟi wo Nde handu hamu na wamalaika waele.”

LUKA 9:26

Kipfa orio mowada sonu tsako inyi ang'u tsa shidedo shako, o ichu na Mana o mndu na echeewada sonu tsake ili echikaa nache na wusuṟi woke, nyiwo wo Nde na wo wamalaika wake waele.

YOHANE 15:27

Nanyo na wudo da mochiṟingishya cha kipfa muhendesanyi na inyi wokia mawokyonyi.”

YOHANE 19:35

Na ichu alekiwona nyi awa mokiṟingishya na kiṟingishyo kyo kyake nyi kya lohi. Nao aichi nyi kya lohi adeda kundu nanyo muwange iidikya-ho.)

MAWUTO HA WASU 5:41

Nawo wakakure ipfo oshangunyi lo chila iya wai waṟamtsu cha kipfa kya isutso kipfa kya rina lya Yesu.

WAROMA 1:16

Kyamba inyi njilapfia sonu kya Ndumi yo ya Sia ya okiio, kyamba nyi ikeri pfinya ya Ruwa yewonya orio mwidiki oletso iasie na mndu Myuda na mndu Mgriki.

WAROMA 16:25

Ruwa nyio aidima imukapya owanzo kechimteteṟa na Ndumi ya Sia ya Okiio yehamba Yesu Kristo nyiyo ii njikeri iiongoya na otambahaluo lo kyaama kilya kiwekaa kiweikikoome maheri halya halunganyi.

WAROMA 8:36

Kihendekye chando kii-kiṟehye, “Nyi kitewe kyapfo loanga mowoho taṟaraa puti; lukatano cha ili lui machondi heshinja.”

WAROMA 9:33

Chando Madedo Maele hahambie, “Ambuya a ulya ngaleṟya iho lyekapya mtuulya kulya Sioni na piita ya iho yedekesha. Mdu moidikia ichu ai iho lyo echisukapfo.”

1 WAKORINTO 1:6

Kikatanyika kui kiṟingishyo kehamba Kristo ili kilembanzyo kido ipfo konu.

2 WAKORINTO 6:7

Lukaukerye na dedo lya wulohi, lutsindye-ho kui pfinya ya Ruwa. Lochikuringa na shisha sha wuhoṟotsu shii sha ora lo pfumu na lo ngao.

WAEFESO 3:1

Nkyo kitewe inyi Paulo njii mpfungo o Kristo Yesu kipfa kyanu mui wa mkambo ingi njiterewa Ruwa.

WAEFESO 3:13

Ikyo nyikyo ngaterewa mulahende iwichuyo kipfa kya shiwira shako ngalisyo kipfa kyanu, nasho shikeri imwendye kiṟumi.

WAEFESO 4:1

Na wulalu inyi ili njii mpfunge kipfa kya iṟundia Mndumii ngamwikimba ke muchumie mchumie fusumhanye ndaho i mui walahye.

WAEFESO 4:17

Na wulalu kilya ngahamba na iṟingishya njikuwode na Mndumii nyi kikerikiile, ke mulakikuhendye cha wandu walaichi Ruwa wekekuhendya mhie yawo iwewa ya shindo sha melemele.

WAFILIPI 1:7

Nakyo nyi kinsumhanye njiwe mokumbuo njido kyanu mose kyamba njikuwode nanyo ngoonyi momba wakyando wako wa wutonga nyo mose ipfo mshenyi njiimpfunge nayo ma ipfo kundo njekapanya ndumi ya sia na iiwanza-ho.

WAFILIPI 3:10

Wo immanya o na pfinya ya maṟukyenyi hake na kyando kya mawawyo hake njihende fananyisho nao ma ipfo kipfionyi.

WAFILIPI 4:13

Ngakuidimya njido shose njii na ichu monjikapya owanzo.

WAKOLOSE 1:11

Ruwa namsumbe owanzo lose lusumhanye pfinya ya wuitoṟi woke imwendie itirisia na ikukarishia lyose.

WAKOLOSE 1:24

Wulalu ngachihio ipfo mawawiṟonyi halya njiiwawyo kipfa kyanu ngawemarisa shiwira sha Kristo ipfo mbihuhu foko ishi shiwekundi yengeṟyo-ho sha mbihu fu foke, mfo siṟi.

