2SAMWELI 18:21 - Bibilia Kui Mdedie fo Kimochi

²¹ Kyasia, Yoabu kawia msoṟo umu awukie Kushi, “Henda nowie Mangi ishi owona. Kyasia, mndu ulya o Kushi kaaṟamtsa mdo foke ko Yoabu, kahenda kulya adumo.”

2SAMWELI 18:21 ပူးပေါင်းရင်းမြစ်များ

2SAMWELI 18:20

Yoabu kamhaluo kambia, “Ote ma kulahende wulalu, mbonyi tsi tsechiwa mbonyi njicha madunyi hake ke mana oke o Absalomu napfie-pfo. Tirima njechikuduma kiheri kingi.”

2SAMWELI 18:22

Na Ahimaasi mana o Sadoki kadeda na Yoabu kambia, “Hoi ngakuterewa nonjinenge momu na inyi njihende numa ya Mkushi chu.” Kyasia, Yoabu kamhaluo kambia, “Nkili okundi idicha mana oko? Kuwode kiṟimiṟa ochiinengo kipfa kya mbonyi tsipfo!”

2SAMWELI 18:23

Ahimaasi kamhaluo kambia, “Leka njihende tupu, ma kokoya kulawode kiṟimiṟa.” Kyasia, Yoabu kambia, “Kuhendie.” Ahimaasi kadumbuo njia njifui ya patenyi kadicha kasongoya Mkushi ulya ishika ko Mangi Dawidi.

2SAMWELI 18:31

Kyasia mndu ulya o kawi awuka Kushi kashika ko Mangi kahamba, “Njirie mbonyi njicha tsafo Mangi yako! Inu Ruwa amekuashuo na ikukiṟa iwuka mawokonyi ha watahachi walya waweikapana na iyo.”