2TIMOTEO 1:10 - Bibilia Kui Mdedie fo Kimochi

¹⁰ Wukawewonesyo kodu wulalu ilindi Mkiṟa odu Kristo Yesu alewoneka kawuta-ho opfu kashika iwika-ho moo na mkae fulechisia kui Ndumi ya okiio.

2TIMOTEO 1:10 ပူးပေါင်းရင်းမြစ်များ

YESAYA 43:3

Kipfa inyi nyi Mndumii-Ruwa opfo; njii Mwele kopfo iyo Israeli, mkiṟa opfo, ngawuta Misri iwe njoko na Kushi hamu na Seba kipfa kyapfo.

YESAYA 45:15

Nyi lohi iyo nyi Ruwa ulya ekeṟika mbihu fopfo, Hoi Ruwa o Israeli mkiṟa.

YESAYA 45:21

Onguonyi mbonyi, hambenyi oloho; ee da! Wadenyi chila kimu; nyiu aleloṟa ishi wokia mboko? Nyiu aleonguo mbonyi oo mawookionyi? Chi inyi Mndumii? Manya kulawode Ruwa kota inyi; Ruwa menyi wulohi, mkiṟa; kulawode ungi ngoseṟa yako.

HOSEA 13:14

Ambuya njechikiṟa wandu wa wawuke ko waṟumu pfo, ma njechiwakiṟa kiidi kya opfupfo! Iyo opfu nyiku matuuro hapfo hakeri? Na ipfo ko waṟumu nyiku arisikio lyapfo likeri? Inyi njechiwasaṟia se pfo.

LUKA 11:36

Kyasia, ili mbihu fopfo fose fukeri sa, fulawode ma ohawi lui na meema, naaho-ng'u nyi fochiwa sa rambatanyi, cha ili taa yakulimika na ngela yayo ii cha mbawa.”

LUKA 13:7

Kawia moringa mdemi fulya, ‘Ambuya, maaka-fu nyi fo kaṟaṟu, njechecha njikundi ndunda kunu mkuyu-hu njilawone; fusume, nofukuṟuo; njiki-ili fokelemeṟa teri, fukashingia handu wulya?’

LUKA 2:11

Kipfa ili momefeeyo mkiṟa inu; nao nyi Kristo Mndumii kulya mṟinyi fo Dawidi.

YOHANE 1:9

Nyi yo Sa ya lohi yo yelimika orio mndu ose ai kunu wuyana.

YOHANE 14:6

Adi Yesu kahamba, “Inyi nyiyo njia, lohi na moo. Ma kwipfo msa echishika ko Wande alashitso nyi inyipfo.

YOHANE 20:31

Kya indi itsi tsii-njiṟehye-ho kundu mukuutyeho iidikya ke Yesu akeri Kristo Mana o Ruwa, na ipfo kundo mwidikye mudi mushike ikoya-pfo moo kui pfinya ya rina lyo lyake.

YOHANE 4:42

Wakawia mka ulya, “Kye lokiidikya-se kimaduma kya kilya uhambie iyopfo. Kyamba nyiso luwenyi lomwicho lukawuta-ho imanya ke ichu nyio lohi ai Mkiṟi mokiṟa wuyana.”

YOHANE 5:40

Nanyo ma mulakunde ikuchea na koko kundu muwade moo fulya.”

MAWUTO HA WASU 13:23

Ipfo luwenyi lya mndu cho Ruwa aleamtsya-pfo wandu wa Israeli mokiṟa nyio Yesu chando aweteṟye kyasa.

MAWUTO HA WASU 5:31

Nao nyio ichu Ruwa alemira na owoko loke lo kulyo kamtana mwitoṟi mokiṟa wandu nainenge Waisraeli mdumbuye na mhoṟye fo njonyamaṟo.