1WATESALONYIKYE 3:4

Kyamba na mandi luwei konu lulesonguo imbia ke nyi kiluwari ituro. Na wudo kilemba chando muichi.

1TIMOTEO 2:6

Nyio ichu alekudambika-ho amonyi ndalai ya italaa wandu wose ihendeṟingishyo ili indi maheri hayo halemshika ikoyo.

2TIMOTEO 1:10

Wukawewonesyo kodu wulalu ilindi Mkiṟa odu Kristo Yesu alewoneka kawuta-ho opfu kashika iwika-ho moo na mkae fulechisia kui Ndumi ya okiio.

2TIMOTEO 1:12

Nakyo kyatewa ngaliso wukiwa wo isho. Indi ngapfia kyasho sonupfo, kipfa njichi ichu njimkusirye njii mbanzie imanya ke o awode pfinya yeringa kilya njimsumumbe itane Mkonu fulya fulya.

2TIMOTEO 1:16

Mndumii nawonye mba ya Onesiforo osaṟio loke kimaduma alenjiwihiṟya moo kafoi ma alalepfia sonu kya ili njimpfunge.

2TIMOTEO 2:3

Kusanze na inyi ikukarishya mawawyonyi cha mbahanyi mcha o Kristo Yesu.

2TIMOTEO 2:8

Kumbuo Yesu Kristo ichu aleṟutso wapfunyi apaṟikye kisharinyi kya Dawidi kui mwongoye foko fo Sia ya okiio.

2TIMOTEO 2:9

Mfo fonnenga njiwawiṟo itane ngapfungo na mshe cha mndu mbafu, indi dedo lya Ruwa lyewa ipfungapfo.

2TIMOTEO 4:17

Indi Mndumii alenjikaya-ho kanjikapya owanzo. Iki kileenenga ngaidima ionguo mwongoye fuhende imariso necha wamkambo wakafuicho wose, na inyi ngaashuka ianduyo lya opfu.

2TIMOTEO 4:5

Kakye iyo ukae na osaaṟe kya orio kindo, kukarishie mawinenyi, ṟunda iṟunda icha lya mwongoyi o Ndumi ya Sia ya okiio, ochiawutsia necha wupfuṟukanyi wopfo.

1PETRO 1:5

Mui-waringe muwodo nyi pfinya ya Ruwa kui wuidiki, muhendewonyo okiio luiluteseheṟe iwoneka kiheri kyefurumya.

1YOHANE 4:14

Natso lomba wariso lochiṟingishya-ho ke o Wande ameduma Mana kamtana mkiṟi mokiṟa wuyana.

YUDA 1:24

Indi ichu aidima mringa mulakape mtulia, mulaoloke kaweidima imohoṟotsa ipfo kundo kuwode wuitoṟi woke mukae-pfo mulai na paṟi kochikapyo-ho ngululu.

OTAMBAHALUO LO YOHANE 1:2

Nao Yohane ameṟingishya dedo lya Ruwa kaweṟingishya kilya kii-kiṟingishye nyi Yesu Kristo, ishi ameshiwona shose.

OTAMBAHALUO LO YOHANE 1:9

Inyi Yohane nji manowama onyu na mokyando o wuaalenyi na wumanginyi na wukukarishi-hu wo ko Yesu njiwekeri ipfo kyandenyi kilya rina lyakyo nyi Patimo. Njileendo naho kundu njionguo idedo lya Ruwa na iṟingishya kii lohi kya Yesu.

OTAMBAHALUO LO YOHANE 12:11

Wana wa wama wadu wamembinza kui samu ya Kidahina ki na kui dedo lya wuṟingishi wowo, kipfa walawekukundi wawenyi shika opfu.

OTAMBAHALUO LO YOHANE 19:10

Na inyi ngamwolokya madendenyi hake njikundi imwindia. Kanjiwia, “Leka, kudo ote! Inyi njikeri mṟundi mokyando opfo na o wanawamayo, so lose luwade kilya luwai-waṟingishye nyi Yesu. Nyio Ruwa lochimwindia!” Kyamba kiṟingishyo kya Yesu nyi mumuyo fuiwaya waikimbi.