2SAMWELI 14:17 - Bibilia Kui Mdedie fo Kimochi

¹⁷ Ngahamba, ke lochiwona ofoṟo se, kipfa njiichi iyo Mangi nokeri cha malaika o Ruwa, nochiidima itambahaluo mecha na mawicho. Mndumii-Ruwa nakae na iyo.”

2SAMWELI 14:17 ပူးပေါင်းရင်းမြစ်များ

2SAMWELI 14:18

Kyasia, Mangi Dawidi kamhaluo kambia, “Njikuwesa idedo limu ma kulanjiṟike kindo ma kimu.” Na mndu mka ulya kamhaluo kambia, “Deda Mndumii.”

2SAMWELI 14:20

Nanjiduma kopfo kundu mbonyi tsi tsisungusio. Kyaindi iyo Mangi no mṟango cha malaika o Ruwa, noichi orio kindo kiwutika.

2SAMWELI 19:27

Siba nalenjituura inyi kechihamba ngaleha ihenda na iyo. Kyaindi njiichi iyo nokeri cha malaika o Ruwa, koikyo njiwutia ikyo owonyi kiwaṟi.

2SAMWELI 19:28

Inyi na wa oshari loko lose kiwewaṟi luwaho; kyaindi mangi, nonjinenga kiṟumi kiidi kya wandu wafoi ngadamia na ilya mesenyi yapfo? Njechiidima inunuwapfo.”

1WAMANGI 3:28

Waisraeli wose wekiicho mbonyi i na chandu aledumbuo mondufu, wakaowuo Mangi; kipfa walewona ke wuṟango wo Ruwa wuwei kiidi kyake kundu naanduye wandu.

1WAMANGI 3:9

Ko ikyo ngakuterewa unjinenge inyi kisinga kyapfo mrima fo wuidiki na wuṟango wo manya mecha na mawicho njiweidima ianduo na idumbuo chila kiidi kya wandu, kipfa nyiu echiidima isongoya na ianduo kiidi kya wandu, wafoi wadi?”

YOBU 6:30

Ale, mokusaṟa kulako ngahamba owicho? Ale, mokusaṟa njilaichi mawawio?”

MFANANO 27:21

Isinga nyi lya fesa, na okaa lo modo ko sahapu; Mndu nekehesho kui kiṟumi kyake.

MFANANO 29:5

Mokukundya ko wamṟasa oke. Nekeala ndusu tsii njioke maṟawushi kakudeha madende amonyi.

WAEBRANIA 5:14

Indi shelya shumu shisumhanye wandu watimie, nyiwo wandu wawode pfinya tsetichia shindo tsii njiohishe kui mwichiwie tsewa iletsa kicha na kiwicho.

YOSHUA 1:17

Ambuya chandu luleindia Mose ko orio kindo nyi wudo da lochikuindia iyo; ee da Mndumii-Ruwa nakukaye na iyo chando awekeri na Mose.

1SAMWELI 29:9

Akishi kambia, “Njiichi ke uwode mti koko inyipfo cha msu o Ruwa. Manya kudo, wasongoru wa shida wa Wafilisti wahamba, ‘Nalahende naso shidenyi manyale.