2SAMWELI 16:10 - Bibilia Kui Mdedie fo Kimochi

¹⁰ Kyaindi, Mangi kambia, “Ngesa nkiki luwode kiidi kyako inyi nanyo wana wa Seruya? Kokoya Mndumii-Ruwa nambia, ‘Sesa Dawidi,’ nyiu wulalu echiidima iwesa nkili owuta kudo?”

2SAMWELI 16:10 ပူးပေါင်းရင်းမြစ်များ

MAWOOKIONYI 50:20

Nanyo nkya lohi mlenjikusaṟia shiwicho, indi Ruwa kanjikusaṟia mecha, kundu kuwoneke okiṟo ko mkambo fung'anyi, chandu lui inu.

2SAMWELI 19:22

Kyasia, Dawidi kamhaluo kambia, “Wana wa Seruya, nkiki njiwode nanyo; nkili mkukuhaluo wakituwa wako inu? Ngesa nawoho mndu ose kiidi kya Israeli mkonufu fo inu? Ngesa njiichi ke inyi nyi mangi ya Israeli mkonufu fo inu?”

2SAMWELI 19:23

Kyasia, Mangi Dawidi kawia Shimei, “Ochipfa pfo.”

2SAMWELI 3:39

Ma chandu njikeri msambuṟe, mshimbuo o Ruwa, kuwode kindo njechiidima iwutia wana wa Seruya pfo. Mndumii amonyi natae kiṟache ki ko wandu wawicho mnu kipfa kya mawicho hawo.”

1WAMANGI 17:18

Mka ulya kawia Elia, “Nyi kiki kyako na iyo, iyo mndu o Ruwa? Ngesa nyi ulenjichea ikumbuṟa Ruwa wunyamaṟi woko, nowahe mana oko?”

1WAMANGI 2:5

“Ngoseṟa ya isho, noichi chandu Yoabu mana o Seruya alenjiwutia, chandu alewutia wandu walya wawi wawei mbahanyi wa Israeli, Abneri, mana o Neri, na Amasa, mana o Yetheri. Nalewawaha, kataa kiṟache kiheri kya ofoṟo, kafanyitsa samu okowa lo kitsi kyake, na shadu aweṟee madendenyi hake.

2WAMANGI 18:25

Ngoseṟa, mukusaṟie ke ngacha njilawode wuwawaso wo Mndumii-Ruwa kundu njikape na irumatsa oruka lu? Mndumii-Ruwa nyio alenjiwia, ‘Kapa oruka-lu nolurumatse.’”

YOBU 9:12

Keambuya! Nekeduo kindo akundi, nyiu echiidima imiima? Ang'u nyiu echiidima imbesa: ‘Kiki uiwuta!’

SHIIMBO SHA DAWIDI 39:9

Ngatsia, njetambaṟuo dumbu lyakopfo; Kipfa nyi Iyo ulehatana.

KOHELETI 8:4

Kipfa idedo lya mangi nyi liwode pfinya; nyiu echiidima iwia icho nkiki uiwuta?

SHILIO 3:37

Nyiu echiidima ihamba kindo kiwutike kidi, ko shile Mndumii-Ruwa ahamba kiwutike kido?

DANIELI 4:35

na wose waikunu wuyana wai watale chi kindopfo; nao nekewuta chando akundi ipfo ruwehu na kunu orukenyi, kuipfo manya umu echiidima iima owoko lokepfo, ma imbesa, ‘Nkiki uiwuta iyo?’”

MATAYO 16:23

Nao kainduka kawia Petro, “Kewuya na numaa-ko, Satana, nyi onjiendye wusutsu. Nyi kipfa chando uihia chi kya Ruwapfo nyi kya wandu.”

MATAYO 8:29

Naho wakakalahatsa wakahamba, “Nyi kiki kyadu na iyo Mana o Ruwa? A nyi ucheye naho kiheri kyadu kilamshika kehenda tuuro?”

YOHANE 18:11

Kyasia Yesu kawia Petro, “Kewihiṟa oshu lu na ipfo kiṟandenyi. Alewo! Kirahu ki Wande anjinengye alewo nyi ohamba njide njilanyo ngesa?”

WAROMA 9:20

Hoo iyo ui mndu o wandu; nyi ukeri o ku koanduyana na Ruwa? Aka kindo kiwumbe kitane kyawia mokiwumba, “Nyi kiili untanye kudi?”

1PETRO 2:23

Nao ili arumo aletaa erumapfo kawawiṟo alasese; kakidea Ruwa ichu modumbuo kya wusumhanyi.

1SAMWELI 26:19

Kyasia, wulalung'u mndumii oko mangi, kyeadanyia madedo ha mṟundi opfo. Kokoya Mndumii-Ruwa nyio aikutetekia nonjiwaahe kyasia, nakeambia kidaso kimnenge nailache makusaṟo hake. Kyaindi kokoya nyi wandu waimṟunga, kyasia Mndumii-Ruwa nawasese wanduwo cha kipfa wamenjiwingia kuwuka kulya kyoṟenyi luleinengo nyi Mndumii-Ruwa wechihamba, ‘Kurenyi muhende iṟundia maruwa hengi.’