WAROMA 16:26

Indi kikahenda imanyisho kiheri kya wulalu na mweeke fo Mṟeho iya ya waikimbi, kui iwawasa lya Ruwa-chu o mlungana lyewawusa yanguya wuidiki madu, iwu wuu-wuṟingishye mkambo mhenu yose.

WAROMA 2:7

Iwo watsinda wewuta kilya kii kicha wepfula moo fo mlungana echiwaenenga wuitoṟi na kiṟumi na moo fulechisia.

WAROMA 3:31

Ashika kikawa kido luilache wuwawaso luwike-ho wuidiki ngesa? O ma-le kya indi nyi ikapya wuwawaso owanzo lukeri.

WAROMA 6:6

Kilya lukiichi kikeri kiile; ke wumndu wodu lui-wawike nawo, wo womaa ihenda ikapyo msalabe-hu kimu nao kundu mbihu-fu fuichiwie inyamaṟa fudi fuhende irumara so lulakisingye-se wunyamaṟi.

1 WAKORINTO 15:26

Mkituwa echikaa nafurumye iwuto-ho nyi opfu.

1 WAKORINTO 4:5

Nkyo kimaduma mulahende idumbuo kiheri kilandewiṟa itane Mndumii ache ichu echiendie senyi shindo shii-shiṟikishe meemenyi na itambaṟuya necha patehu chila tsikuwode ngoonyi Mandi na halya orio mndu ose kiṟumi kilya kimsumhanye nyi echiwikyo nyi Ruwa.

2 WAKORINTO 5:4

Kyamba naso ilindi lukeri kunu tengonyi ili nyi lusumukya luiwalemye, cha kipfa lulakunda iheda yatuo kya indi likunda ishikyo ṟao lingi kundu kilya kii kyepfa kihende imeṟo nyi kilya kii mo.

WAGALATIA 5:4

Nyo ili muiho mokunda isumhantso nyi mawiko halya nyi momaa ikuwuta mbihu-hu fo Kristo mukaweseṟukia wutonga.

WAEFESO 1:18

Nao nawe moitsa sa ipfo ngoonyi tsanu kundu mumanye kilya kyakunda iwedyo kimcheye na ndaho yake muwemanya mfeṟa fo wusuṟi wo wuitoṟi wo kyoṟa ateseheṟye waele.

WAEFESO 1:9

Echilutambahaluya kyama kikoome kya mhie yake kechidumbwo ado ipfo koke amonyi.

2WATESALONYIKYE 2:8

Maindi naho Mbicho-chu echikuloṟa. Indi nao Mndumii Yesu echimrumatsa kui mrufu fo dumbu lyake na imkombetsa kombi kui ngesa ya ikuloṟa lyake.

2TIMOTEO 1:1

Inyi Paulo, njii msu o Kristo Yesu kui wuitiki wo Ruwa wusumhanye kyasa kiteṟye kya moo fui na Kristo Yesu.

2TIMOTEO 1:8

Iki kikuenenge kulareenze iṟingishia kya Mndumii odu manya ulaṟeenze kipfa kyako inyi, njii mpfunge kimaduma kyake. Kya indi ukulunge-ho ihenda wawyo kimaduma kya Ndumi ya Sia ya okiio kui pfinya uleinengo nyi Ruwa.

2TIMOTEO 4:1

Ngakuwawasa oshangunyi lo Ruwa na lo Kristo Yesu moanduya walya wai na moo na walya wapfie, ngaṟingishia ishi shiwi ke nyi echikuloṟa amonyi ai na Mangi.

2TIMOTEO 4:8

Kitsuhae nyi iṟiko oṟo ya wuchopi wo wuwinzi wuhoṟotsu wo moo njimsuṟumye. Nyiyo Mndumii mletsi mhoṟotsu echinjiimaya nayo mkonu fulya. Indi echinjiimanya nayo inyi njimonyi tupupfo, indi na walya wose wawodo nyi macha ha ikuloṟa lyake.

