2SAMWELI 15:30 - Bibilia Kui Mdedie fo Kimochi

³⁰ Kyasia, Dawidi kado fumvu lya msinefu, kechichumia ko madende alaṟee shadu, kafihiṟa ashikie mdo foke. Wandu walya wose wawerianyi na Dawidi nawo wakado nao wechifihiṟa, na mdo yawo injishikie.

2SAMWELI 15:30 ပူးပေါင်းရင်းမြစ်များ

2SAMWELI 15:29

Kyasia Zadoki na Abiathari wakawihiṟa isanduku lilya na Yerusalemu, nawo wakakaa pfo.

2SAMWELI 19:4

Mangi Dawidi kashikia kyamu kyake na mawoko hake kechifihiṟa, ko ṟu lying'anyi kechihamba, “Mana oko Absalomu, O Absalomu mana oko! Absalomu mana oko.”

2SAMWELI 19:5

Kyasia, Yoabu kahenda kanyi ko Mangi Dawidi kambia, “So lulekiṟa moo fopfo, na moo ya wanawapfo wakisoṟo na wa kika, waka wapfo na masuria hapfo; kyaindi iyo kolumina kolutewa lukawado nyi sonu cha wandu wawutie kindo kiwicho!

ESTA 6:12

Kyasia Mordekai kawuya na alya kichuminyi kya mba ya mangi. Indi Hamani kadicha na kanyi koke amsokie nyi fowa, kaweshikia na mdo foke.

SHIIMBO SHA DAWIDI 42:3

Mchenyeṟe yako ilewa kando kako mfiri na kio, Orio kiheri wamenjiwia mfiri puti, Ruwa opfo nku ai?

SHIIMBO SHA DAWIDI 43:5

Mrima foko nkili osokio nyi fowa, Na iangalala kiidi kyako? Kusirie na Ruwa; kipfa njechikaa njimṟumishe, icho ai pfinya yako, na Ruwa oko.

EZEKIELI 24:17

‘Ambuya nyi ochisumukia kya indi uladose ṟu. Manya ochiloṟa iawuka lya icho apfapfo. Ṟaa kidami kyapfo, uwekuṟaya shadu shapfo, manya ulashikie oshangu lopfo manya ilya kelya kya iawuka.’

EZEKIELI 24:23

Ambuya nyi mochiṟaa shilemba shanu mdonyi yanu, na shadu madendenyi hanu, mochisumukia manya ifihiṟapfo. Ambuya mochifafaa mrimenyi kya mawicho hanu na isumukia nyo wenyi ko wenyi.

ZEKARIA 14:4

Mkonufo nechihoṟoka kulya fumvuhu lya mashidi ha msinepfu likeri ora lo ngamenyi lo Yerusalemu. Fumvu lyo lyechiletsano njohawi tsiwi na pichi ling'anyi lyechiwono wokia ora lo ngamenyi itane lo kyukanyi. Ora lumu luambuye mtsudu na lungi luambuye nuka.

MATAYO 5:4

Nanga iwo wawodo nyi fowa, cha kifa nyiwo wechika wawihiṟio moo.

LUKA 19:29

Kekishika hafui na Betifage na Betanyia, alya kufui na fumwu lya mashidi ha msinepfu, naalyo kaduma wasu wake wawi, kawawia;

LUKA 19:37

Lilya aleshika kufui na msaṟi fulya fo fumvu lya mashidi ha msinepfu, naalyo siṟi iya ya wandu wa kiloshionyi kyake yose ikawooka ichihio na iadapfuma Ruwa na maṟu hang'anyi kipfa kya ṟiho tsilya tsa pfinya waletsiwona tsose.

LUKA 19:41

Ashika kufui na yafukia, kawona mṟi fulya kafulilia.

LUKA 21:37

Kyasia, nao orio mkonu, ili mfiri, nyi awekewa molosha kulya hekalunyi, kukameila kakure-pfo kahenda ilaa kulya fumvunyi lya mashidi ha msinepfu.

LUKA 22:39

Yesu kawuka-pfo kahenda kulya fumvunyi lya mashidi ha msinepfu chando aweichiwie; na wa kiloshionyi kyake wakamwosha.

MAWUTO HA WASU 1:12

Kikasia wakawuya wechihenda Yerusalemu wawuka kulya fumvunyi lyewio nyi lya msinepfu likeri kufui na Yerusalemu lii haleshe cha hando ha ohendo lo sabato.

WAROMA 12:15

Kewechihionyi kimu na iwo wawachihie, muwelia na iwo welia.

1 WAKORINTO 12:26

Na kokoya kiwungo kimu kyahenda iwawyo shingi shose shawayo hamu nakyo; kokoya kuipfo kiwungo kyawikyo mng'ano shahenda ichihio hamu nakyo shose.