2TIMOTEO 1:1 - Bibilia Kui Mdedie fo Kimochi

¹ Inyi Paulo, njii msu o Kristo Yesu kui wuitiki wo Ruwa wusumhanye kyasa kiteṟye kya moo fui na Kristo Yesu.

2TIMOTEO 1:1 ပူးပေါင်းရင်းမြစ်များ

YOHANE 10:28

Na inyi ngahaenenga moo fo mlungana. Naho ma hechikaa hadeke-se ma mlunganapfo. Ma kwipfo mndu echiharakwo kunu owokonyi lokopfo.

YOHANE 17:3

Na moo fu fo mlungana fui-le, nyi wakumanye iyo ke nyi ukeri Ruwa lohi iyo kumonyi wawemanya na ichu ulemduma nyio Yesu Kristo.

YOHANE 5:24

“Nyi lohi kya lohi ngamuwia, Ichu moanguya dedo lyako madu na iidikya ichu alenjiduma nawode moo fo mlungana. Nao echianduyo manyalepfo, kya indi nyi amsama auka opfunyi kasamya moonyi.

YOHANE 6:40

Kyamba kindo Wande oko akundi nyi iki ke orio mndu awona Mana na imwidikya nawade moo fo mlungana. Na inyi njechiwaṟutsa Mfiri fo furumia.”

YOHANE 6:54

Mndu kalya nyama tsako na inyo samu yako nyi awode moo fo mlungana na inyi njechimṟutsa Mkonu fulya foimarisya.

WAROMA 1:1

Nyio inyi Paulo njii isinga lya Yesu Kristo msu msambuṟe nji-mdahuye Ndumi ya Ruwa ya Sia ya okiio.

WAROMA 5:21

Nyi kyawa kido kundu chando wunyamaṟi wuwei mangi yededa na pfinya ya opfu nyi wudo wutonga wuwe mangi ipfo mengenyi ya wuhoṟotsu wochiwika moo fo mlungana fo ipfo Mndumii-hu odu Yesu Kristo.

WAROMA 6:23

Kyamba wueri wosingya wunyamaṟi nyi opfu, indi kilya Ruwa aisumba nakyo mndu oke nyi moo fo mlungana fukukerye Kristo-hu Yesu Mndumii odu.

1 WAKORINTO 1:1

Inyi Paulo njii msu o Kristo Yesu njiimsambuṟe njido kui kyama kya Ruwa, so na Sostene manowama.

2 WAKORINTO 1:1

Inyi Paulo njii msu o Kristo Yesu kui kyama kya Ruwa, so na Timoteo manowama loiṟikiṟa siṟi ya Ruwa ikeri ipfo Korinto kimu na waele wakeri orukenyi lo Akaya wose.

2 WAKORINTO 1:20

Kyamba ipfo koke shasa sha Ruwa chando shifoi shi “Ee.” Nyi wudo nao awikye Amenyi iya, Ruwa nawute-ho iichiko nyiso.

WAGALATIA 3:26

Nanyo mose mui wana wa Ruwa kui wuidiki wu wokusirya na Kristo Yesu.

WAGALATIA 3:28

Nkwipfo-se kohambo, ichu m Myuda na ichu m Mgrikipfo, ma isinga na isumba, ma msoṟo ma mkapfo. Kyamba nyo mui wamu mose mulunganyi na Kristo.

WAEFESO 3:6

Kyehamba ke wa mkambo ingi waengeṟyo kyoṟenyi na mbihu-hu kimu na Wayuda osengenyi lo kiteṟyo kilya kikuwode na Kristo Yesu kui Ndumi ya Sia ya okiio.

1TIMOTEO 6:19

Wechikusanya wawenyi kisa kiwe kechiwawiia kiwanja kicha maheri halya hecha, kundu wakuwonye moo fulya fui moo lohi.

2TIMOTEO 1:10

Wukawewonesyo kodu wulalu ilindi Mkiṟa odu Kristo Yesu alewoneka kawuta-ho opfu kashika iwika-ho moo na mkae fulechisia kui Ndumi ya okiio.

2TIMOTEO 1:13

Ukuwade tapu na madedo halya hechiṟa mrima njilekulosha ngamekuwia hai mtaato fokuhoṟokya mwidikyenyi na mkundienyi fo kiidi kya Kristo Yesu.

2TIMOTEO 1:9

O nyi alelukiṟa, kalulaha luwe wandu wake; ndaho njele. Kimtewye chi mawuto hadupfo; kyaindi nyi kyama kiwei kyake amoonyi na wutonga wulya alelusumba kiidi kya Kristo Yesu mandi halya ha maheri halawendewiko.

2TIMOTEO 2:1

Na wudo iyo, manoko, ukuwangie wutongenyi iwu wui Kristo-hu Yesu.

2TIMOTEO 2:10

Nkyo kitewe ngakutirisia njekaa shi ya shose kimaduma kya wasambuṟe walya wa Ruwa, kundu nawo wakuwonye okiio lo Kristo-hu Yesu hamu na wuitoṟi wo mlungana.

2TIMOTEO 2:3

Kusanze na inyi ikukarishya mawawyonyi cha mbahanyi mcha o Kristo Yesu.

2TIMOTEO 3:15

Uichi na Maṟehyo halya Maele nyi wokia wututu wopfo, naho heidima ikuwonya wuṟango woimanya okiio luwukye wuidikinyi wukuwode na Kristo Yesu.

TITO 1:2

Njikuwode na owedo loiweda moo fo mlungana ifu Ruwa chu alai mowongo alemteseheṟya matsika halya maheri halunganyi halawemche.

TITO 1:4

Ngaiṟikiṟa Tito mana ichu oko o lohi kui wuidiki luwode wumu luwawi. Wutonga wuwe wopfo na ofoṟo lowuka ko Ruwa Wande na Kristo Yesu mkiṟi odu.

WAEBRANIA 9:15

Ikyo kyanenga ai moitsa-ho owiko luhya kundu walya wai walahe wahendeambya kyoṟa kilya kiweikiteṟye kii kya mlungana, ipfa lilya likamewa lyechiwuta-ho matahachyo haweitano ipfo kiwanjehu kya owiko lo kuwoka.

1YOHANE 2:25

Na kiteṟyo kilya ameluteṟya o, kyo kiiteṟyo-ho moo fo mlungana.