2TIMOTEO 1:7 - Bibilia Kui Mdedie fo Kimochi

⁷ Kipfa Mumuyo luleinengo nyi Ruwa chi folutana waowu-pfo; kya indi, nyi fo pfinya na makundie na osaṟe.

2TIMOTEO 1:7 ပူးပေါင်းရင်းမြစ်များ

SHIIMBO SHA DAWIDI 119:80

Mrima foko fuwe mhoṟotsu kiidi kya mawawaso hapfo, njilache wona sonu.

MFANANO 2:7

Nekewika kisa kya wuṟango walya wahoṟotsu mrimenyi Nyi ngawo ya walya wahendelyi kui mrima;

MFANANO 8:14

Chile nyi yako, na wulaanyi wuhoṟotsu; Inyi nyi wuṟango, inyi njiwode pfinya.

YESAYA 11:2

Na mumuyo fo Mndumii fochikaa huyake, mumuyo fo wuṟango na imanya, mumuyo fo chile na wuidimi, mumuyo fo wulaanyi na iindia Ruwa;

MIKA 3:8

Kyaindi ko ora loko, njiichuo pfinya na mumuyo fo Mndumii-Ruwa, nanjitaramie imanya mbonyi tsa wulohi, ngawewada pfinya njiongoye, wa oshari lo Yakobo ideko lyawo, na oshari lo Israeli wunyamaṟi wowo.

ZEKARIA 4:6

Kanjihaluo kechihamba, Ilyi nlyo idedo lya Mndumii ko Zerubabeli, lyechihamba chi kui wuidimi ma chi kui pfinya pfo, indi nyi kui Mumuyo foko, nyi wudo Mndumii menyi matorito ahamba.

LUKA 10:19

Kyasia na inyi nyi njimwinengie pfinya yechumia njoka na shisuwa na ya orio pfinya yose ya mkituwa, ma kuipfo kindo ma kida ma kida kechimukapapfo!

LUKA 15:17

Kawuya itawuka mrima kahamba, ‘Nyi waikelei wenga wa wande oko wawode kando kawo kaingiki, na inyi njipfiia njaa kunu wai!

LUKA 24:49

Keambuyenyi, nyi njiechimdumia kyaasa kya Wande kimuwonekie, nanyo kaenyii-ng' kunu mṟinyi ifu itane mowonyio pfinya iwukie huye.”

LUKA 8:35

Wandu wakakure wahende yambuya kilya kyawutika, wakashika alyando Yesu ai, wakakooyaho mndu ulya alewuto waṟufu walya wawicho adamie; aṟee nguwo, apfudie, ai alya madendenyi ha Yesu; wakaowuo.

YOHANE 14:27

“Nyi ofoṟo ngamudeya, nyi ofoṟo lu loko ngamusumba. Na msumbye foko chi fukeri cha fo wuyana wupfo. Mamlanenewuke, ngoo yanu ilatautau.

MAWUTO HA WASU 1:8

Kya indi nyo mochiambya pfinya ili Mumuyo Mwele echimsokya. Nanyo nyi mochiwa waṟingishi wako ipfo Yerusalemu na Yudaya kose na Samaria itane mokoya mtsitsionyi fo masanga.”

MAWUTO HA WASU 10:38

Nyio Yesu o Nasareti chando Ruwa alemshimbwo mafuda kui Mumuyo Mwele arie pfinya. Nao katengeta ipfo na ipfo kechiwuta ngata njicha na ichiṟa walya wawei walamye nyi Satan wose kyamba Ruwa awei kimu nao.

MAWUTO HA WASU 20:24

Kya indi njiiringa moo foko fuwembiia mlodopfo. Kilya njiiringa nyi kingi, nyi kundu njekaa njikumarisye ohendo loko lo kipfuṟukanyo kilya njii mdambikye nyi Mndumii Yesu kyeṟingishya ndumi njicha ya wutonga wo Ruwa.”

MAWUTO HA WASU 21:13

Paulo kahaluo, “Muiwika muda, ifuha na injifunya ngoo? Kyamba inyi njikuteseheṟye kya ipfungo na njiwekuṟeheṟye ma ihenda iwoho kyewikya rina lya Mndumii Yesu wuindi.”

MAWUTO HA WASU 26:11

Na ipfo masinagogenyi njiweiwakapa kafoi na iwaitika wasese Yesu njechiaaka mnu iwaterengya ngatana ngashika mṟinyi ya wuhenunyi.”

MAWUTO HA WASU 26:25

Kya indi Paulo kahamba, “Oo Festo oko ung'anyi kudi! Njiwodo nyi wusukopfo, indi njideda madedo ha lohi haa mapfamye faa.

MAWUTO HA WASU 6:8

Stefano kaichuṟo wutonga na pfinya ya Ruwa kawa mowuta ṟiho na shichano shing'anyi ipfo wandunyi.

MAWUTO HA WASU 9:22

Indi Saulo kaitika iṟingishya kapfulutsa Wayuda walya wawei kulya Damasiko nyashi kechiwanza ke ichu nyi Kristo.

WAROMA 5:5

Na owede-lu lohutsa sonupfo kipfa ikunda lya Ruwa liikualya ngoonyi tsadu kui Mumuyo Mwele ichu lui-wasumbe.

WAROMA 8:15

Kyamba nyi mulaleambya Mumuyo fo wusinga foamtsa-se lingi wuowu chi wudopfo, kya indi nyi muleambya Mumuyo o wuwana moluenenga ilaha; hoi Aba, hoi Wande.

1 WAKORINTO 2:4

Na ili njiweideda na yonguo ma njileidimaidima na wuṟango woitika iwinapfo kya indi njiwemanyishya-ho Mumuyo na pfinya.

WAGALATIA 5:22

Indi iki Mumuyo awikye nyi kikeri kiile, nyi mkundie, msiha, ofoṟo, wuhoo wung'anyi, wulalutsu wo kyamu, wucha wo mrima, wusalari, woloru, ikusanza lya mrima.

WAKOLOSE 1:8

O nalelumanyisha na kikunda kyanu mulesumbo nyi Mumuyo.

WAEBRANIA 2:15

Na iletsa naletse iwa wawedekie wusingenyi kui wuowu woowuo opfu kiheri wawei na moo kyose.

1PETRO 1:22

Mukamaa isanjika mrimenyi yanu kui wuhoyi wo ihoya kilya kii lohi kyemwinenga ikundana na wanawawama lilakulembetseṟye muwe mochikundana mnu necha nyo muwenyi na wenyi kui mrima fose.

1YOHANE 4:18

Wuowu wukukerye mkundyenyipfo, kya indi mkundye fu-mwawutsie mfo fofunya wuowu wose nja, kyamba wuowu wuwode ṟowa. Mndu mowado nyi wuowu aawukye mkundyepfo.