2SAMWELI 15:10 - Bibilia Kui Mdedie fo Kimochi

¹⁰ Absalomu akeri kulya Hebroni kaduma waṟundi wake kiṟika wakahenda oruka lose lo Israeli wawie wandu, mukaicho iranda lyechikapo, hambenyi, “Absalomu nyi mangi o Hebroni.”

2SAMWELI 15:10 ပူးပေါင်းရင်းမြစ်များ

2SAMWELI 13:28

Kyasia, Absalomu kadeda na waṟundi wake kawawia, “Wedenyi mṟasa Amnoni nanyo wari nanango; kiheri njechimuwia mumbahe, wutenyi kudo ma mulaowuo kindo kipfa nyi inyi ngamuwawasa.”

2SAMWELI 14:30

Kyasia, Absalomu kaduma waṟundi wake kawawia, “Hendenyi mukoṟe dema lya Yoabu lya Ngano likinganyi na idema lyako.” Nawo wakahenda, wakawuta chando wawio.

2SAMWELI 15:9

Mangi kamhaluo kambia, “Kuhendie na ofoṟo lo Mndumii.” Absalomu kakure kahenda Hebroni.

2SAMWELI 19:10

Wulalu Absalomu lulemshimbuo kawa Mangi yadu amepfa shidenyi. Nkiki kiluima ideda kya iwihiṟa Dawidi Mangi yadu?”

2SAMWELI 2:1

Kyasia, Dawidi kawesa Ruwa namnenge momu fo henda ikapa na iwada mṟi fumu fo Yuda. Na Ruwa kamnenga momu kambia, “Kuhendie, ‘Dawidi kawesa Ruwa, Njiwade mṟi fuhya?’ Ruwa kambia, ‘Hebroni.’”

2SAMWELI 2:11

Kyaindi Dawidi nawei Mangi ya oruka lose lo Yuda, ko maka mfungade na meri iṟandaṟu na kidi kyake kya wumangi kiwei kulya Hebroni.

2SAMWELI 5:5

Dawidi nalechilia Yuda ko maka mfungade na kyenga akeri Hebroni, na ichilia Israeli na Yuda ko maka makumi haṟaṟu na kaṟaṟu akeri Yerusalemu.

1WAMANGI 1:11

Nalyo Nathani kawia Bath-sheba, mae o Solomoni, kammbesa, “Ngesa ulemeicho ke Adoniya, mana o Hagithi, nawode wuitoṟi na ndeanu Dawidi aichi mbonyi tsi pfo?

1WAMANGI 1:34

Kiidima Sadoki mkohanyi na Nathani mwikimbi wamshimbuo kui mafuda, nawe Mangi ya Israeli; kapenyi, iranda muhammbe, ‘Mangi Solomoni nakae na moo.’

2WAMANGI 9:13

Wakapfuṟukana owinyi, orio mndu kawuta ṟao lyake, kaṟika huya kitaṟa kya meda, wakakapa iranda wechihamba, “Yehu nyi Mangi.”

1MBONYI TSA MAHERI 11:3

Kyasia, wanene wa Israeli wakacha isahia Dawidi kulya Hebroni na Dawidi kawika nawo kyasa kulya Hebroni oshangunyi lo Ruwa, nawo wakamshia mafuda na imshimbuo nawe mangi ya Israeli; nakyo kikawa kido chandu Ruwa alehamba ko dumbu lya Samueli.

1MBONYI TSA MAHERI 12:23

Iha nyi maitala ha machekeṟo sa halekulunga na Dawidi kulya Hebroni, na imnenga umangi wo Sauli chandu idedo lya Mndumii-Ruwa liwehambie;

1MBONYI TSA MAHERI 12:38

Machekeṟo ho hose, halecha na Hebroni hawode mhio fumu tupu, ikapana shida na idambikia Dawidi wumangi wo Israeli yose; na mahiyo hewika Dawidi mangi ya Waisraeli wose, nyi hawei mahiyo ha Waisraeli walya wengi wose.