2PETRO 3:7 - Bibilia Kui Mdedie fo Kimochi

⁷ Indi ngina ya ki-wulalu na wanda ii shishiṟihikye nyi idedo lya Ruwa, tso tsikeri nteṟye modo kui idedo li lya Ruwa tsiinkoomye mkonu fo maanduo halya hang'anyi forumatsa wandu walya wenyi-wulemeshi.

2PETRO 3:7 ပူးပေါင်းရင်းမြစ်များ

SHIIMBO SHA DAWIDI 102:26

Ishi shechinyamaṟika, indi iyo nochikaa mlungana; ee da, ishi shechikuo cha nguo; cha maṟao nochishiilacha, nasho shechiilachika.

SHIIMBO SHA DAWIDI 50:3

Ruwa odu nyiakeri icha alatsia, modo fochilya oshangunyi loke, masinanu hang'anyi hadihina mnu, hechimṟingichia njora tsose.

YESAYA 51:6

Irienyi meso huye ruwehu, mwambuye oruka wanda; kipfa ngina yechideka cha mtsu, oruka lochiwa masaṟa cha nguwo na iwo waipfo wechipfa, indi ofoṟo loko lochiwa lo mlungana, na wulohi woko wochiwutoho pfo.

YESAYA 66:15

Kipfa Mndumii naicha cha modo na magari hake ha shida cha otanu lo kiwiriwiri; kundu natae kiṟache kya nyashi yake ko modo fuaka na mapfundo hake kui olewo lo modo.

DANIELI 7:9

“Ngawona njoloṟika tsa wuitoṟi tsikawiko, na meku umu o oruka adamie; nguo tsake tsiwei njiili cha makuṟeṟa na njui tsa mdo foke fuwei miili panga kipfa kya mhasa; loṟika loke luweikumba olewo lo modo, shidenga shalyo shiwei cha modo fuiaka.

SEFANIA 3:8

Kyasia njiwedenyi Mndumii ahamba, mṟasa mkonu fulya njekure njiduo wandu wapfungo kipfa njikuteseheṟie isanya wandu wa mkambo, kundu njikoyanyishe mangi tsose, njiwaloshe kui nyashi yako yee, wulang'a wo nyashi yako, kipfa wuyana wose wochirumatso kui modo fo wunyenyi woko.

MALAKI 4:1

“Kipfa ambuyenyi, mkonu fulya fuicha fuiaka cha wuhyu. Wandu wose wawode orikiki na wewuta sha mkika wechiwa makanjo, na mkonu fulya fuicha fochimrumatsa,” Mndumii menyi Matoṟito ahamba, “Manya fochimudeeya itsuwa ma iṟamba-pfo.

MATAYO 10:15

Na kya lohi ngambia, kilya kya oruka lo Sodoma na Gomora nyi kyechyiangwo ili mfiri fo mondu kota kya mṟifo.”

MATAYO 11:22

Kya indi nyi ngambia, kilya kya Tiro na Sidon nyi kyechianguo ili mfiri fo mondu kota kyanu.

MATAYO 11:24

Nahonu ngamuwia, Kilya kya Sodoma nyi kyechianguo ili mfiri fo mondu kota kyapfo iyo.”

MATAYO 12:36

Kya indi inyi ngambia, ‘Ke orio mbonyi njiwicho iyo wandu wechideda nyi wekaa wawuwuyo ili mfiri fo mondu.

MATAYO 24:35

Kulya ruwehu kukae kunyamaṟike na kunu orukenyi, kyaindi madedo hako hawode mandi hechinyamarṟikapfo.”

MATAYO 25:41

“Nalyo mangi echiwia na walya wa ora lo kumoso nahambe, ‘Njiwukenyi nyo mui wasese, muhende ipfo modonyi foekaa mulangana ifo fui fusungusye fo Satan na wasu walya wake.

MARIKO 6:11

Mkakoya kundu walechimwambia ma imwadanya, wukyenyi-ho na ikutakuta kiluli kii shia madende hanu, kiwe kiṟingishyo kowo.”

YOHANE 12:48

Ichu monjimina kada alaambya madedo ho hako nahawade o nawode mombonya owingo. Idedo lyo lyako ngamdeda lyo lyechimbonya owingo Mkonu fulya Fofurumya.

