2SAMWELI 5:21 - Bibilia Kui Mdedie fo Kimochi

²¹ Nahong'u Dawidi na waskari wake wakasanyia na ikudika masanamu ha maruwa ha Wafilisti, na nzohoṟa tsifoi tsiledeo nyi Wafilisti kiheri wawedicha.

2SAMWELI 5:21 ပူးပေါင်းရင်းမြစ်များ

YESAYA 37:19

na ikoṟa maruwa hawo modonyi; kipfa iwo wawei maruwapfo, indi nyi waiwawike kui mawoko ha wandu; wawei mashidi na maho nyikyo kitewe wakawanyamaṟa.

YEREMIA 43:12

Inyi njechiatsa modo kiidi kya mahekalu ha maruwa ha Misri na Nebukadneza nechikombetsa kombi maruwaho ko modo ang'u nahaduo wupfungonyi mṟasa Babeli. Nechisanja oruka lu lo Misri cha ili mlisi aiwuta icheri kiidi kya nguwo yake na iwuka Misri ai mbinzi.

YEREMIA 48:7

“Moabu, nuwekusirie omombo na shisha shapfo, indi wulalu iyo da nochiwado; Ruwa opfo Kemoshi nechidao osamiṟonyi, hamu na Wakohanyi wake na waṟundi wake.

DANIELI 11:8

maruwa hawo ha wongo, na sanamu tsawo, na shombo shawo shicha sha fesa na sahabu nechishiduo mṟasa Misri; numa natirime maaka njiliwe alehendia mangi ya mtsudu.

NGUMBUO YA MAWAWASO 7:25

Rumatsenyi na modo maruwaho ha mfanano yepacha. Mulalange pesa manya sahabu tsawo, manya mulaiire na isuṟuma iwe kisa kyanu. Mukawuta mudo nyi mdeho konu nyi kindo kisukiṟie Mndumii-Ruwa, Ruwa onu.

NGUMBUO YA MAWAWASO 7:5

Kyaindi nyi wudi mochiwawutia: Mochifunja rasio tsawo na iwunduo ngo tsawo. Na mfanano ya Ashera mochitsifunjia kuleshe, na mfanano yawo yepacha mochitsikoṟa na modo.