2SAMWELI 24:1 - Bibilia Kui Mdedie fo Kimochi

¹ Kyasia, nyashi ya Ruwa ikadose huye ya wandu Waisraeli; katsutsuma Dawidi nawaendie ngataṟa koiitala wandu wose. Ruwa kawia Dawidi, “Henda itala wandu wose wa Israeli na Wayuda.”

2SAMWELI 24:1 ပူးပေါင်းရင်းမြစ်များ

MAWOOKIONYI 45:5

Kyasia wulalu, mulawado nyi fowa, manya mulakangaṟike mrimenyi yanu, kya injikumba kunu; kyamba Ruwa nalenjidika oshangunyi lonu iringa moo ya wandu.

MAWOOKIONYI 50:20

Nanyo nkya lohi mlenjikusaṟia shiwicho, indi Ruwa kanjikusaṟia mecha, kundu kuwoneke okiṟo ko mkambo fung'anyi, chandu lui inu.

2SAMWELI 12:11

Kipfa kya ili onjimina, njechihoṟotsa mndu oipfo kanyi kopfo nakuturunje. Njechiinenga msoṟo ungi waka wapfo; nao nechilaa nawo handu ha patehu kiheri kuwode ngela.

2SAMWELI 16:10

Kyaindi, Mangi kambia, “Ngesa nkiki luwode kiidi kyako inyi nanyo wana wa Seruya? Kokoya Mndumii-Ruwa nambia, ‘Sesa Dawidi,’ nyiu wulalu echiidima iwesa nkili owuta kudo?”

2WAMANGI 3:6

Mandi naho Mangi Yoramu kiidi kya Samaria kakure kaitala Waisraeli wose.

1MBONYI TSA MAHERI 21:1

Satana kekikunda iendie Waisraeli wukiwa, katewa Dawidi naitale wandu wa Israeli na Yuda.

1MBONYI TSA MAHERI 7:2

Wana wa Tola nyi; Uzi, Refaya, Yerieli, Yamai, Ibsamu, na Shemueli. Iwo nyi wawei wasongoru wa wandu wa oshari lo Tola na nyiwawei ngohoda tsing'anyi tsa shida kiheri kyo. Iitala lya wandu wakiheri kya wumangi wo Dawidi ni mbe shiku makumi hawi na shiwi na mahana haṟandaṟu (22,600).

1MBONYI TSA MAHERI 7:40

Iwa wose nyiwo wa oshari lo Asheri. Wawei wasongoru wa shishari shawo, ngohoda tsa ulemali, na wamangi wawode pfinya. Oshari lo Asheri lo Marika hose luwewode walemali shuku makumi hawi na shiṟandaṟu (26,000).

2MBONYI TSA MAHERI 32:25

Kyaindi mangi Hezekia ko orikiki loke, alekunda iwutia Mndumii-Ruwa shiano shemuana ko shilya shose sa Mndumii alemuwutia-pfo. Wutimbiṟi wo woke wuletewa Yuda na Yerusalemu wauṟe ofoṟo.

IWUKA 7:3

Na inyi njechiumiṟa mrimafo fo Farao, na inyi njechiwuta njofano tsifoi na ṟiho tsako orukenyi lo Misri.

EZEKIELI 14:9

Kyaindi kokoya mwikimbi ahamba wongo kechihamba nyi inyi Mndumii njilemlemba nyi njechihoṟuo owoko loko huye yake na imfuna kiidi kya wana wako wa Israeli.

EZEKIELI 20:25

“Ngawewainenga mawawaso halai mecha, na sungusihu tsilechiidima iwaendie moo;

WALEWI 10:6

Numa Mose kawia Aroni na wana wake Elieseri na Ithamari, “Mulade njui tsa mdohu yanu tsinjitaṟafuo, manya mularanduo maṟao hanu; kundu mulache ipfa; na iendie mamingifu, nyashi ya Mndumii-Ruwa na kingise, kulasuuye chilayo yose; kyaindi wana wa mayanu, wa mba yose ya Israeli wakape kilio kipfa kya modofo Mndumii alewaatsia.

MAITALA 1:19

Chandu Mndumii-Ruwa alewawasia Mose. Mose kaitala wanduwa kulya nuka ya msanga ya Sinai.

MAWUTO HA WASU 4:28

Ili walewika wadi wakahenda iwuta kilya owoko lopfo na chila yapfo iweteseheṟye wokia kacha shiwewaṟi shiwutike.

2WATESALONYIKYE 2:11

Nkyo kyatewa Ruwa kawawika pfinyenyi odetso loitika wahende idikya kii-wongo kilya.

WACHILI 2:14

Naho nyashi ya Mndumii-Ruwa ikado kipfa kya Waisraeli nao kada wasoki waduo masaa hawo. Nalewadambikia wakituwa wawo wakawaṟingichia walaidime ikuwuta mawokonyi ha wakituwawo.

WACHILI 2:20

Ko ikyo nyashi ya Mndumii-Ruwa ikado kipfa kya Waisraeli nao kahamba, “Kipfa kya wandu wa wametehia mkundano foko njilewika na waku wawo, wakaleha iindia ṟu lyako,

1SAMWELI 26:19

Kyasia, wulalung'u mndumii oko mangi, kyeadanyia madedo ha mṟundi opfo. Kokoya Mndumii-Ruwa nyio aikutetekia nonjiwaahe kyasia, nakeambia kidaso kimnenge nailache makusaṟo hake. Kyaindi kokoya nyi wandu waimṟunga, kyasia Mndumii-Ruwa nawasese wanduwo cha kipfa wamenjiwingia kuwuka kulya kyoṟenyi luleinengo nyi Mndumii-Ruwa wechihamba, ‘Kurenyi muhende iṟundia maruwa hengi.’