2SAMWELI 7:24 - Bibilia Kui Mdedie fo Kimochi

²⁴ Iyo Mndumii nulesambuṟa Israeli wawe wandu wapfo mlungana na iyo kowa Ruwa odu.

2SAMWELI 7:24 ပူးပေါင်းရင်းမြစ်များ

MAWOOKIONYI 17:7

Mkundana foko na iyo njechifuwanza, na shishari shapfo shose shechikuituma. Mkundanafu, fochiwa mkundano fo mlungana, ke njechiwa Ruwa kowo na ko washari wawo wechikuituma iyo.

MAWOOKIONYI 17:8

Na Inyi njechikuinenga iyo na oshari lopfo lochiituma numa yapfo orukalu ukeri wuhenunyi, oruka lose lo Kanaanyi, noluitoṟie mlungana; na inyi njechiwa Ruwa owo.”

2SAMWELI 7:23

Nyi oruka luhya iya wuyana lulemeambia mboṟa cha ilu lo Israeli? Nulewaashuo wasambuṟe wapfo wusingenyi kulya Misri na iwawutia ṟiho tsing'anyi, kochiwingia wandu wose na maruwa hawo oshangunyi lowo. Ishi shose nolewuta kundu rina lyapfo liinengo kiṟumi wuyanenyi kose.

2SAMWELI 7:25

Kyasia, wulalu Mndumii awutsia kyasa kilya uleluwikia inyi na oshari loko.

1MBONYI TSA MAHERI 17:22

Nuletana Israeli ikawa wandu wapfo mlungana, na iyo Mndumii kowa Ruwa owo.

SHIIMBO SHA DAWIDI 48:14

Kipfa nyi wudo ai Ruwa, Ruwa odu. Mlungana na mlungana, Nyio echilusongoya.

IWUKA 15:2

Mndumii-Ruwa nyi pfinya tsako, na kiimbo kyako; Nao nawei okiṟo loko, O nyi Ruwa oko, na inyi njechimṟumisha; Nyi Ruwa o wande oko, na inyi njechimwichimbiṟa.

IWUKA 6:7

na inyi njechimuira muwe wandu wako, njechiwa Ruwa konu, nanyo mochimanya ke inyi nyi Mndumii-Ruwa, Ruwa onu, njimuwutie mkure kiidi kya maṟio ha Wamisri.

YESAYA 12:2

Ambuya, Ruwa nyio okiṟo loko Njechikusiria manya njechiowuopfo; Kipfa Mndumii Mndumii-Ruwa nyi pfinya tsako na kiimbo kyako; Nao nyi awie okiṟo loko.”

YEREMIA 31:1

Mndumii-Ruwa nahamba, “Kushika kiheri inyi njechiwa Ruwa o shishari shose sha Israeli nawo wechiwa wandu wako.

YEREMIA 31:33

“Nduma ya mafiri ho njechiwika mkundana fo mbaṟi i na Waisraeli; Njechiwika wuwawaso woko kiidi kyawo na ifuṟehia kiidi kya mrima yawo. Inyi njechiwa Ruwa owo nawo wechiwa wandu wako. Nyi inyi Mndumii-Ruwa ngahamba.

YEREMIA 32:38

Wo wechiwa wandu wako na inyi njechiwa Ruwa owo.

HOSEA 1:10

Kyaindi wandu wa Israeli wechifo cha msanga fo ipalyipalyi, sa fulechiidima ihesho ma iitalo. Wulalu Ruwa nakeri muwia, “Nyo chi wandu wako-pfo,” kyaindi kuwode mkonu fuicha sa echimuwia, “Nyo nyi wana wa Ruwa ai Huye!”

ZEKARIA 13:9

Ikyo kimu kechideo njechikihesha na ikitana kyele cha mndu mosanja fesa; cha mohesha sahapu. Kyasia, wo wechinjiterewa na inyi njiwahaluo, njechihamba iwa nyi wandu wako, nawo wechihamba Mndumii-Ruwa nyio Ruwa odu.”

YOHANE 1:12

Indi iwo walemwambya na imwidikia kawaenengya wulimbi wo itano wana wa Ruwa wose.

NGUMBUO YA MAWAWASO 26:18

Nao Mndumii-Ruwa nahamba napata inu kudi ke nyo nyi mui wandu wake o amonyi chandu aleteṟia, na ke mukundikie iwada mawawaso hake hose.

NGUMBUO YA MAWAWASO 27:9

Kyasia, Mose handu hamu na wakohanyi Walewi wakawia wandu wose wa Waisraeli, “Ketsienyi munjiadanyie lanye wandu wa Waisraeli. Inu kudi nyo mowa wandu wa Mndumii-Ruwa, Ruwa onu.

NGUMBUO YA MAWAWASO 32:6

Mochiidima muda iwutia mudi Mndumii-Ruwa, lanye wandu mui matondo mulawode wuṟango? Alee, o chio ndeanu alemuwumba, alemuwika na imutumhaṟa?

1PETRO 2:10

Ili kacha muwei wandu walai mkambo fo Ruwa, indi wulalu mui mkambo fo Ruwa. Ili kacha mulawesaṟyo nyi Ruwa, indi wulalu momemaa isaṟyo.