2SAMWELI 2:32 - Bibilia Kui Mdedie fo Kimochi

³² Kyasia, Yoabu na wandu wake wakakudika mnying'a fulya fo Asaheli mṟasa Bethlehemu na imṟika handu hamu na ndeye. Kiheri walemarisa wakachumia kio taṟaṟaa na ngamenyi wakashika Hebroni.

2SAMWELI 2:32 ပူးပေါင်းရင်းမြစ်များ

MAWOOKIONYI 47:29

Mkonu ya opfu lo Israeli ikatikiria; kalaha mana oke Yosefu, kambia, “Kokoya kochinjiidikia, wika owoko lopfo shi ya owaa loko, kekunjiwutie osaṟio na kya lohi; ngakuterewa mnu kulanjiṟike kunu Misri.

MAWOOKIONYI 47:30

Kyaindi ilyi njechilaa handu hamu na wande wako nokunjiwute kunu Misri, nonjiṟike kulya ṟungunyi lyawo.” Kahamba, “Njechiwuta chando ohamba.”

2SAMWELI 2:31

Kyaindi wandu wa Dawidi wawewaahiye wandu mahana haṟaṟu na makumi haṟandaṟu (360) ha wandu wa Abneri wa oshari lo Benyamini.

2SAMWELI 5:1

Kyasia, shishari shose sha Israeli yose wakachea Dawidi kulya Hebroni na immbia, “So nyi wana wa wama wapfo wa samu.

2MBONYI TSA MAHERI 16:14

Naleṟiko, ikabuṟinyi sa alelipacha amonyi ngaṟahambenyi, mṟinyi fo Dawidi. Nalelaṟo isandukunyi sa liweliichuṟe nyi mpfaamo ya mbaṟi tsifoi, sa iwenjisungusie nyi waṟundi wa wuaria wung'anyi wosungusia marashi. Wakaatsa modo fung'anyi ko kiṟumi kyake.

2MBONYI TSA MAHERI 21:1

Kyasia, Yehoshafati kapfa na iṟiko handu hamu na wasahuye wake makapuṟinyi ha wamangi mṟinyi fo Dawidi; nao Yehoramu mana oke kawa mangi handu hake.

MFANANO 22:29

Ngesa omewona mndu mpfuṟukanyi kiidi kya iṟunda lyake? Icho nechihoṟoka oshangunyi lo wamangi; Echihoṟoka kiidi kya wandu walaichiopfo.

WACHILI 8:32

Gideoni mana o Yoashi kapfa awode maka ifoi, kaṟiko kipfunyi kya Yoashi, ndeye, mṟinyi fo Ofra ya Waabiezeri.

1SAMWELI 17:58

Sauli kawesa Dawidi, “Manake, iyo nyi mana ou?” Dawidi kamhaluo, “Inyi nyi mana o mṟundi opfo Yese, kuwuka mṟinyi fo Bethlehemu.”