2SAMWELI 24:25 - Bibilia Kui Mdedie fo Kimochi

²⁵ Dawidi kasungusia Ruwa kitaṟa kedasia handu halya, shidaso sherumatsa na shidaso sha ofoṟo. Kyasia, Ruwa kaambia shiterewo shilya kipfa kya oruka, na itirimisha ngataṟa iya iwewode oruka lulya lo Israeli.

2SAMWELI 24:25 ပူးပေါင်းရင်းမြစ်များ

MAWOOKIONYI 12:7

Mndumii kawonekia Abramu, kechihamba, “Njechiinenga luwa lyapfo orukalu.” Nao kawikia Mndumii chu alemchea kitaṟa kewikia kidaso.

MAWOOKIONYI 22:9

Kiheri waleshika handu halya alewawasio nyi Ruwa, Abrahamu kasungusiaho rasionyi, kaṟeheṟiaho ngu, numa kapfunga mana oke Isaki, kamhekia alya rasionyi, huye ya ngu tsilya.

MAWOOKIONYI 8:20

Noe kasungusia Mndumii kitaṟa kedasia, kawuta orio indo lyiheṟemtsu na orio ilehe liheṟemtsu, kashiwika kidaso kemaya modonyi alya rasionyi.

2SAMWELI 21:14

Kyasia, Dawidi kaachikia ke mafuo halya ha Sauli na Yonathani, haṟiko kulya Zela orukenyi lo Benyamini, kipfunyi kya ndeye o Rishi.

2SAMWELI 24:14

Kyasia, Dawidi kahaluo Gadi kambia, “Kindoki kikiumu mnu! Kyaindi nyi nanga ngahoya mawokonyi ha Ruwa kipfa o na awode isaṟia, kota iombokia mawokonyi ha wandu.”

1WAMANGI 1:1

Mangi Dawidi nawemku kaṟatsia, wakamshikia na nguwo tsa mrike, nalaicho mrike.

EZEKIELI 16:42

Nyi wudong'u nyashi yako na wunyenyi woko njiwewode kipfa kyapfo shechisia, njikae na ofoṟo njilawodese nyashi.

MAITALA 17:13

Orio mndu echitikiria ihema lya Mndumii-Ruwa nechipfa. Ngesa, lochiarisika lose?”

WACHILI 21:4

Ili lya ngama wandu walekure kilawo wakasungusia rasio, wakalekia mwano yemaya modonyi na mwano ya ofoṟo.

WACHILI 6:24

Gideoni kawika-pfo rasio kalilaha, “Mndumii-Ruwa nyi ofoṟo.” Rasio-lyo lyikeri ipfo Ofra, mṟi fo Waabiezeri, mṟasa inu.

1SAMWELI 13:9

Kyasia, Sauli kawia wandu, “Njiendienyi shidaso shanu shekoṟa modonyi na sha ofoṟo.” Nao kawika kidaso kekoṟa.

1SAMWELI 14:35

Sauli kawikiaho Mndumii-Ruwa rasionyi. Ilyo nyi rasio lya kuwooka Sauli alewikia Mndumii-Ruwa.

1SAMWELI 7:17

Kiidima, nawekewuya na Rama, kipfa nyiwepfo kanyi koke;handu napfo aleweṟundia Waisraeli cha mndu modumbuo mondu. Kawikia Mndumii-Ruwa rasio kulya Rama.

1SAMWELI 7:9

Nahong'u Samweli kaira kichoondi kionga kainenga Mndumii-Ruwa kui kidaso kyekoṟa modonyi kyose. Naho Samweli katerewa Mndumii-Ruwa kipfa kya Waisraeli nao kaṟohuo kiterewo kyo kyake.