2TIMOTEO 1:12 - Bibilia Kui Mdedie fo Kimochi

¹² Nakyo kyatewa ngaliso wukiwa wo isho. Indi ngapfia kyasho sonupfo, kipfa njichi ichu njimkusirye njii mbanzie imanya ke o awode pfinya yeringa kilya njimsumumbe itane Mkonu fulya fulya.

2TIMOTEO 1:12 ပူးပေါင်းရင်းမြစ်များ

SHIIMBO SHA DAWIDI 25:2

Hoi Ruwa oko, Ngakusirya kopfo, njilawone njetaluka, Wakituwa wako walachihiyo na injiwinga.

SHIIMBO SHA DAWIDI 31:5

Ngawika mumuyo foko mawokonyi hapfo; Nyi ulenjikiṟa hoi Mndumii, Ruwa oko o lohi.

SHIIMBO SHA DAWIDI 56:9

Nlyong'u wakituwa wako wechiwuya na numa mkonu fulya njechilaha. Idedolyi njiichi ke Ruwa nai ora loko.

SHIIMBO SHA DAWIDI 9:10

Na walya waichi rina lyapfo wakusirie kopfo, Kipfa Iyo Mndumii, ulaleda walya wekuwalya.

YESAYA 12:2

Ambuya, Ruwa nyio okiṟo loko Njechikusiria manya njechiowuopfo; Kipfa Mndumii Mndumii-Ruwa nyi pfinya tsako na kiimbo kyako; Nao nyi awie okiṟo loko.”

YESAYA 50:7

Kipfa Mndumii-Ruwa nechinjitarama; kui kipfa kya ikyo ndeṟeenzepfo, njilewanza kyamu kyako, njiichi ke njechisonupfo.

YESAYA 54:4

Kulaowuo; kulatisiki; kulaowuo na isokio nyi fowa; kipfa ulechitaluka; kipfa nochihadima sonu tsa uwanake wopfo, ma shirumo sha wukusu wopfo ochishikumbuo-sepfo.

NAHUMU 1:7

Mndumii nai mcha, nyi oṟiho kiheri kya kiwi; naichi walya wemdichia.

MATAYO 12:21

Na rina lyake nyi lyo wandu wa masanga wawekusihya nalyo.”

MATAYO 24:36

“Kyaindi kya mfiri na saa iya kuipfo mndu aichi mbonyi tsayopfo ma wasu wa kulya ruwehu, manya o Mana shile na Wande amonyi.

MATAYO 7:22

Kipfa mfiri fulya nyi kochikaapfo wafoi wenjiwesa wehamba, ‘A Mndumii, Mndumii, chi lulehamba shisuku kui rina lyafo, na rina lyafo lukawefuna nalyo waṟufu wawicho, na rina lyafo lukavetana nalyo maṟunda manene?’

LUKA 10:12

Na inyi ngamuwia, Kilya kya Sodoma nyi kechianguo mfiri fulya kota kaa mṟi-fo!”

LUKA 23:46

Na Yesu kalesha ṟu na pfinya kahamba, “Hoi Wande, ngadambika mumuyo foko ipfo mawokonyi hapfo.” Amaa ihamba ado kalekia moo.

YOHANE 17:15

Chi ngawaterewya kopfo kundu uwawute kunu wuyanapfo. Indi ngawaterewya kopfo uwaringe wakie ichu mbicho.

YOHANE 6:44

Kwipfo mndu eidima icha na kokopfo, kulawode wande ichu alenjiduma amhomwo napfo, na inyi njechimṟutsa Mkonu fulya foimarisya.

MAWUTO HA WASU 13:46

Paulo na Barnaba wakadeda na wukahari wakahamba, “Nyi kiwei ke nyi kiwari idedo lya Ruwa likembooka yongoyo konu. Kya indi kyamba molitangaluya kuleshe na idumbuo modumbuo kyanu muwenyi ke mulasumhanye moo fu fo mlungana, ambuyenyi aiwa luhalukya wa mbaṟi njihenu.

MAWUTO HA WASU 13:50

Kya indi Wayuda wakaamtsa wuṟingi wakatewa waka wa wasuṟi walya wa kichong'u kya siṟi yawo na wanene wa mṟi wahende pfulukopfuluko wechiterengya Paulo na Barnaba na iwafuna kulya mṟasenyi yawo.

MAWUTO HA WASU 21:13

Paulo kahaluo, “Muiwika muda, ifuha na injifunya ngoo? Kyamba inyi njikuteseheṟye kya ipfungo na njiwekuṟeheṟye ma ihenda iwoho kyewikya rina lya Mndumii Yesu wuindi.”

MAWUTO HA WASU 7:59

Wakakumbya Stefano maho nao katerewa kahamba, “Hoi Mndumii Yesu, ambya mumuyo foko!”

MAWUTO HA WASU 9:16

Kyamba njechikaa njimloṟe shilya shimwendye nahende iwawiṟo kimaduma kya rina lyako chando kimbaṟi ishiwona shose.”

WAROMA 1:16

Kyamba inyi njilapfia sonu kya Ndumi yo ya Sia ya okiio, kyamba nyi ikeri pfinya ya Ruwa yewonya orio mwidiki oletso iasie na mndu Myuda na mndu Mgriki.

WAROMA 9:33

Chando Madedo Maele hahambie, “Ambuya a ulya ngaleṟya iho lyekapya mtuulya kulya Sioni na piita ya iho yedekesha. Mdu moidikia ichu ai iho lyo echisukapfo.”

1 WAKORINTO 1:8

Nao nyio echiwa momkapya owanzo itane masiiyonyi mulawonyo tewe mkonu fulya fo Mndumii odu Yesu Kristo.