WAROMA 2:5

Na orikiki lu lopfo na wuumu wo ngoo ilakunda imhalukia sho shekuwiia tewe okuruwia kumonyi tuuke ya Mkonu fulya fo tuuke fomanyisha mdumbuyo fusumhanyi fo Ruwa.

1 WAKORINTO 3:13

Kyasia kiṟundyo kya orio mndu kyechiwoneka na pata, kyamba mkonu fulya fulya fochikimanyisha kipfa nyi fochikuwonekya furie modo, na modo fu fumenyi nyi fochihamba kiṟundyo kya orio mndu ke nyi kiwei kya mbaṟi nki.

WAFILIPI 1:28

Ma mulawone mochiowesho nyi wakituwa ma kindo ma kihya. Nakyo nyi kyo kyawawiia kichano kya odetso kiwembiia nyo kyo okiio, na wudo kii-kiwike nyi Ruwa.

2WATESALONYIKYE 2:3

Kulakaeho echimlemba ma kui njia ii ang'u, ii. Kipfa kwipfo kisonguo nalyo nyi iwuka siṟinyi lilya ling'anyi na ulya mbicho menyi wunyamaṟi nawekuloṟa, nyio mana o orumatso.

1TIMOTEO 6:9

Kya indi iwa walanga ifeṟa masaa wekeoloka kitewyonyi na mshihodinyi na langonyi tsifoi tsa mteecho tsiwichuṟye mndu, natso tsekeolotsa wandu odetsonyi na orumatsonyi.

WAEBRANIA 12:29

Kyamba Ruwa odu ai modo fuilya fochimaa.

2PETRO 2:9

Mndumii aichi iletsa wandu wamwidikie kiheshionyi kyawo, indi iwa walasumhanyi nyi aichi iwasuṟumya ngapo mfiri foanduo waipfo wechidehelyo.

2PETRO 3:10

Kochicha mkonu fo Mndumii oweṟe faa cha mwiiwi. Nafo nyifo ngina yechisaramaya neduika ling'anyi na shiṟaana shayo shechipaṟakana shii-shirohie m modo, na wanda ii na wudo yechihenda ikoṟo hamu na shiwike shii nayo.

2PETRO 3:12

Muwe mochiweda iwoneka lya Mkonu fukeri fo Ruwa mofuwingya. Mfo fochitewa ngina yechipaṟatsano modonyi na shiṟaana shechisalaṟo shii-shii-rohie m mrike.

1YOHANE 4:17

Ikunda-li luliwode lyashika yawukya ipfondo luwode wulalutsu mkonu fo mwanduye, kyamba chando o ai na wudo so lui kunu wuyana.

YUDA 1:7

Kumbuonyi chando Sodoma na Gomora, na mṟi iweṟasanyi nayo; iwefananyi na wasu walya kui uṟuhui na wulala na mbonyi tsilawaṟi mbihunyi na yala mbihu ya wahenu yo ii-mbike-ho kitaanyo kya wudeheli wuende modo fulechirumika, wuwe wuikimbi ko wandu wose.

OTAMBAHALUO LO YOHANE 17:11

Na indo lyo, liwei-ho kacha, lilai-ho wulalu, lyo liyenyi nyi ichu mangi o nyanya. Nao akeri o kamba lya walya mfungade kahenda ifo orumatsonyi.”

OTAMBAHALUO LO YOHANE 17:8

Indo li omeliwona liwei-pfo ili kacha, indi wulalu liipfo-pfo. Nalyo lyechido liwuka ko wapfu; indi lyechirumatso. Wai wuyana wechiṟihio. Na wandu walee masangenyi walai-waṟehye marina hawo ipfo kitapunyi kya moo wokia wuyana wulembiko, wo wechiwuko m madima ilindi wewona indo lyi ke liwei-pfo kacha, lilai-pfo wulalu nalyo lyammboneka-se.

OTAMBAHALUO LO YOHANE 20:11

Na ngamambuo ngawewona loṟika lo wuitoṟi lung'anyi luili, na ichu awedamye-ho. Ruwehu na oruka shikaarisika oshangunyi loke. Shilakiwono-se. Nasho shilawewonyo handu hekaa.

OTAMBAHALUO LO YOHANE 21:1

Na ngameambuo ngawona ruwehu lihya na wuyana wuhya, kyamba ruwehu lya kuwoka na wuyana wo kuwoka shiwemsaramaya na ipalyipalyi iweiho-sepfo.