2SAMWELI 21:2 - Bibilia Kui Mdedie fo Kimochi

² Kyasia, Mangi Dawidi kalaha Wagibeoni wose. Wagibeoni wawei wandu wa Israeli-pfo; kyaindi nyi wawei wandu wawetsuhee wa oshari lo Waamori. Wandu wa Israeli wawewikie kyasa ke, wechiwaha Wagibeoni walyapfo, kyaindi Sauli kakunda iwawaha wose kipfa kya wana wa Israeli na Yuda.

2SAMWELI 21:2 ပူးပေါင်းရင်းမြစ်များ

MAWOOKIONYI 15:16

Na njukuna tsapfo wechiwuya na iya kyamba wunyamaṟi wo Waamori womeawukiapfo.”

2SAMWELI 24:1

Kyasia, nyashi ya Ruwa ikadose huye ya wandu Waisraeli; katsutsuma Dawidi nawaendie ngataṟa koiitala wandu wose. Ruwa kawia Dawidi, “Henda itala wandu wose wa Israeli na Wayuda.”

2WAMANGI 10:16

Kambia, “Oshana na inyi kundu nowone chandu njii mhendeli, ko Mndumii-Ruwa.” Wakahendesana kimu wai igarinyi lya Yehu.

2WAMANGI 10:31

Kyaindi Yehu alaindie wuwawaso wo Mndumii-Ruwa, Ruwa o Israeli, ko mrima foke fose. Kaosha mawuto ha Yeroboamu aledekesha wandu wa Israeli wakawuta wunyamaṟi.

1MBONYI TSA MAHERI 1:14

na Wayebusi, na Waamori, na Wagirgashi;

YOHANE 16:2

Wandu nyi wechimbuta siṟinyi yawo ipfo masinagoginyi hawo. Ee da, kushikye kiheri na orio mndu amuwaha nahambe ke nyi awuta ado kindo kichihianyi na Ruwa.

WAROMA 10:2

Kyamba nyi ngawawikya kiṟingishyo ke nyi wekekapa mtambakira wechipfula Ruwa, indi chi kya osaṟefo.

WAGALATIA 4:17

Waipfo wemkapanya, indi chi kya wuchapfo. Ote, kya indi nyi wakundi imbihiṟa na ora lo nja, kundu nyo muwe mochiwakapakapa na matu matu yanu.

NGUMBUO YA MAWAWASO 7:16

Kombetsenyi orio mkambofo fose Mndumii-Ruwa, Ruwa onu echifuwika mawokonyi hanu, manya mulafusaṟie. Mulaindie maruwa hawo, kipfa kindo kya mbaṟi ii kechimuwia mdeho mmbicho.

1SAMWELI 14:44

Sauli kahamba, “Ruwa nakenjiwutia na inyi kudo daa na wengise. Yonathani kyakukoya nowooho.”