2SAMWELI 20:15 - Bibilia Kui Mdedie fo Kimochi

¹⁵ Wandu walya wose wawekeri na Yoabu wakahenda iṟingichia Sheba akeri Abeli mṟi fo Beth-maka. Wakasungusia maṟingo ha teri hedoya omombo lulya, na iwoka iwunduo omombo lulya.

2SAMWELI 20:15 ပူးပေါင်းရင်းမြစ်များ

2SAMWELI 20:14

Kiheri kilya Sheba naleidia shishari shose sha Israeli mṟasa Abeli mṟi fo Beth-maka, na wandu wose wa oshari lo Bikri wakakoyana wakahenda nao.

1WAMANGI 15:20

Ben-Hadadi kaadanyia Mangi Asa kaduma wanene wa mbahanyi huya mṟi yose ya Israeli, kakapa Iyoni, na Dani na Abel-Beth-maka na Kinerothi yose, na oruka lose lo Naftali.

2WAMANGI 15:29

Kiheri kya wuitoṟi wo Peka mangi o Israeli, Tiglath-pileseri, mangi o Ashuru, naleduo wapfungo mṟi ya Iyoni, Abel-beth-maka ya Kadeshi na Hazoi na njoruka tsa Gileadi, Galilaya na Naftali na iwaduo wupfungo wandu wawo wose.

2WAMANGI 19:32

“Ko ikyo Mndumii-Ruwa nahamba adi kya mangi o Ashuru: ‘Echiidima iida kiidi kya mṟi fu na ifulasa na mfi ma echiida napfo arie ngawo pfo ma echifutengetia pfo.

KOHELETI 9:14

Kuwewode mṟi mtutu, kiidi kyafo kuwewode pfo wandu waangu; kukacha napfo mangi ang'anyi huyafo, kafutengetia kawika omombo lung'anyi kundu nafukape.

YESAYA 37:33

‘Kyasia Mndumii nahamba adi kiidi kya mbonyi tsa mangi o Ashuru, “Oo echiida kiidi kya mṟifu-pfo ihesha mfi iya, manya echicha na ngawo-pfo, manya iwika mfiṟiha.

YEREMIA 32:24

Ambuya, Wakalidayo wasuma maṟungu wotengetia mṟi; wawika wado kundu wafuduo wupfungo; wafusaṟikia. Shida, njaa na mawawio shechitewa mṟi fu fuwado na wandu wo. Nyi lohi mbonyi tsilya kuleikimba tsahoya. Nuwonyi kumonyi.

YEREMIA 33:4

Kipfa, inyi Mndumii-Ruwa, Ruwa o Israeli ngahamba ke mba tsa mṟi fo Yerusalemu na mba tsa wamangi wa Yuda tsilewunduyo kipfa kya itengetio na isaṟikio.

YEREMIA 6:6

Kipfa Mndumii menyi matorito nahamba adi, “Manyenyi Mashidi muwike omombo. Lutengete Yerusalemu. Mṟi fu nyi mṟi fukeri inyamaṟo. Nyi mbaka tupu tsiichio pfo.

EZEKIELI 4:2

Loṟa chando mṟi fu fufutengetie, ochiloṟa njomombo na shiṟaṟo shifusembelie, keweloṟa shiṟaṟo sha waskari shifuṟingichie na maṟipo hang'anyi hewunduo mṟi fu hafuṟingichie njora tsose.

LUKA 19:43

Cha kipfa nyi kochikaa kukuhoye mafiri, nlyondo wakituwa wapfo wechikuṟingichia na mfoo na ikutengetia na ikufiṟita kose kose.