1 WAKORINTO 3:13

Kyasia kiṟundyo kya orio mndu kyechiwoneka na pata, kyamba mkonu fulya fulya fochikimanyisha kipfa nyi fochikuwonekya furie modo, na modo fu fumenyi nyi fochihamba kiṟundyo kya orio mndu ke nyi kiwei kya mbaṟi nki.

WAFILIPI 1:20

Kilya njikilangye ipfo ngoonyi kekusihya kyakyo kikeri kii-le ke, njilawone njechisuka manya-le, kya indi njikae na wukahari chando njiwei shiheri shose njiwe njido na wulalu, kundu Kristo nakuwutie-ho ihenda ṟumisho ipfo mbihu koko likawa ma kui moo fofo ma kui opfu lofo.

WAFILIPI 3:10

Wo immanya o na pfinya ya maṟukyenyi hake na kyando kya mawawyo hake njihende fananyisho nao ma ipfo kipfionyi.

WAFILIPI 3:21

Nao nyio echikaa nailache mbihu fodu fo wunyonge fuwute-ho ifanana na mbihu foke fui na wuitoṟi. Kechiwa kidi kisumhanye pfinya iya awode yemnenga echilaṟa shose shi yake.

WAFILIPI 3:8

Ee-da na shindo shose ngashihamba shii sha mawuṟa sumuhana na imanya Kristo Yesu Mndumii oko lisuṟye lidi. Nao nyio annengye ngatanyo shindo shose mawuṟa ngashihamba mbosha kundu njihende iwada Kristo.

1WATESALONYIKYE 2:16

Wechiluima yongoya mkambo ya wandu mbonyi kundu wahende ikiṟo. Kyawa kido kyeichuṟa manyamaṟo hawo kiheri kyose. Indi nyashi iya ya mainutsyonyi ilemcha huyawo.

1WATESALONYIKYE 5:4

Indi nyo, wanawawama, mukeri meemenyi fochimwenengya mkonu fulya fumtumukye cha mwiwipfo.

1TIMOTEO 6:20

Hoi Timoteo, ringa kilya ulekidambikyo, dicha sumu tsa msaṟakambo tsa melemele na maambikyano ha wulaanyi wulya wuisendo wulaanyi wongo.

2TIMOTEO 1:14

Kilya kicha ulemsumbo kewekiringe-wo necha kui pfinya ya Mumuyo Mwele ichu ai kiidi kyadu.

2TIMOTEO 1:16

Mndumii nawonye mba ya Onesiforo osaṟio loke kimaduma alenjiwihiṟya moo kafoi ma alalepfia sonu kya ili njimpfunge.

2TIMOTEO 1:18

Mndumii namwenenge nashike ikoya echisaṟyo oshangunyi lo Mndumii Mkonu fulya fulya. Na iyo uichi necha chando aweinjipfuṟukanyia kafoi ipfo Efeso.

2TIMOTEO 1:8

Iki kikuenenge kulareenze iṟingishia kya Mndumii odu manya ulaṟeenze kipfa kyako inyi, njii mpfunge kimaduma kyake. Kya indi ukulunge-ho ihenda wawyo kimaduma kya Ndumi ya Sia ya okiio kui pfinya uleinengo nyi Ruwa.

2TIMOTEO 2:9

Mfo fonnenga njiwawiṟo itane ngapfungo na mshe cha mndu mbafu, indi dedo lya Ruwa lyewa ipfungapfo.

2TIMOTEO 4:8

Kitsuhae nyi iṟiko oṟo ya wuchopi wo wuwinzi wuhoṟotsu wo moo njimsuṟumye. Nyiyo Mndumii mletsi mhoṟotsu echinjiimaya nayo mkonu fulya. Indi echinjiimanya nayo inyi njimonyi tupupfo, indi na walya wose wawodo nyi macha ha ikuloṟa lyake.

TITO 3:8

Idedo lyeidikya lyo ilyo. Na njikundi utambahanye iṟingishya kyalyo shose, kundu iwa wai waidikishye Ruwa wawinye iwika-ho mawuto mecha. Ishi shachia wandu shiwaendie ngaya.

WAEBRANIA 12:2

Lochifunya Yesu meso ichu ai mboki na moawutsi o wuidiki wu. O handu ha sia iwei mbiike oshangunyi loke kahenda ikuwada na msalaba nalaṟise wusutsu kashika ikudamiṟa ora lo kulyo lo loṟikehu lo wusuṟi wo Ruwa.

WAEBRANIA 2:18

Kyamba ipfo kundo alekurohya adi amonyi echihesho, nyi hondo aidima yekya walya waihesho.

WAEBRANIA 7:25

Ikyo kyaenenga aidima iwonya iwa waichea Ruwa wakuwawie nao okiio lo mlungana, kipfa ekaa na moo maheri hose mowaterewya-ho.

1PETRO 1:5

Mui-waringe muwodo nyi pfinya ya Ruwa kui wuidiki, muhendewonyo okiio luiluteseheṟe iwoneka kiheri kyefurumya.

1PETRO 4:16

Indi kokoya ailiso wukiwa kipfa ai mkristo nalaṟeenze indi nawikye Ruwa kiṟumi kui rina lyo.

1PETRO 4:19

Nkyo kimaduma iwo waiwawiṟo kui wuitiki wo Ruwa wadambikye mrima yawo mtsanyi chu mhendeli wechiwuta kilya kii kicha.

YUDA 1:24

Indi ichu aidima mringa mulakape mtulia, mulaoloke kaweidima imohoṟotsa ipfo kundo kuwode wuitoṟi woke mukae-pfo mulai na paṟi kochikapyo-ho ngululu.