TITO 2:11

Kyamba kulemboneka-ho wutonga wo Ruwa wuendie wandu wose okiio.

TITO 2:13

Lochiweda kiwedyo kilya kiende macha ngesa kya iwoneka lya wuitoṟi wo Ruwa ichu mnene amonyi nyio mkiṟi odu Kristo Yesu.

TITO 3:4

Matika na halya kulembonekaho woloṟu wo mkiṟi odu Ruwa na mkundie foke akunde nafo wandu aleluwonya okio.

WAEBRANIA 10:32

Wuyenyi ikumbuo mkonu iya mulekutirisia ngapanonyi njumu ya mawawyo.

2PETRO 1:1

Inyi Simeon Petro njii isinga lya Yesu Kristo na msu oke ngaiṟikiṟa iwa wai-watomoke wuidiki wumu na iwu wodu wuitikisi nawo tichi kui wusumhanyi wo Ruwa chu odu na mkiṟa Yesu Kristo.

2PETRO 1:11

Mukamba mudo nyi mochiengeṟyo necha kimwitsa wumanginyi wo Mndumii na Mkiṟa odu Yesu Kristo wokaa mlungana.

2PETRO 1:3

Chando pfinya yake ya ki-Ruwa, Ruwa ammaa iluwonya shiende moo na wupfudi shose kui imanya ichu alelulaha na mweke fo wuitoṟi na wucha woke o amonyi.

2PETRO 2:20

Kyamba kokoya iwa waledicha ngafu tsa wuyana kui imanya Mndumii na Mkiṟi odu Yesu Kristo, na numa wakaidikia iwingo na ichilia nyi wechioṟowyo nyitso lingi kyawo kifurumi kyechiwichuo ngoseṟa kota kya kuwoka.

2PETRO 3:18

Kya indi muhende ikung'anya ipfo kiidi kya wutonga na wulaanyi womanya Mndumii odu Mkiṟi Yesu Kristo. Wuitoṟi wui woke mandi ha wulalu shika mfiri fo mlungana. Amenyi.

2PETRO 3:2

Muwe mochikumbuo madedo halya halehambo nyi waikimbi walya waele na iwawaso lilya lya Ndumi Mkiṟi lii-yende nyi wasu walya wanu.

1YOHANE 1:2

Na moo-fu fulecha naso lukafuwona. Nyifo luifumṟingishia na imwongoya ke moo-fu nyi fo mlungana, fuwekeri ko Wande fukashika iluwonesyo so.

1YOHANE 4:14

Natso lomba wariso lochiṟingishya-ho ke o Wande ameduma Mana kamtana mkiṟi mokiṟa wuyana.

OTAMBAHALUO LO YOHANE 18:1

Ishi shamesia ngawona malaika ungi aisoka ruwehu Arie wuchili wung'anyi, na wuyana wu wukalimiko nyi ngela yake.

OTAMBAHALUO LO YOHANE 2:7

Ichu awode madu naicho iki Mumuyo aiwia siṟi tsi. Sa wechiwinga njechiwaenenga wawe molya ndunda tsa ikidi lilya lyende moo likeri ipfo mhundenyi fo Ruwa.

OTAMBAHALUO LO YOHANE 20:14

Na opfu na mfiṟiha fulya shikaombotso ipfo nduwenyi ya modo. Nyilo opfu lo kawi nduwa ii ya modo.

OTAMBAHALUO LO YOHANE 22:14

Ungusu wekesanja maṟao hawo kundu wechiwonyo kita kimu kelya ikidi lilya liende moo na momu fokuidya shichuminyi shilya washike mṟinyi fulya.

OTAMBAHALUO LO YOHANE 22:17

Na Mumuyo na Moaliko ulya wo wahamba, “Ke-njoo-wo.” Na moicho ikyo nahambe, “Ke-njoo-wo.” Na ichu awodo nyi nyoda nakuchee, na orio molanga naambye mṟinga fo moo echifurutso fo nga.