2SAMWELI 19:39 - Bibilia Kui Mdedie fo Kimochi

³⁹ Kyasia, Mangi Dawidi na wandu wake wose wakaambada meda fulya fo Yordani. Mangi kahekia Barzilai momu, na imnenga mboṟa na Barzilai kahaluka kawuya na kanyi koke.

2SAMWELI 19:39 ပူးပေါင်းရင်းမြစ်များ

MAWOOKIONYI 14:19

Kammbikia mboṟa, kahamba, Abramu nakewikio ona nyi Ruwa ai huye mnu, mowumba ruwehu na oruka.

MAWOOKIONYI 28:3

Na Ruwa ichu Menyi pfinya nakuwikie ona, nakupfumbutse na ikuengeṟa, kundu nowe mamwingi fo mkambo ya wandu.

MAWOOKIONYI 31:55

Labani kakure ngamenyi otuko, kahekia wana wake momu na wana wake wa kika, kawawikia ona, kiidima Labani kahenda, kawuya na kowo.

MAWOOKIONYI 45:15

Kahekia momu wana wa mae wose, kafihiṟa nawo, lyefurumia, wana wa mae wakakapa nao sumu.

MAWOOKIONYI 47:10

Yakobo kawikia Farao mboṟa kawuka oshangunyi lo Farao.

MAWOOKIONYI 47:7

Yosefu kaitsa ndee Yakobo na mba kammbika oshangunyi lo Farao; Yakobo kawikia Farao mboṟa

2SAMWELI 13:25

Dawidi kamhaluo kambia, “Ote mana oko mkunde; lochiiidima icha losepfo, kipfa lochiwa mhanda mlemeri mnu kopfo.” Kyasia Absalomu kahesha iitika Dawidi nahende nao, kyaindi Dawidi kaleha kamnenga mboṟa yake na immbia nakuhendie.

2SAMWELI 14:33

Kyasia, Yoabu kahenda ko Mangi Dawidi immbia chandu Absalomu amduma. Kyasia, Mangi kaduma Absalomu nache na koke. Absalomu ahenda ishika ko Mangi, kamwolokia kampfiria ndi; na Dawidi kamchunguṟia kamhekia momu.

2SAMWELI 19:38

Kyasia, Mangi Dawidi kamhaluo kambia, “Njihenda na Kimhamu na njechimuwutia kindo kyose iyo okunda njimuwutie. Na iyo njechikuwutia orio kindo kyose okunda njikuwutie.”

2SAMWELI 6:18

Kyasia Dawidi amemarisa iwuta shidaso shilya, kawikia wandu walya mboṟa kui rina lya Mndumii-Ruwa.

2SAMWELI 6:20

Kyasia, Dawidi kahenda kanyi iiṟikiṟa, kaambilio nyi Mikali mka oke, na mka ulya kambia, “Inu mangi o Israeli nakunyiṟa ko ikutandaluo kitaṟe cha tondo oshangunyi lo waṟundi wa kika na wakisoṟo.”

1WAMANGI 19:20

Kudi, Elisha kada mmbe tsilya tsake, kaosha Elia wodicha kambia, “Njiinenga momu njihende ko wande na wama njisamane nawo kiidima njiche njikuoshe.” Elia kamhaluo, “Henda! Ngamekuima?”

MAITALA 24:25

Kyasia, Balaamu kakureho kawuya na kanyi; na Balaki nao kawehenda.

LUKA 2:34

Na Simeon kawawikia mboṟa, kawia mae oke Maria, “Ichu nyi ambike mohutsa na iira wafoi wa wana wa Israeli; nawewa kichano kyechidedo-dedo wokaṟuo.

MAWUTO HA WASU 20:37

Wakafuha mnu wose wakahoya Paulo ipfo nzingony wakamhekya momu.

1WATESALONYIKYE 5:26

Muiṟikiṟie wanawawama wose kui ihekyana momu lilya yele.

RUTI 1:14

Nawo wakafihiṟase mnu lya kawi na maṟu hawo; Aripa kahekia mamii momu, indi Ruti kaoshana na Mamii oke.

1SAMWELI 24:22

Dawidi kaliia Sauli nyamu. Nahong'u Sauli kawuya na kanyi koke, kyaindi Dawidi na wandu wake wakahendaotiṟiwenyi.