2SAMWELI 18:28 - Bibilia Kui Mdedie fo Kimochi

²⁸ Kyasia, Ahimaasi kadeda na Mangi Dawidi kambia, “Mbonyi tsinjicha, kuwode kindo kiwicho pfo.” Kyasia, Ahimaasi kahalukia Mangi, kampfiria ndi tsake na iinenga Mangi kiṟumi kyake kahalutsia mdo foke wanda, na ihamba, “Mndumii-Ruwa, Ruwa opfo, nainengo kiṟumi kipfa narumatsa watahachi walya walekaria iira mawoko hawo ikapana na iyo Mangi yako.”

2SAMWELI 18:28 ပူးပေါင်းရင်းမြစ်များ

MAWOOKIONYI 14:20

Kuadapfumo Ruwa chu ai huye mnu, alewika wakituwa wapfo mawokonyi hapfo. Abramu kamnenga kienga kya ikumi kya shindo shose.

MAWOOKIONYI 24:27

Kahamba, “Kuichiko Mndumii, Ruwa o mndumii oko Abrahamu, alaleima isaṟia lyake na lohi yake ko mndumii oko. Mndumii kanjiteteṟa inyi njienyi tane mmbenyi ya wana wa mae wa mndumii oko.”

2SAMWELI 1:2

Ili lya ngama kukacha manake umu awuka kiṟaṟo kya ya Sauli, naweranduye nguo tsake na ikushia teri mdonyi kechiloṟa fowa yake. Ekishika handu Dawidi awei, kakuolotsa wanda na ipfiria Dawidi ndi.

2SAMWELI 14:4

Mndu mka ulya o Tekoa kashika ko Mangi, kakuolotsa madendenyi ha Mangi, kafihiṟa, “Mangi njitarama.”

2SAMWELI 22:27

Nokeloṟa wuharami ko walya wai waharami kui mrima, kyaindi nokerumatsa wanyamaṟi.

2MBONYI TSA MAHERI 20:26

Na mfiri fo kaana wakakusanzia mfonyi fo Sifa, na wakaṟumisha Mndumii-Ruwa, ko shilya shose alewawutia. Nyikyo kimaduma mfo fo fukelaho nyi mfo fo Sifa mṟasa inu.

SHIIMBO SHA DAWIDI 115:1

Hoi Mndumii, ing'anyisha; kulalung'anyishe so, indi ung'anyishe rinalyo lyapfo, kipfa kya isaṟia lyapfo, kipfa kya wuhendeliwu wopfo.

SHIIMBO SHA DAWIDI 124:6

Kuichiko Mndumii; alalelulekia luwe kindo kelio mahehonyi hawo.

SHIIMBO SHA DAWIDI 31:8

Manya ulenjiwika mawokonyi ha wakituwa pfo. Madende hako kulehahoṟotsa handu hecha.

IWUKA 18:10

Naho Yetro kahamba, “Kuichiko Mndumii-Ruwa chu alewaashuo na mawoko ha Wamisri na owoko lo Farao; aleashuo wanduwo wawuke mawokonyi ha Wamisri.

1SAMWELI 17:46

Mkonu fo inu, Mndumii-Ruwa nechikuwika mawokonyi hako. Njechikukumba wanda, njechikudumbuo mdo fopfo; mbihu yaolemali lo Wafilisti njechiinengya malehe ha nginehu, na mando ha ngeṟenyi. Nlyondi wuyana wose wochimanya ke Ruwa nakeri ko Waisraeli.

1SAMWELI 24:18

Inu, noloṟa chandu ui mcha koko inyi. Manya chandu Mndumii-Ruwa alenjiwika mawokonyi hapfo kulenjiwaahapfo.

1SAMWELI 25:23

Abigaili kekiwona Dawidi, kasoka oweṟe lumu huya nzoi yake, kaarama oshangunyi lo Dawidi itane kyamu kyake kyapaaya teri.

1SAMWELI 26:8

Absai kawia Dawidi, “Inu Ruwa amedambika mkituwa opfo mawokonyi hapfo. Kyasiang'u, leka njimtochie o wanda terinyi ili limu tupu na pfumulyi; njechimtocha kawipfo.”